Politike

Kuvendi i Shqipërisë! Balla: PD ende nuk ka dorëzuar listat. Kërkesa e Jenisherit për Ramën, ftesa e Murrizit për Xhafën! Gjoni: Luljeta Bozo do ishte arrestuar në Gjermani (ZHVILLIMET)

  • U lanë jashtë listave të PS-së, flasin deputetët: U largova vetë! Do të pyes familjen për një vendim tjetër
  • Që në nisje të seancës u vu re se kishte prezencë shumë të pakët në numër të deputetëve dhe ministrave në sallë. Kjo u prek dhe nga ana e deputetit Kujtim Gjuzit, i cili tha se i vetmi që qëndron gjithmonë në sallë, në çdo seancë është Pandeli Majko. 
    Featured image of article: Kuvendi i Shqipërisë! Balla: PD ende nuk ka dorëzuar listat. Kërkesa e Jenisherit për Ramën, ftesa e Murrizit për Xhafën! Gjoni: Luljeta Bozo do ishte arrestuar në Gjermani (ZHVILLIMET) Gramoz Ruçi, Myslim Murrizi, Ralf Gjoni dhe Taulant Balla

    TIRANË–Seanca e sotme e Kuvendit të Shqipërisë kishte për diskutim projektligje si ai “Për sigurimin e detyrueshëm në sektorin e transportit”; Projektligji “Për Gardën e Republikës së Shqipërisë”; “Për ndryshimin e emërtimit të njësisë së qeverisjes vendore”, edhe Dekreti i Presidentit të Republikës, “Për kthimin e ligjit nr. 15/2021 “Për disa ndryshime dhe shtesa në ligjin nr. 59/2014 “Për karrierën ushtarake në Forcat e Armatosura të Republikës së Shqipërisë””, të ndryshuar”. 

    Që në nisje të seancës u vu re se kishte prezencë shumë të pakët në numër të deputetëve dhe ministrave në sallë. Kjo u prek dhe nga ana e deputetit Kujtim Gjuzit, i cili tha se i vetmi që qëndron gjithmonë në sallë, në çdo seancë është Pandeli Majko.

    Në lidhje me Projektligjin për Gardën e Republikës së Shqipërisë, ministri Bledi Çuçi tha se projektligji është një punë e mirë e ardhur nga konsultimi me ekspertët e punës duke shtuar se ligji do të ketë mirëtrajtim për femrat mirëpo nuk do të sjellë ndryshime financiare.  Mendimi i Halit Valterit për këtë projektligj, nuk ishte dhe aq pozitiv pasi sipas tij rrogat janë për të dëshiruar. Ndër të tjera ai iu ka bërë thirrje qytetarëve që ta mbështesin në zgjedhjet e 25 prillit.

    Deputeti, Ralf Gjoni komentoi deklaratën e thënë pak ditë më parë nga kandidatja e Partisë Socialiste, Luljeta Bozo, për të cilën tha se pa iu dridhur qerpiku tha një gjë të tillë. Me tone të ashpra, ai shtoi se nëse Bozo do të kishte qënë në Gjermani, do të dënohej me burg. Gjoni ishte ai që u përjashtua nga seanca pasi bëri një debat me Gramoz Ruçin.  Shkak u bë insistimi i deputetit për të vazhduar fjalën e tij në foltore. Ruçi iu drejtua duke i thënë se nuk ia kishte dhënë fjalën për të folur e se nuk kishte thënë asgjë për projektligjin e gardës së Republikës.

    Kryetari i partisë Bashkimi Popullor i Pensionistëve Shqiptarë, Selami Jenisheri, iu drejtua Ramës nga Kuvendi, duke i kërkuar që të konkurojnë programet e dy partive. Ai tha se nëse programi i PS-së rezulton më i mirë, do ti bindë të gjithë anëtarët e skuadrës së tij që ti bashkohen.

    Për më shumë bëhu pjesë e grupit më viral në Facebook, Dosja.al

    Një ftesë e papritur ishte ajo e deputetit, Myslim Murrizit ndaj Fatmir Xhafajt, që të bashkohej me partinë e tij Lëvizja Demokratike Shqiptare. Ftesa e deputetit u prit me të qeshura nga ana e politikanëve prezentë dhe vetë Xhafës.

