E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
TIRANË- Kryedemokrati Lulzim Basha është ndalur në tre pika pas përfundimit të mbledhjes së Grupit Parlamentar të PD-së. Gjatë një pronocimi për mediat, Lulzim Basha ka theksuar se ky është fillimi i një ofensive parlamentare. Kreu i PD-së fjalimin e tij e ka përqendruar te gjendja e keqe ekonomike në të cilën ndodhen shqiptarët. Basha ka cituar të dhënat e marra nga INSTAT, në të cilat thuhet se gjendja me të cilën përballen 97% e shqiptarëve është e mjerueshme.
Në lidhje me rritjen e çmimeve, ai tha se do të depozitojë një propozim për të ulur tatimin mbi vlerën e shtuar për produktet ushqimore nga 20% në 6%. Pika e dytë sipas kryemdemokratit është ngritja e tre komisioneve hetimore për masakrën elektorale, për incineratorët si dhe për çështjen Beccetti. Ndërsa në pikën e tretë, Basha u bëri thirrje organeve të drejtësisë që të bëjnë punën e tyre, pavarësisht pushtetit.
Fjala e Bashës:
E para ku duhet të ndalem është gjendja me të cilët ballafaqohen gjithë shqiptarët sot. 97% e shqiptarëve do të thotë të gjithë shqiptarët. Dhe vetëm sot, INSTAT-i ka publikuar të dhëna që vijnë nga vet, pra një organ tashmë nën thundrën qeveritare që tregojnë realitetin, që çdo shqiptarë, çdo prind e prek tavolinën e bukës, e prek në gjendjen në të cilën i ka çuar fëmijët sot në ditën e parë. Dhe kjo është varfëri ekstreme, e cila po shërbehet nga rritja galoponte e çmimeve që keni vënë re. Nisi me çmimin e bukës, por është shtrirë me çmimet e tjera të shportës ushqimore, të ushqimeve në tërësi, të gazit, të naftës, të energjisë, të ujit e kështu me radhë.
Ndaj, ne nuk mund të rrimë përpara kësaj situate të thjesht në rrafshin e denoncimit, pavarësisht se fajtori dihet. Janë politikat zhvatëse të kësaj qeverisjeje dhe mentaliteti i një grupi që mendon vetëm për xhepat e vet dhe të klientëve dhe të ortakëve të vet, që në çdo aspekt, paratë i çon nga qytetarët tek këto xhepa. Dhe pikërisht për të goditur këtë sjellje, por mbi të gjitha për të sjell një lehtësim për qytetarët shqiptarë, grupi parlamentar i Partisë Demokratike do të depozitojë në kohën më të shkurtër të mundshme propozimin për të vendosur uljen e tatimit mbi vlerën e shtuar, mbi mallrat e shportës ushqimore nga 20, në 6%.
Dhe nuk e kam fjalën thjesht për shportën ushqimore në kuptimin e ngushtë të fjalës, por për të gjithë ato mallra të cilat afektojnë jetën e përditshme të qytetarëve. Ky nuk është thjeshtë një propozim politik, ky është një hap i domosdoshëm për të ndihmuar njerëzit të cilët sot janë në nevojë ekstreme. Nuk është hera e parë që ballafaqohemi me shifra që tregojnë se sa e thellë është varfëria, se si këta po e thellojnë dita ditës. Por ky është edhe një veprim politik, shqiptarët duhet ta kuptojnë se forcën që na kanë dhënë me 25 prill, pavarësisht prej masakrës zgjedhore ne do t’i kërkojmë uljen e TVSH duke provuar qartë se ky shtet pavarësisht se i rrënuar, i grabitur, i zhvatur prapëseprapë e ka mundësinë qe duke ia u hequr paratë, favoret, një grushti njerëzish për të cilët punon kjo qeveri t’i shërbejë këtyre 97% te Shqiptarëve pikërisht pra duke ulur TVSH si një hap të parë dhe të menjëhershëm për këtë krizë te thellë ekonomike dhe për thellimin e kësaj krize përmes rritjes së çmimeve te ushqimeve bazë dhe shërbimeve bazë.
