Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
TIRANË– Darka e ministrave në Dubai, e bërë publike nga Dosja.al dy ditë më parë është kthyer në kryefjalën e mediave, politikanëve dhe qytetarëve në vend. LSI përmes një deklarate për mediat nga ana e Petrit Vasilit është shprehur se darka ishte më shumë seç u pa.
Vasili u shpreh se gjatë darkës u nënshkrua një marrëveshje që shkel ligjin në mënyrë skandaloze. Më tej ai shtoi se në atë tavolinë janë diskutuar tre çështje: rizhvillimi i Portit të Durrësit, mundësitë e investimeve në industrinë e turizmit, bujqësisë dhe logjistikës së Vlorës, Sarandës, Ksamilit dhe e treta investimet në fushën e turizmit në zonën e Përmetit.
‘Është rënë dakord që sipas marrëveshjes që kanë nënshkruar të dyja palët, të gjitha projektet, kontratat dhe gjithë çka lidhje me këtë marrëveshje nuk do t’i nënshtrohen asnjëherë prokurimit publik, tenderit publik, procedurës konkurruese publike apo ndonjë procedure tjetër të përcaktuar në legjislacionin kombëtar të Republikës së Shqipërisë.’- u shpreh Vasili.
DEKLARATA E PLOTË E VASILIT:
Të nderuar qytetarë dhe qytetare!
I gjithë opinioni publikë është tronditur nga pamjet sigurisht të përshtira të darkës së famshme në Dubai, ku qeveri, bashki, oligarkë, gra të qeveritarëve e të tjerë, ishin shtruar në një darkë që la një shije të pashlyeshme e të hidhur në sytë e shqiptarëve. Megjithatë, kryesorja dhe mbi të gjitha, ajo që dua të ndaj me ju është që të kuptoni se cili ka qenë thelbi politik, ekonomik, shpërdorues dhe shkelës i ligjeve që simbolizoi në darkë, i cili ishte shumë më tepër sesa ajo që keni parë, pra ca ushqime të shtrenjta e të tjera.
Këta zotërinj dhe zonja të ulur atje, së bashku me personazhin kryesor që mungonte, e që ishte Edi Rama, pak javë më parë në fillim të dhjetorit kanë miratuar një marrëveshje me Emiratet e Bashkuara, ku kanë nënshkruar aktin më të rëndë në marrëveshjet që mund të bënte Shqipëria dhe shkeljen më skandaloze të ligjit që ajo mund të bënte dhe që një qeveri shqiptare mund të ketë bërë në këto 109 vjet shtet të pavarur shqiptar.
Që të jem shumë konkret, çfarë thotë marrëveshja? Për të gjithë ju ajo ndodhet në ekran, ashtu sikurse është firmosur dhe ka hyrë tashmë në fuqi, e votuar dhe nga Parlamenti i bashkë hajdutëve të qeverisë. Është rënë dakord që sipas marrëveshjes që kanë nënshkruar të dyja palët, të gjitha projektet, kontratat dhe gjithë çka lidhje me këtë marrëveshje nuk do t’i nënshtrohen asnjëherë prokurimit publik, tenderit publik, procedurës konkurruese publike apo ndonjë procedure tjetër të përcaktuar në legjislacionin kombëtar të Republikës së Shqipërisë. Dhe konkretisht në tavolinën e darkës ka edhe një menu tjetër. Kjo është edhe menuja e vërtetë, që të dini se çfarë shqyen në atë darkë. Në atë darkë ishin 3 projekte, pikërisht pjesë e kësaj marrëveshjeje: rizhvillimi i Portit të Durrësit, mundësitë e investimeve në industrinë e turizmit, bujqësisë dhe logjistikës së Vlorës, Sarandës, Ksamilit dhe e treta investimet në fushën e turizmit në zonën e Përmetit. Pra të gjithë këto zona me një potencial të jashtëzakonshëm turisti, me mundësi të jashtëzakonshme, që nëpërmjet garës së hapur, konkurrimit të ndershëm, themelit të një shoqërie demokratike, por që bën biznes të ndershëm, janë tashmë objekt ndarjeje e shitjeje, pa asnjë konkurrim e asgjë, dhurata reciproke që Shqipëria i bën kujt i intereson.