    Taulant Balla deklaroi ditën e sotme se Partia Demokratike ende nuk ka depozituar listat e kandidatëve për zgjedhjet e 25 prillit, duke shtuar se pjesëmarrja e opozitës është një domosdoshmëri në zgjedhje. Balla pati dhe një përlasje me Gjuzin të cilin iu drejtua duke i thënë që të mos sillej si presidenti Ilir Meta.

    Në fund te seancës, Kuvendi i Shqipërisë rrëzoi dekretin për ligjin për “Karrierën ushtarake” të cilin Meta e ktheu në Kuvend. Dekreti u rrëzua me 83 vota kundër dhe 10 abstenim.

    (a.b)/dosja.al

    • 13:20

      Hedhja me parashutë e Klosit, Maliqi: Më vjen keq, por nuk merren vota nga ajri!


      Deputeti Lefter Maliqi përmendi gjatë Kuvendit, hedhjen me parashutë të ministrit Blendi Klosit. Maliqi është shprehur se nuk merren dot votat nga ajri. Ndër të tjeta, ai tha se Partia Socialiste nuk merr më shumë se tre mandate në Berat.

      DEKLARATA:Ky parlament duhet të përfundojë dhe të vijnë këtu deputetë të rinj. Presidenti po luan një rol vendimtar për të mbrojtur kushtetutën kur të gjitha institucionet janë të kapura. I bëj thirrje policisë së Shtetit të distancohet nga urdhrat politikë. Ka ikur koha e skenave të errëta. Ka ardhur momenti i një fitoreje të madhe. Mbi gjysma e deputetëve do digjen dhe nuk do jenë më në parlament. Tani po i bën presion dhe Lelit. Kohët e fundit pati edhe një fluturim nga ajri në Berat. Më vjen keq për Klosin por nuk merren vota nga ajri. Mora katër mandate me mbështetjen time, por nuk i merr dot më. Në Berat nuk merr më shumë se tre mandate Partia Socialiste. Nuk ka forcë që e ndalon uraganin. Votat do i kem të socialistëve të zhgënjyer.

    • 12:06

      ‘Njoh një njeri që ka kaluar në këto faza’/ Balla i drejtohet Gjuzit: Është Ilir Meta, i ka ikur mendja. Deputeti: Ju bashkëpunoni me PD, Taulant kthehu këtu, mos ik…


      Gjatë seancës së sotme të Kuvendit të Shqipërisë u zhvilluan disa replika mes Taulant Ballës dhe deputetit Kujtim Gjuzit. Balla iu drejtua Gjuzit duke i kërkuar që të qetësohej pasi mund të kalojë në faza të tjera, duke bërë një krahasim me Ilir Metën. Gjuzi më pas replikoi duke i thënë se ai bashkëpunon me PD-në, madje shtoi se Balla është takuar me Bylykbashin për të biseduar se si do të digjej Saimir Tahiri në burg.

      REPLIKAT:

      Balla: Qetësohuni, unë njoh një person që ka kaluar në këto faza. Është Ilir Meta, në fillim iku dashuria, qetësia tani i ka ikur dhe mendja. Prandaj mos kaloni në këto faza pasi nuk iu bën mirë për shëndetin mendor.

      Gjuzi: Ju bashkëpunoni me PD, ti me Oert Bylykbashin, rrini hani bashkë. Në fakt tani nuk dini se si tja bëni, se reformën në drejtësi nuk e keni nën kontroll. Hoqët dhe akademikët nga lista. Taulant kthehu këtu, mos ik. Takimi me Bylykbashin se si do të digjet Saimir Tahiri në burg.

    • 12:04

      Balla: A e dini ju që PD ende nuk ka depozituar listën e kandidatëve? Pjesëmarrja e opozitës në zgjedhje është domosdoshmëri


      Kryetari i grupit parlamentar i Partisë Socialiste, Taulant Balla tha ditën e sotme nga Kuvendi se Partia Demokratike ende nuk ka depozituar listat e kandidatëve për zgjedhjet e 25 prillit. Balla shtoi duke thënë se pjesmarrja e opozitës është një domosdoshmëri në zgjedhje.

      DEKLARATA:Ajo që unë mund tju them është se ne nuk mund të marrim asnnjë vendim që mund të largojë PD nga zgjedhjet. A e dini ju që PD ende nuk ka depozituar listën e kandidatëve? Pjesmarrja e opozitës në zgjedhje është një domosdoshmëri.

