Politike

Ndërhyrjet e huaja në zgjedhje, Balla çon në Kuvend projekt-rezolutën: Ndikimi rus është dyfishuar

Balla çon në Kuvend projekt-rezolutën për ndërhyrjet e huaja në Shqipëri. Theksohet se vetëm në vitin e fundit është dyfishuar ndikimi rus në vend.
Featured image of article: Ndërhyrjet e huaja në zgjedhje, Balla çon në Kuvend projekt-rezolutën: Ndikimi rus është dyfishuar Taulant Balla

Tiranë-Maxhoranca hedh një tjetër hap kundër ndërhyrjeve të huaja në zgjedhje. Kreu i grupit parlamentar të Partisë Socialiste Taulant Balla depozitoi sot në Kuvend projekt-rezolutën për ndërhyrjet e huaja në proceset elektorale dhe dezinformimin në proceset demokratike kombëtare(Rezoluta mbi ndërhyrjet e huaja elektorale)

Në këtë draft theksohet se ndërhyrjet e huaja në fushatat polarizojnë opinion dhe nxisin aktet e dhunës dhe të urrejtjes.

“Ndërhyrjet e huaja nxisin akte dhune dhe gjuhën e urrejtjes, janë rreziqe serioze për demokracinë. Ka një trend për tentativa për të ndikuar në vendimarrjen në Shqipëri. Ndërhyrja e huaj në fushata merr forma të ndryshme. Duhet të rritet ndërgjegjësimi për fushatat e dezinformimit të Rusisë. Aktorë nga vendet e treta të përfshirë në ndërhyrje dashakeqe, shkalla e ndërhryjeve dashakeqe kërkon koordinim të të gjithë institucioneve. Aktorët të vijojnë përpjekjet për sigurimin e procesit të zgjedhjeve, institucionet duhet të hartojnë masa për kontrollin e financimeve. KQZ të adresojë transparencë për auditimin e partive”, thuhet mes të tjerave në projektrezolutën për financimet e huaja në fushatat elektorale.

Për më shumë bëhu pjesë e grupit më viral në Facebook, Dosja.al

Por kështu nënvizohet se ndërhyrja ruse në Shqipëri është burimi kryesor i dezinformimit në Evropë dhe që është dyfishuar që nga janari 2019 (me 998 raste) në krahasim me 2018 (me 434 raste)”.

“Beson se zgjedhjet e lira dhe të ndershme janë në zemër të procesit demokratik dhe prandaj kërkon që institucionet e vendit të ndërmarrin veprime për këtë çështje, në kuadër edhe të proceseve integruese të vendit në BE; Vëren me shqetësim se Bashkimi Europian është thellësisht të shqetësuar për “natyrën jashtëzakonisht të rrezikshme të propagandës ruse, e cila është burimi kryesor i dezinformimit në Evropë dhe që është dyfishuar që nga janari 2019 (me 998 raste) në krahasim me 2018 (me 434 raste)”.

J.V/Dosja.al

Shto Koment