Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË- Presidenti Ilir Meta ka kthyer në Kuvend për rishqyrtim ligjin “Për zhvillimin rajonal dhe kohezionin”. Në një njoftim për mediat, Presidenca bën me dije se ligji 102/2020, i miratuar nga Kuvendi i Shqipërisë në 29 korrik, bie hapur ndesh: me disa dispozita të Kushtetutës së Republikës së Shqipërisë, me parashikimet e ligjit nr. 139/2015 “Për vetëqeverisjen vendore”, i ndryshuar dhe ligjin nr. 115/2014 “Për ndarjen administrativo- territoriale të njësive të qeverisjes vendore në Republikën e Shqipërisë”.
Po ashtu sipas arsyetimit të Metës, ky ligj krijon një ndarje të re në katër rajone, por këtë gjë Kushtetuta nuk e njoh. Më tej kreu i shtetit shprehet se ky akt ligjëron ushtrimin e pushtetit politik të pakontrolluar mbi qeverisjen vendore, çka thellon edhe më shumë krizën e rëndë politike dhe kushtetuese në të cilën ndodhet sot vendi ynë.
NJOFTIMI I PLOTË
Presidenti i Republikës, Sh.T.Z Ilir Meta ka dekretuar kthimin për rishqyrtim në Kuvend të ligjit nr. 102/2020 “Për zhvillimin rajonal dhe kohezionin”. Ky ligj, me përmbajtjen e miratuar, nuk mund të bëhet kurrsesi pjesë e legjislacionit të Republikës së Shqipërisë. Ligji nr. 102/2020, i miratuar nga Kuvendi i Shqipërisë, bie hapur ndesh: me disa dispozita të Kushtetutës së Republikës së Shqipërisë, me parashikimet e ligjit nr. 139/2015 “Për vetëqeverisjen vendore”, i ndryshuar dhe ligjin nr. 115/2014 “Për ndarjen administrativo- territoriale të njësive të qeverisjes vendore në Republikën e Shqipërisë”.
Qëllimi i qeverisë përmes këtij ligji është përqendrimi dhe kontrolli i pushtetit vendor nga aparati i Këshillit të Ministrave, ndërkohë që pushteti vendor sipas Kushtetutës duhet të funksionojë i decentralizuar dhe autonom në veprimtarinë e tij (neni 13 i Kushtetutës). Këshillit të Ministrave përmes këtij ligji i jepet autoritet që të vendosë se cilat do të jenë 4 (katër) rajonet e zhvillimit dhe kufijtë e tyre. Por e drejta për të vendosur mbi kufijtë e njësive administrative territoriale i takon vetëm Kuvendit të Shqipërisë, i cili mund ta bëjë këtë vetëm mbi bazën e asaj që përcakton Kushtetuta.
Një ndarje e tillë në rajone zhvillimi, kufijtë e të cilave përcaktohen sipas nenit 4, nga Këshilli i Ministrave, në mungesë konsultimi me banorët e secilës zonë, ka ndikim direkt në mënyrën e orientimit të politikave zhvillimore në këto zona, duke krijuar një ndarje të re, të cilën Kushtetuta nuk e njeh. Kjo ndarje antikushtetuese dhe arbitrare, kufizon direkt çdo iniciativë që mund të kenë dhe ndërmarrin, në bazë të Kushtetutës dhe të ligjit, organet e qeverisjes vendore për të vendosur vetë për problemet që hyjnë në juridiksionin e tyre. Ky akt ligjëron ushtrimin e pushtetit politik të pakontrolluar mbi qeverisjen vendore, çka thellon edhe më shumë krizën e rëndë politike dhe kushtetuese në të cilën ndodhet sot vendi ynë. Ky akt, miratuar njëkohësisht me ndryshimet Kushteteuse dhe ato në Kodin Zgjedhor, synon parapërgatitjen e forcës qeverisëse për të centralizuar të gjitha burimet financiare dhe ekonomike në ato zona që u nevojiten, për dhënien e përparësive politike.