    • 11:47

      ‘Nuk ke nevojë për fanellë’/ Kërkesa e Murrizit për Xhafën: Të ftoj të bashkohesh me Myslymin, me të drejtën


      Deputeti Myslim Murrizi i ka bërë ftesë socialistit Fatmir Xhafaj, të renditur i 23-ti në listën e kandidatëve për Tiranën, që të bashkohet me partinë e tij Lëvizja Demokratike Shqiptare. Kjo ftesë iu bë ditën e sotme gjatë seancës së Kuvendit.

      DEKLARATA:Xhafën e pashë dje në një dalje publike me fanellën e të ndjerit Michale Jordan. Nuk ke nevojë për fanellën e tij, se sa ta marrin vesh shqiptarët do votojnë Majkon. Të ftoj të bashkohesh me Murrizin në vendimin e Gjykatës Kushtetueses për t’iua prishur numrin e fanellave të Majkos. Gjykata Kushtetuese ka pranuar kërkesë padinë e Lëvizjes Demokratike Shqiptare. Të ftoj për të përzënë herësin e pështirë të Damian Bylykbashit. Taulant hajde pas meje dhe thuaji emigrantëve. Detyroje Celibashin e Dushkut që ata që janë regjistruar të kenë mundësi të votojnë.Natën mblidheni si kingat, si zogjtë. Dy ministrat tuaj dhe dy ish ministrat tuaj dhe bëni llogaritë kujt do i japim llokmën. Në 30 vite keni qeveris bashkë si kingat. Këta bëjnë sikur zihen dhe kur i fton Rexhep Mejdani në ditëlindje bëjnë sikur kanë qenë dashnorë të përhershëm.

    • 11:24

      Jenisheri i drejtohet Ramës: Të ftoj në çdo televizion të mundshëm, të konkurojmë programet e partive


      Kryetar i partisë Bashkimi Popullor i Pensionistëve Shqiptarë, Selami Jenisheri, iu drejtua ditën e sotme kryeministrit Rama duke i kërkuar që të konkurojnë programet e dy partive. Gjatë seancës plenare, Jenisheri tha se do të ftojë kryeministrin në një televizion në mënyrë që të bëjnë konkurimin e porgrameve të partive për zgjedhjet e 25 prillit.

      DEKLARATA: Nuk ka nevojë për fjalë të tjera, sa herë që PS ka ministra të tillë që nuk e kanë aftësinë e duhur për të qënë në karrikë, jeta e shqiptarit nuk ecën përpara. Kryeministri vendos ato ministra që nuk cojnë dorën për ti bërë sugjerim, i ven me atë kusht që nuk kanë të drejtë për të sugjeruar. Populli shqiptar ka nevojë për njerëz të aftë. PS nuk e ka aftësinë për ta drejtuar jetën e shqiptarëve, i bëjmë thirrje kryeministrit që të vijnë dhe të konkurojmë në cdo televizion të mundshëm programin e partisë socialiste  me atë të pensionistave shqiptare dhe ti tregojmë se ne dimë se si ta cojmë jetën e shqiptarëve përpara. PS hedh poshtë projekligjin që propozova unë për detektivin privat.

    • 11:15

      ‘Keni në listë emra kriminelësh’/ Gjuzi: Pas 25 prillit do të shohim veprimet e pahijshme që keni bërë ju!


      Deputeti Kujtim Gjuzi, tha ditën e sotme nga Kuvendi se Partia Socialiste ka në listat e saj kriminelë. Gjuzi shtoi se këto emra ose i kanë rikthyer ose nuk i kanë hequr asnjëherë nga lista. Ndër të tjera, deputeti tha se partia e tij do ti kundërshtojë këto veprime deri në largimin e tyre.

      DEKLARATA: Keni disa emra kriminelësh që nuk i hiqni, ose i keni rikthyer. Pas 25 prillit do të shohim veprimet e pahijshme që keni bërë ju, nuk keni marrë pak, keni 60 këshilla popullore të cilat i keni rikthyer pas 30 vitesh. I keni vendosur emra kriminelësh, ne si konservatorë do të kemi kundërshtim derisa ti largoni.

    • 10:54

      Debati gjatë seancës! Ruçi përjashton Ralf Gjonin nga Kuvendi, përplasjet: Dil jashtë, je trim i madh ti..


