Zjarr në një apartament në një pallat pas Presidencës, Policia: Nuk ka të rrezikuar, po hetojmë shkakun

Pamje nga banorët

TIRANË- Dalin pamjet e para nga gjendja e banorëve që u përfshinë nga zjarri në një apartament në një pallat pas Presidencës. Siç duket edhe nga pamjet e siguruara nga Dosja.al, shumë prej banorëve kanë dalë vetë nga ndërtesa për t'i shpëtuar flakëve, pasi shërbimet e zjarrfikësve dhe ambulanca, edhe pse kanë kaluar gati 30 minuta nuk kanë shkuar në vendin e ngjarjes.

Banorët e pallatit kanë dalë me urgjencë vetë, e janë të shtrirë në stolat e parkut poshtë pallatit, ndërsa ende presin që të marrin ndihmën e parë. Ndërkohë që ende nuk dihet as shkaku i zjarrit në katin e 6 të apartamentit e nëse ka persona të lënduar nga flakët. 

Pallati ku ra zjarri

TIRANE- Një zjarr i fuqishëm ka rënë në qendër të kryeqytetit në zonën e ish-bllokut. Dëshmitarë i treguan "Dosja" se zjarri ka rënë në një apartament në katin e gjashtë të një pallati pranë godinës së Presidencës. Pallati në fjalë ndodhet mbrapa Presidencës ndërsa edhe pse kanë kaluar mbi 25 minuta që nga rënia e flakëve, asnjë shërbim emergjence nuk ka mbërritur në vendngjarje. Banorët e pallatit kanë ndihmuar të zbresin disa nga banorët asfiksuar nga tymi, ndërsa ende nuk dihen detaje për arsyen e rënies së zjarrit. /Dosja.al