E dyta ka të bëjë me atë që preku zoti Stafa, ka të bëjë me faktin pse jemi në këtë parlament në? Ne jemi në këtë parlament ne funksion të kthimit të legjitimitetit dhe të demokracisë në vend i cili është asgjësuar nga masakra zgjedhore e 25 prillit. Ndaj tre komisionet hetimore do të targetojnë i pari masakrën zgjedhore në të gjithë komponentët e saj por me theks tek ato që tashme janë dhe në raportin e OSBE-ODIHR të konfirmuara si krimi zgjedhore , që nga sistemi kriminal i patronazhistëve që vodhi dhe përdori të dhënat personale dhe private të qytetarëve për t’i shantazhuar ata, tek keqpërdorimi i burimeve shtetërore, tek keqpërdorimi dhe abuzimi me fondet e tërmetit, me legalizimet, me punësimet, e kështu me radhë. Komisioni tjetër do të merret me një çështje që e ka marrë vesh gjithë bota tashmë, që është çështja Beketi, ku për shkak të luftës personale politike të Edi Ramës shqiptarëve iu duhet te paguajnë tani 120 milionë euro që po jua them janë baras me dy herë ato paketa gjysmake që qeveria dha gjoja për ndihmë ekonomike gjatë pandemisë. Tani do t’i marrë një njeri për shkak të luftës personale me Edi Ramën. Kjo do të hetohet, përgjegjësit do dalin hapur para shqiptarëve dhe ne do të ndjekim pastaj, të gjithë hapat e tjerë të mundshëm për t’i vënë ata përpara drejtësisë.
E treta, ka të bëjë po kështu me një çështje të mirënjohur për opinionin publik, e cila me siguri nuk do të zërë vend kryesor në kronikat e lajmeve sonte po shpresoj të jemi live tani, që është çështja e inceneratorëve. Mafia e inceneratorëve, bashkëpunimi i tyre me zyrtarët më të lartë të shtetit, përbën një korrupsion në kurriz të qytetarëve shqiptarë, përbën po kështu një masakër shëndetësore mbi shqiptarët. Kush i ka harruar pamjet e qyteteve tona që digjeshin gjatë verës, vetëm e vetëm për të justifikuar që ato pak para që i kanë mbetur të taksave të shqiptarëve, t’i çonin te mafia e inceneratorëve. Pra, këto janë fillimi i një ofensive parlamentare , të pjesës parlamentare të ofensivës, e cila do të kompletohet me të gjithë komponentët e saj.
Kam dhe një mesazh tjetër, që i drejtohet natyrisht, drejtësisë që të bëjë punën e saj, sigurisht, në qoftë se drejtësia do të jetë apo do të ishte në lartësinë e saj, shumica e këtyre çështjeve, sot do të kishin të pandehur, me pranga në duar. Gjithsesi, ne do vazhdojmë të bëjmë punën tonë, për të cilën kemi marrë fuqinë dhe besimin e qytetarëve dhe do ta çojmë punën përpara, në këto katër drejtime kryesore, duke filluar që nga kjo javë e do ta vazhdojmë më tej edhe me çështje të tjera të rëndësishme për shqiptarët siç janë; pandemia apo të tjera çështje që prekin drejtpërdrejt njerëzit. Ju faleminderit!
(I.A;f.m/Dosja.al)
Iftar dhe politikë, a u prek Muaji i Ramazanit nga politikanët?
TIRANË– Kryedemokrati Lulzim Basha ka vendosur që të ngreje tre komisione hetimor për çështjet që janë konsideruar si më të rëndësishmet nga P...
TIRANË– Kryedemokrati Lulzim Basha ka bërë me dije gjatë mbledhjes së grupit parlamentar të Partisë Demokratike se do të kërkojë uljen e TVSH-së për ...
TIRANË– Kryedemokrati Lulzim Basha ka propozuar ngritjen e tre komisioneve hetimore, për zgjedhjet e 25 prillit, çështjen “Beçhetti” dh...
TIRANË– Fëmijët shqiptarë do të kenë një ambient të ri ku do të shijojnë shfaqjet me kukulla, por pa qenë nevoja të shembet godina e vjetër e Teatrit...
KOSOVË– Kryeministri Edi Rama është ndalur në një bashkëbisedim me studentët e Universitetit të Prishtinës, gjatë takimit që po zhvillon në Kosovë. R...
KOSOVË– Një studente e Kosovës ka komplimentuar kryeministrin Edi Rama teksa ky i fundit zhvilloi një bisedë me ta ditën e sotme. Vajza u ngrit në kë...
KOSOVË– Kryeministri Edi Rama ka përsëritur edhe njëherë tjetër se e mbështet reciprocitetin e vnedosur nga Kosova kundrejt Serbisë gjë që ka bllokua...
KOSOVË– Ambasadori i Shqipërisë në Kosovë, Qemal Minxhozi ka teshtirë në momentin që kryeministri Edi Rama po fliste për lejet e punës së qytetarëve ...
KOSOVË– Kryeministri Edi Rama ka komentuar burokracitë me të cilat duhet të përballeshin qytetarët e Kosovës kur vinin për të studiuar, jetuar apo pu...
KOSOVË– “Rruga e vetme për ne është Ballkani i Hapur”. Kjo është ajo që ka thënë kryeministri Edi Rama në një takim me studnetët e Kosovës në Prishti...