      Gjatë seancës së sotme plenare, kryetari i Kuvendit, Gramoz Ruçi përjashtoi nga seanca Ralf Gjonin. Kjo u bë shkak, nga insistimi i deputetit për të vazhduar fjalën e tij në foltore. Ruçi iu drejtua duke i thënë se nuk ia kishte dhënë fjalën për të folur e se nuk kishte thënë asgjë për projektligjin e gardës së Republikës. Pas disa replikave, Ruçi vendosi që deputeti të përjashtohej nga seanca.

      BISEDA:

      Ruçi: Kush ta dha fjalën ty? Jo nuk tha dhashë fjalën, ulu, nuk ke pse artikulon. Njësoj si ty jam. Për gardën e republikës nuk fole, po ik.

      Gjoni: E ke zakon ti.

      Ruçi: Ulu , mos më bëj të marr masa. Të tërheq verejtje.

      Gjoni: Do të kërkoj një fjali, më përmende emrin.

      Ruci: Nëse zapton foltoren e di që përjashtohesh. Je i përjashtuar nga seanca, dil jashtë.

      Gjoni: Do të kërkoj masën tjetër.

      Ruci: Je trim i madh ti. Zotëri po pengon.

    • 10:42

      Deklarata e Luljeta Bozos për komunizmin/ Ralf Gjoni: Pa pikë turpi glorifikoi sistemin, pa iu dridhur qerpiku! Në Gjermani do të ishte arrestuar


      Deputeti, Ralf Gjoni komentoi ditën e sotme nga foltorja e Kuvendit deklaratën e thënë pak ditë më parë nga kandidatja e Partisë Socialiste, Luljeta Bozo. Gjoni tha se deklarata se sistemi komunist ka pasur gjëra pozitive është shqetësues, duke shtuar se Bozo po glorifikon sistemin komunist pa iu dridhur qerpiku. Ndër të tjera, Gjoni tha nëse Bozo do të ishte në Gjermani, ajo do të dënohej me burg.

      DEKLARATA: Më shqetëson garda e bijave dhe binjve të komunizmit. Që ka penetruar në cdo cep dhe ne institucionet e vendit. Më shqetëson fakti që në krye të listës së Tiranës, gjendet emri i një gruaje, Luljeta Bozo, e cila pa pikë turpi pa iu dridhur qerpiku, glorifikon sistemin komunist në Shqipëri.

      Me shumë të drejtë Jonila Godole, udhëhoqi ditën për të kujtuar ato krime, e ka shkruar shumë bukur. Ka të paktën dy rezoluta në këtë vend. Tani dini mirë ju që jeni dhe që jeni përjashtuar, që keni pranuar të fusni emrin tuaj. Kjo rezulutë thotë, në atë kohë kishte vrasje, ekzekutime me dhe pa gjyq, vdekje në kampe, nga uria dhe tortur, si dhe dhunime të tjera.

      A e di kjo zonja Bozo se ekziston dhe një rezolutë tjetër për dënime ndaj regjimit komunist ndaj klerit fetar? Janë vrarë me dhjetra njerëz, kjo ka pikë turpi del dhe thotë se po ti vëmë në peshire ajo periudhë ka pasur më shumë të mira se të këqija. Me c’të drejtë e thotë kjo? Kjo në Gjermani do të ishte arrestuar.

    • 10:31

      ‘Kam nevojë për ndihmën tuaj!’/ Halit Valteri bën fushatë në Kuvend: Më mbështesni! Nuk kam frikë nga burgu si presidenti apo kryetari i opozitës


      Halit Valteri ka bërë thirrje qytetarëve që ta mbështesin në zgjedhjet e 25 prillit. Teksa po fliste në Kuvend, ai është shprehur se përfaqëson të gjithë matjanët e se nuk ka frikë nga burgu si presidenti apo kryetari i opozitës.

      DEKLARATA: Rrogat e gardës janë për të dëshiruar. Më lejoni të përfitoj nga rasti duke qënë se jam nga Mati, vlerësoj trashëgiminë e një njeriu që e zhvilloi gardën. Të kërkojmë mbështetjen e komunitetit Matian, si i vetmi kandidiat që përfaqësoj Matin. Politika në Shqipëri ka bërë bashkë të korruptuarit, më mbështesni në këto zgjedhje, misioni im është të shëroj plagët e këtij populli. Kam integritet, dashuri. Kurrë nuk ka pasur më kollaj vazhdimësinë. Shqipëria nuk do të ndryshojë kurs, por do të vazhdojë lokomotivën. Unë jam i vetëdijshëm që të gjithë ju do të mbështesni. Unë nuk kam frikë nga burgu, si presidenti apo kryetari i opozitës. Unë jam halit Valteri, krenar që jam matian, e nuk do pushoj së luftuari. Personalisht jam krenar që shokët e mi më kanë ndihmuar shumë, jo vetëm përmes mesazheve dhe përkrahjes por më kanë ftuar dhe në shtëpinë e tyre. Kam nevojë për ndihmën tuaj! Jam shpres plotë që do të mbështesni.