Për të kuptuar diferencën, dhe kjo është më e lehta në botë, po ju citoj sesi përcaktohet me marrëveshjen që ka pasur jo qeveria e Rilindjes, por qeveria e para vitit 2013, një marrëveshje e firmosur në vitin 2012, në 19 janar. Që në nenin 1, marrëveshja thotë qartë: Palët kontraktuese angazhohen që të zhvillojnë bashkëpunim ekonomik e tregtar ndërmjet dy vendeve, në pajtim me legjislacionin në fuqi në të dyja vendet. Pra marrëveshjet e qeverive të mëparshme, të përgjegjshme, respektonin një për një legjislacionin në të gjitha vendet. Ndërsa kjo marrëveshje siç e shikoni thotë: Ndani, hani, pini, vini në tavolinë dreka e darka, njëherë vini Ksamilin, njëherë që nga Vlora e deri në Sarandë, gjithë bregdetin e Jonit. Merrni të gjithë bukuritë e Përmetit e ndajini si të doni, pa konkurrim e pa garë. E këto kush i bën? Një vend kandidat i Bashkimit Europian, në një Europë e cila konkurrencën e ndershme, prokurimin publik të hapur e transparent, garën dhe shpirtin e saj që jep mundësi për të pasur investime sa më transparente, më të qarta, më të sigurta, më të mbrojtura, ja heqin Shqipërisë dhe u kthehen procedurave të grabitjes nëpërmjet një dore të vetme, një emri të vetëm dhe atje siç e patë, presin e shqyejnë ato që janë të gjitha pasuritë e Shqipërisë. Njëherazi, duhet të kuptoni dhe të jeni shumë të qartë që me marrëveshjen e bërë jo vetëm janë shkelur një tufë me ligje të Shqipërisë, jo vetëm janë tradhtuar interesat e Shqipërisë, jo vetëm Shqipëria në veprimet të tilla është vite larg nga Bashkimi Europian, i cili ka kërkuar për procese më të voglat dhe më të ngushtat, gara të hapura e transparente, të cilat evitojnë çdo lloj batakçillëku shtetëror, por kanë dalë si të tillë.
Njëherazi, është shumë e çuditshme dhe interesante, që mbyllja e marrëveshjes, për të kuptuar të nderuar qytetarë sesi vepron një mazhorancë politike e kapur nga interesat e saj korruptive të pafund, çfarë thotë në fund fare? Kjo marrëveshje thotë nuk do të ndikojë në përmbushjen e angazhimeve, zotimeve, programeve të punës dhe marrëveshjeve, përveç nëse bie dakord ndryshe me shkrim nga palët. Që të kuptoni, do të thotë që në qoftë se shteti shqiptar ka marrë përsipër të ketë marrëveshje të tjera që fillojnë që nga Bashkimi Europian, që vazhdojnë me kontraktorë të tjerë publikë, privatë e të tjera e të tjera. Të gjitha këto janë marrëveshje që palët bien dakord, mund t’i kundërshtojnë e t’i hedhin në tokë, e mund të përfundojnë në ato arbitrazhet e jashtëzakonshme ku humbasin miliarda, vetëm e vetëm që të realizohet interesi i momentit.
Por si ka qenë marrëveshja e dikurshme, dhe ju kështu kuptoni se sa e lartë është shkalla e korrupsionit, grabitjes së pafund e të pangopur shtetërore. Marrëveshja e mëparshme thoshte qartë: Dispozitat e kësaj marrëveshjeje nuk cenojnë të drejtat ose detyrimet që lindin nga marrëveshjet dhe memorandumet mirëkuptimit e në fuqi, që janë lidhur nga palët kontraktuese, ose me palë të treta, ose organizma ekonomikë, rajonale e ndërkombëtare. Pra e kuptoni shumë qartë dallimin ndërmjet transparencës, pushtetit që do të jetë në rregull me ligjet në fuqi dhe një shteti që ndan prenë dhe e shqyen. Duhet të kuptoni pra, që në darkën që keni parë nuk kanë qenë biftekët e mishit, gotat e verës a të tjera, por ka qenë Porti i Durrësit me gjithë qindra hektarë përqark, ka qenë vija bregdetare nga Vlora në Sarandë, keni parë gjithë bukuritë e Përmetit që do ndaheshin. Dhe kjo ka qenë darka e vërtetë, dhe ky ka qenë shkaku pse në darkë kishte ministra, përfaqësues bashkie, oligarkë, bashkëshorte e të tjerë e të tjerë. Ishte gëzimi i shqyerjes së Shqipërisë, pronës së saj dhe shitja pa garë, pa konkurrencë, në shkelje të çdo ligji, sepse kemi firmosur e vulosur vetë dhe ka votuar një Parlament maskarenj, që tregojnë si grabitet Shqipëria.