Miratimi i ligjit nr. 102/2020, krijon struktura paralele, vetëm për të rritur pushtetin politik të qeverisë dhe për të kontrolluar çdo vendimmarrje deri në nivel vendor, duke anashkaluar parashikimet dhe organet e përcaktuara nga Kushtetuta, çka tregon qartë se qëllimi i këtij ligji është në kundërshtim me rendin shoqëror demokratik në Republikën e Shqipërisë dhe krejtësisht i panevojshëm për realitetin e vendit.
Një akt i tillë, po imponohet pa asnjë konsultim, kur në dokumentacionin parlamentar deklarohet se, konsultimi është bërë në periudhën mars- maj 2020, kohë kjo kur vendi ka qenë nën efektet e aplikimit të masave të veçanta për shkak të gjendjes së fatkeqësisë natyrore. Nuk mund të pretendohet dhe as të pranohet se si brenda periudhës së fatkeqësisë natyrore dhe një situate të rënduar të një pandemie (për shkak të Covid-19), të konsiderosh të realizuar konsultimin e një nisme me rëndësi të tillë.
Arsyetimin e plotë të Presidentit mund ta lexoni duke klikuar KËTU
Ku ligj është kundërshtuar ashpër dhe nga opozita. PD dhe LSI denoncuan ndryshimet në ligjin për zhvillimin rajonal dhe kohezionin, i cili e ndan Shqipërisë në 4 rajone të mëdha. Opozita e bashkuar, tha se ky ligj kishte kaluar në parlament, në momentin kur të gjithë sytë dhe veshët ishin nga ndryshimet kushtetuese. Dhurata Çupi nga PD dhe Petrit Vasili nga LSI, thanë se ndryshimet në ligj dobësojnë pushtetin lokal dhe rrisin fuqinë e pushtetit qëndror.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Zoran Milanoviç, Presidenti i Kroacisë, i cili po bën pushimet me kryeministrin e Shqipërisë në Dhërmi, nuk është një person që lidhet thjes...
TIRANË– Ish-ministri i Shëndetësisë Ilir Beqja, ka gjetur një zgjidhje brilante për ndjekjen e mësimit në shkolla. I ftuar në studion e “AbcNews”, Be...
DHËRMI– Kryeministri Edi Rama është instaluar në vilën e qeveritarëve në Dhërmi, ku dhe po kalon pushimet e këtij sezoni veror. Por këtë herë, si ‘bashkëje...
TIRANË- Kryeministri i Shqipërisë Edi Rama ka reaguar së fundmi pas nënshkrimit të marrëveshjes mes Izraelit dhe Emiaratve të Bashkuara, e cila u arrit dit...
TIRANË– Shërimi i kryebashkiakut të Tiranës, Erion Veliaj nga Covid-19, pasi u infektua familjarisht nuk ka kaluar pa u komentuar gjerësisht në media dhe n...
TIRANË- Zëdhënësja e Partisë Demokratike, Ina Zhupa, shprehet se Veliajt nuk ka qenë i infektuar me COVID-19, por ka qenë me pushime.Në një postim në media...
TIRANË- Erion Veliaj, kreu i Bashkisë së Tiranës ka treguar se ditët e izolimit në shtëpi kanë qenë të vështira. Në një intervistë për Fax News, kreu i bas...
TIRANË- Kreu i Bashkisë Tiranë, Erion Veliaj ka deklaruar se prej 10 ditësh ka pasur dhimbje koçkash dhe ndihej shumë i lodhur. Për “Report Tv” ai k...
TIRANË- Kryeministri Edi Rama ka kujtuar sot Museni Kokalari, e cila ka qenë një shkrimtare e shekullit të XX dhe njihet si një disidente e komunizmit. Në...
TIRANË- Kreu i Bashkisë së Tiranës, Erion Veliaj ka deklaruar se nëse del vaksina për koronavirusin, kryeministri Edi Rama do ta sjellë menjëherë në Shqipë...