    • 10:22

      Projektligji për Gardën, Çuçi: Mirëtrajtimi për punonjëset femra! Ky ligj nuk do sjellë ndryshime financiare, sjell mundësi për karrierë


      Gjatë seancës së sotme plenare u diskutua mbi Projektligjin për Gardën e Republikës së Shqipërisë. Ishte ministri Bledi Çuçi ai i cili tha se projektligji është një punë e mirë e ardhur nga konsultimi me ekspertët e punës. Ndër të tjera, ai tha se ky ligj do të ketë mirëtrajtim për femrat mirëpo nuk do të sjellë ndryshime financiare.

      DEKLARATA: Ky projektligj ishte një domosdoshmëri, duke reflektuar reformat dhe ndryshimet e bëra. Projektligji që kemi sot në tavolinë është rezultat i një pune shumë të mirë të ekspertëvr të punës. Kur morën drejtimin e qeverisjes 8 vite më parë e gjetëm në një gjendje të rëndë. Që të realizonim një reformë duhej bërë ndryshimi. Tashmë me këtë nismë, struktura e gardës njësohet njësoj si me policinë e shtetit dhe me SHCBA. Misioni i gardës së republikës mbetet i pandryshuar. Nuk ndryshon në asnjë rrethanë. Cështjet që dalin në pah janë: roli i ministrit përgjegjës, kompetencat dhe detyrimiet e tij. Trajtimi i personelit, është detajuar në mënyrë të plotë, ka përmirësim të ndjeshëm. Mirëtrajtimi për punonjëset femra në radhët e gardës, si për trajtimin financiar, pensionet e të tjerë. Me këtë ndryshim, institucionet kryesore, do të kenë të njëjtin sistem gradash, dhe karriere e promovimi. Në këtë sistem shmanget një ngërc me këto struktura. Ruajtja e strukturave aktuale, ky ligj nuk do sjellë ndryshime financiare, përvec emërtesës së funksioneve. Punonjësit do të vijojnë në të njëtat detyra. Do të riemërtohen gradat. Ne kem bindjet se me ligjin e lir plotësohet kuadri ligjor, që sjell mundësi për karrierë për cdo punonjës që bën pjesë në strukturat e përmendura. Ju ftojmë ta miratoni dhe votoni këtë projektligj për gardën.

    • 10:11

      Prezencë e pakët! Deputetët në seancë braktisin punimet e Kuvendit

      Ditën e sotme është vënë re një prezencë shumë e pakët e deputetëve në sallën e Kuvendit. Mesa duket deputetët kanë vendosur që të braktisin seancën e fundit para zgjedhjeve të 25 prillit.

    • 10:00

      RENDI I DITËS

      Rendi i ditës

      Në mbështetje të Urdhrit nr. 14, datë 11.3.2021 të Kryetarit të Kuvendit, z. Gramoz Ruçi, rendi i ditës është si më poshtë vijon:

      1. Miratimi i procesverbalit të seancës plenare datë 08.03.2021
      2. Projektligj “Për sigurimin e detyrueshëm në sektorin e transportit”.
      3. Projektligj “Për Gardën e Republikës së Shqipërisë”.
      4. Projektligj “Për ndryshimin e emërtimit të njësisë së qeverisjes vendore”.
      5. Projektligj “Për disa shtesa dhe ndryshime në ligjin nr. 115/2017 “Për krijimin e Agjencisë Kombëtare të Diasporës”.
      6. Dekret i Presidentit të Republikës, me nr. 11981, datë 26.2.2021, “Për kthimin e ligjit nr. 15/2021 “Për disa ndryshime dhe shtesa në ligjin nr. 59/2014 “Për karrierën ushtarake në Forcat e Armatosura të Republikës së Shqipërisë””, të ndryshuar”.
      7. Diskutime për çështje jashtë rendit të ditës (60’).

    Shto Koment