6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË– Kreu i shtetit, Ilir Meta me anë të një letre zyrtare të publikuar nga Presidenca ka sqaruar arsyet që e kanë çuar të tërhiqet nga kërkesat e parashkruara për marrjen e borxhit 650 milionë euro nga qeveria. Në letrën e tij, Meta shkruan se ditën e sotme ka zhvilluar një bisedë me kryetaren e Komisionit për Ekonominë dhe Financat, Milva Ekonomi, e cila i ka vënë në dispozicion edhe dokumenta të tjera shtesë që nuk ishin bashkangjitur në kërkesën e parë.
Presidenti shkruan se pasi Ekonomi i ka shpjeguar nevojën dhe urgjencën për marrjen e borxhit, duke marrë parasysh edhe situatën e krijuar nga koronavirusi dhe rishikimit të disa pikave, ka vendosur që të japë dritën jeshile.
“Është rishikuar titulli dhe neni 1 i projektligjit lidhur me çështjen e imunitetit; Është vënë në dispozicion qëndrimi dhe vlerësimi i Bankës së Shqipërisë dhe i Avokaturës së Shtetit lidhur me këtë transaksion; Është sqaruar procedura e ndjekur për përzgjedhjen e partnerëve që do të mbështesin këtë proces. Gjithashtu, jam informuar lidhur me faktin se, neni 3 i projektligjit, mbi autorizimin që i jepet ministrit të Shtetit për Rindërtimin, do të propozohet të hiqet në seancë plenare,“-sqaron Meta.
Megjithatë edhe pse ka dhënë ‘ok’, Meta ka kërkuar refletim edhe për dy pika të tjera, të cilat i konsideron shqetësuese. E para ka të bëjë me analizën e kostos dhe përfitimit të marrjes hua në tregun e brendshëm dhe se çdo transsaksion financiar duhet të paraprihet nga një analizë e gjendjes së valutës aktuale për të përcaktuar shumën e duhur të huamarrjes.
LETRA E PLOTË:
REPUBLIKA E SHQIPËRISË
PRESIDENTI
Nr. 1732/3 Prot. Tiranë, më 04.06.2020
Lënda: Mbi kërkesën e përsëritur për dhënien e pëlqimit për hyrjen menjëherë në fuqi të ligjit
KUVENDIT TË REPUBLIKËS SË SHQIPËRISË
Z. GRAMOZ RUÇI, KRYETAR
TIRANË
I nderuar z. Ruçi,
Në vijim të korrespondencës shkresore të nisur pas kërkesës suaj me nr. 1382/2 prot., datë 01.06.2020, administruar pranë Institucionit të Presidentit të Republikës me nr. prot. 1732, datë 1.6.2020, jam njohur më kërkesën e Kuvendit për dhënien e pëlqimit për hyrjen në fuqi menjëherë të projektligjit “Për eurobondin që do të emetohet nga Ministri i Financave dhe Ekonomisë, miratimin e përjashtimeve nga tatimet e taksat dhe të parashikimeve për heqjen dorë nga imuniteti, në marrëveshjet që do të lidhen”, të parashikuar për shqyrtim në seancën e sotme plenare.
Me shkresën me nr. prot. 1732/2, datë 3.6.2020, ju komunikova mosdhënien e pëlqimit për hyrjen në fuqi menjëherë të këtij ligji, së bashku me arsyet përkatëse, pasi në kërkesën dhe praktikën e administruar nga Kuvendi:
– Nuk evidentohej nevoja dhe urgjenca, sipas kërkesës së nenit 84, pika 4, të Kushtetutës;
– Nuk sqaroheshin arsyet e heqjes dorë paraprakisht nga imuniteti në marrëveshjet që do të lidhen;
– Nuk kishte të dhëna për konsultimin me Bankën e Shqipërisë dhe vlerësimin e saj në lidhje me rreziqet e daljes në treg në këto momente, si dhe me Avokaturën e Shtetit;
– Nuk jepeshin të dhëna mbi mënyrën e përzgjedhjes së partnerëve në këtë proces kaq të rëndësishëm për financat publike;
– Nuk jepeshin arsyet e përfshirjes në këtë proces, përmes një autorizimi të veçantë të ministrit të të Shtetit për Rindërtimin, ndërkohë që është Ministria e Financave dhe Ekonomisë që kujdeset për stabilitetin ekonomik nëpërmjet drejtimit me efektshmëri, efektivitet dhe transparencë të financave publike.
Ditën e sotme, më shkresën tuaj me nr. prot. 1382/4, datë 3.6.2020, jam njohur me sqarimet e Kryetares së Komisionit për Ekonominë dhe Financat, dhe dokumentet zyrtare shtesë të paraqitura prej saj, të pa vëna në dispozicion në kërkesën e parë.