SPAK sot duhet të jetë në alert më shumë se kurrë. Asnjë deklaratë mbështetjeje për SPAK, në shqip apo në anglisht nuk ka asnjë vlerë në rast se ai nuk lëviz, nuk aktivizohet dhe nuk ngrihet në këmbë për të goditur këto paligjshmëri të cilat ulërasin e të cilat kërkojnë përgjigje. Po shqyhet Shqipëria, prona e saj publike, interesat e saj ditën për diell. SPAK ose vepron sot ose nesër do të jetë patjetër në bankë e të akuzuarit, së bashku me të gjithë këta që kanë kryer akte shumë të rënda dhe të cilat më e pakta do të ishte që të ishin përpara drejtësisë dhe mbrapa hekurave. Dokumentacioni nuk është as sekret, as i fshehtë, është në duart tuaja. I gjithë dokumentacioni që unë iu referova është publik. SPAK vepro tani! Shqiptarët do të vazhdojnë të jenë të vëmendshëm, opozita do të vazhdojë të jetë e vëmendshme, nuk do të falë, së bashku me mundësinë e jashtëzakonshme që më 25 prill të rikthejë interesat e Shqipërisë në duart e shqiptarëve, në duart e transparencës, në duart e biznesit, ngado që ai të shfaqet, në Europë, Amerikë e gjetkë, dhe asnjëherë në duart e shitjes nën dorë midis një qeverie dhe një të interesuari, për të ngrënë e shqyer darkën e radhës. Ju faleminderit të gjithëve!
Dosja.al publikoi e para pamjet e darkës luksoze në restorantit e kuzhinierit të famshëm turk, Nusret në Dubai, ku ministrat Arben Ahmetaj, Belinda Balluku bashkë me Arbjan Maznikun dhe Endri Fugën po darkonin me milionerin shqiptar Samir Mane. Qeveria sqaroi se darka ishte shtruar nga investitorët arab, por rrjeti i ka “kryqëzuar” ministrat e Ramës që në kohën kur vendi është nën ujë, zgjedhin të darkojnë në një nga restorantet më të shtrenjta në botë. Kryeministri i mori në mbrojtje vartësit e tij, duke thënë se nuk është paguar asgjë cent nga taksat e shqiptarëve.
(A.B)/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË– Lëvizja Socialiste për Integrim ka paditur në SPAK zyrtarë të Patisë socialiste. Pas Partisë Demokratike, Endri Braimllari dorëzoi sot padinë për z...
TIRANË– Kryetarja e Lëvizjes Socialiste për Integrim, Monika Kryemadhi e ka konsideruar propagandë elektorale ndërtimin e spitalit në Fier. E ndodhur...
TIRANË– Kryetarja e Lëvizjes Socialiste për Integrim, Monika Kryemadhi deklaroi nga Kombinati se në atë zonë pas tërmetit të 26-nëntorit po kryhet gr...
TIRANË– Kryeministri Edi Rama ishte prezent ditën e sotme në mbledhjen që u zhvillua me anëtarët e rinj që u zgjodhën nga listat e aplikimeve në platformën...
TIRANË– Ditën e sotme nisi faza e dytë e përzgjedhjes së anëtarëve më të rinj të skuadrës me të cilën Partia Socialiste do të shkojë në zgjedhjet e 25 pril...
TIRANË– Kryeministri Edi Rama shkruan se lufta me ‘armikun e padukshëm’, siç e konsideron ai koronavirusin, sot hyn në fazën e ofensivës së ma...
TIRANË-Nënkryetari i Partisë Demokratike, Edi Paloka ka reaguar pas lajmit të Kryeministrit Rama se nesër në vendin tonë do të nisë vaksinimi kundër Covid-...
DIBËR – Ish-deputetja e Partisë Demokratike qarkun Dibër, Dhurata Çupi Tyli ka reaguar përmes për helminin pas helmimit të 30 familjarëve në Shupenz...
TIRANË- Kryedemokrati Lulzim Basha, ditën e sotme ka qenë në Lezhë, Shkodër, dhe Fushë- Krujë për të parë nga afër situatën e përmbytjeve për shkak të moti...
TIRANË- Fiks në kohën kur rrjetet sociale po zienin nga talljet dhe ironitë për darkën luksoze të ministrave në Dubai dhe opozita akuzon qeverinë për një k...