Në këtë shkresë zyrtare, Komisioni për Ekonominë dhe Financat:
– Ka shpjeguar nevojën dhe urgjencën, si të lidhur me presionin e lartë financiar të shkaktuar pas goditjeve natyrore (tërmeti) dhe shëndetësore (pandemia Covid-19);
– Është rishikuar titulli dhe neni 1 i projektligjit lidhur me çështjen e imunitetit;
– Është vënë në dispozicion qëndrimi dhe vlerësimi i Bankës së Shqipërisë dhe i Avokaturës së Shtetit lidhur me këtë transaksion;
– Është sqaruar procedura e ndjekur për përzgjedhjen e partnerëve që do të mbështesin këtë proces.
Gjithashtu, jam informuar lidhur me faktin se, neni 3 i projektligjit, mbi autorizimin që i jepet ministrit të Shtetit për Rindërtimin, do të propozohet të hiqet në seancë plenare.
Sa më sipër, pas vlerësimit të plotë të të gjithë praktikës dhe sqarimeve shtesë, Presidenti i Republikës jep pëlqimin e tij për hyrjen menjeherë në fuqi të ligjit, pas miratimit nga Kuvendi.
Nga ana tjetër, kërkohet që, gjatë shqyrtimit të këtij akti në seancë plenare, si Kuvendi, edhe Qeveria të konsiderojnë shqetësimin e ngritur nga Presidenti i Republikës, por dhe nga Banka e Shqipërisë, për:
1. Analizën e kostos dhe përfitimit të marrjes hua në tregun e brendshëm (në lekë/në euro), apo në tregun e huaj, ose një kombinim i tyre.
2. Çdo transsaksion financiar duhet të paraprihet nga një analizë e gjendjes së valutës aktuale, të pritshmërisë së huadhënies për situatën emergjente të dhënë nga institucionet ndërkombëtare (FMN, BE etj.), si dhe të nevojave prioritare për të përcaktuar shumën e duhur në kohë të huamarrjes në tregun ndërkombëtar.
Në përfundim, ritheksohet nevoja që Qeveria dhe Kuvendi, në nisma të tilla ligjvënëse, të veprojnë në kohën e duhur, në mënyrë që t`u lihet hapësira e nevojshme të gjitha strukturave apo institucioneve për shqyrtimin e tyre.
Ju faleminderit,
PRESIDENTI I REPUBLIKËS
ILIR META
Gjatë seancën së sotme plenare është miratuar drafti për marrjen e 650 mln euro borxh. Edhe pse një ditë më parë, presidenti Ilir Meta nuk ka pranuar marrjen e eurobondit, sot ndryshoi krejt papritur mendim. Po çfarë fshihet pas ‘po-së’ së kreut të shtetit? (Lexo këtu)
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Presidenti Ilir Meta, zhvilloi sot një bisedë telefonike me homologen gjeorgjiane, Salome Zourabichvili. Kreu i Shtetit ka vënë theksin tek marrëdh...
TIRANW-Deputeti Halit Valteri ka kërkuar përfshirjen e opozitës parlamentare në diskutimet për reformën zgjedhore. Në një intervistë për “Report Tv”, Valteri ës...
TIRANË– Pas dy orë e gjysmë konsulta, ka përfunduar takimi i kryedemokratit Lulzim Basha me aleatët në selinë e PD-së. Jashtë, kryetaja e LSI-së, Monika Kr...
TIRANË– Presidenti Ilir Meta ka dekretuar një ligj ku sipas tij u njeh të drejtën sportistëve për të oërfituar pension të posaçëm.Në dekretin e publ...
TIRANË – Opozita parlamentare i ka dërguar një letër ambasadores amerikane Yuri Kim dhe ambasadorit të BE, Luigi Soreca, ku kërkojnë përfshirjen e tyre në ...
TIRANË- Kryetari i Partisë Demokratike, Lulzim Basha po zhvillon një takim me aleatët në selinë blu.Takimi vjen në një moment kur Reforma Zgjedhore ka pasu...
TIRANË– Kuvendi ka miratuar sot projektligjin për Eurobondin, duke i hapur rrugë Ministrisë së Financave për të dalë në tregjet ndërkombëtare dhe për të ma...
TIRANË- Deputeti i Partisë Socialiste që është dhe përfaqësuesi i maxhoranës në Këshillin Politik, Damian Gjiknuri, ka zbardhur detaje nga diskutimet me nd...
TIRANË– Kryeministri Edi Rama e ka nisur fjalimin e tij sot në Kuvend me debatin për Reformën Zgjedhore. Rama tha se maxhoranca ka qenë gjatë gjithë kohës ...
