Tronditet Elbasani/ Konflikti përfundon në përdorimin e armës së zjarrit, plagosen tre adoleshentë
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Milo Gjukanoviç do të përballet me Jakov Milatoviç në raundin e dytë të zgjedhjeve presidenciale të Malit të Zi, pas përmbylljes së raundit të parë të votimeve, më 19 mars. • Ashtu si pritej, Gjukanoviç, kandidati nga radhët e Partisë Demokratike të Socialistëve doli sërish më i votuari në zgjedhje, me 35.2% të totalit në favor të tij. • Por statistikat nuk ishin në favorin e tij, kjo sepse mori 57 mijë vota më pak në zgjedhjet e së dielës sesa në zgjedhjet e vitit 2018, kur u zgjodh president. • Nga ana tjetër, Milatoviç siguroi 29.2% të votave. • Me një kundërshtar si Milatoviç, Gjukanoviç rrezikon shumë më shumë në postin e tij tashmë, pasi një bashkim i fronteve opozitare mund t'i japë fitoren kundërshtarit të tij. • Një detaj tjetër që ra në sy gjatë zgjedhjeve ishte fakti se komuniteti shqiptar dhe ai boshnjak "bojkotuan" votimet, duke zgjedhur që të mos e hidhnin në kuti votën e tyre për asnjë nga kandidatët. • Tani raundi i dytë do të vendosë gjithçka. • Gjukanoviç, 61-vjeçar, ka mbajtur pozitat më të larta në Qeverinë e Malit të Zi në tri dekadat e fundit.
4 artikuj për këtë temë.
PODGORICË- Dita e djeshme u shënua nga zgjedhjet presidenciale në Mal të Zi dhe rezultati i papritur që mori Jakov Milatoviçit, njërit prej liderëve të partisë Lëvizja "Evropa Tani!", i cili do të përballet në raundin e dytë me presidentin aktual Milo Gjukanoviç. Ky i fundit fitoi 35.3 për qind të votave, ndërsa Milatoviç rreth 29 për qind të votave.
Jakov është një fytyrë relativisht e re në skenën politike të Malit të Zi - ai është vetëm 37 vjeç, pak më i ri se vitet e karrierës politike të kundërshtarit të tij, Gjukanoviç. Politikani i ri u bë i njohur si ministër i Zhvillimit Ekonomik në Qeverinë e Zdravko Krivokapiçit dhe nga gara për kryebashkiak të Podgoricës.
Milatoviç fshehu me kujdes jetën e tij private nga sytë e publikut. Megjithatë, disa informacione bazë i dinë të gjithë - gruaja e tij quhet Milena, dhe së bashku kanë tre fëmijë, vajzat Sara dhe Ana dhe djalin David. Milena dje është shfaqur së bashku me bashkëshortin e saj gjatë votimit në Podgoricë dhe ka mahnitur me bukurinë e saj natyrale dhe veshjen elegante.
View this post on Instagram
Në Mal të Zi, 37-vjeçari prezantohet në publik si një njeri shumë i thënë pas familjes së tijdhe ndan herë pas here foto familjare nga udhëtime të ndryshme.
PODGORICË- Kryeministri Dritan Abazoviç deklaroi në emër të Qeverisë se ndihet shumë krenar për mënyrën sesi kaloi dita e djeshme e zgjedhjeve në Mal të Zi. Për këtë, siç tha ai, kanë kontribuar të gjithë pjesëmarrësit në procesin zgjedhor me “mesazhe shumë pajtuese”.
"Dje ishte si në vendet e Evropës Perëndimore. Mendoj se është diçka që duhet t'i shërbejë nderit të të gjithëve. Fokusi nuk është më tek e kaluara por tek progresi. Unë e konsideroj një progres të madh në krahasim me periudhën e mëparshme. Të gjitha ato frikëra që ekzistonin më parë po zhduken dalëngadalë,"- tha Abazoviç në seancën e sotme të Qeverisë.
Sipas Vijesti, ai bëri të ditur qëndrimin e tij politik në lidhje me raundin e dytë të zgjedhjeve presidenciale, duke i dalë edhe njëherë kundër Milo Gjukanoviç.
“Mendoj se Mali i Zi duhet të marrë një president të ri dhe do ta ketë një të tillë,”- tha Abazoviç.
Sipas rezultateve paraprake të Qendrës për Tranzicionin Demokratik bazuar në 100 për qind të kampionit të përpunuar, kandidati i DPS-së Milo Gjukanoviç fitoi 35,3 për qind të votave, Jakov Milatoviç nga Lëvizja për Evropën tani 28,9 për qind.
MALI I ZI- Pas raundit të parë të zgjedhjeve presidenciale në Mal të Zi, rezultatet tregojnë se kundërshtarë në raundin e dytë do të jenë presidenti aktual Milo Gjukanoviç dhe Jakov Milatoviç. Duke gjykuar nga reagimet, Milatoviç është surpriza e zgjedhjeve të këtij viti.
Jakov Milatoviç u lind në vitin 1986 në Podgoricë, ku mbaroi shkollën fillore dhe gjimnazin "Slobodan Škeroviq" me diplomë në Luçë. Studimet bazë në degën e ekonomisë i kreu në Fakultetin Ekonomik të Universitetit të Malit të Zi, me notë mesatare 10 dhe ishte studenti më i mirë i gjeneratës së tij. Është fitues i çmimeve të shumta vendore nga Ministria e Arsimit, Universiteti i Malit të Zi, Ministria e Punëve të Jashtme e të tjera, etj.
Si studiues i qeverisë amerikane, ai bëri një vit studimi në Universitetin Shtetëror të Illinois, por u shkollua edhe në Vjenë dhe La Spaienza të Romës. Studimet master në fushën e ekonomisë i kreu në Universitetin e Oksfordit.
Eksperiencën e punës e ka filluar në NLB Bank në Podgoricë si pjesë e ekipit të menaxhimit të riskut. Më pas, ai punoi në Deutsche Bank në Frankfurt në ekipin e vlerësimit të rrezikut të kredisë në vend me fokus në vendet e Evropës Qendrore dhe Lindore. Që nga viti 2014, ai ka punuar në Bankën Evropiane për Rindërtim dhe Zhvillim (BERZH) në Londër, në ekipin e analizës ekonomike dhe politike, fillimisht si analist ekonomik për rajonin e Evropës Juglindore, dhe pasi u promovua në pozicionin e ekonomistit.
Ai mbuloi vendet e Ballkanit Perëndimor nga zyra në Podgoricë. Në vitin 2018, ai u promovua si kryeekonomist me detyrën për të mbuluar vendet e BE-së, duke përfshirë Rumaninë, Bullgarinë, Kroacinë dhe Slloveninë nga zyra në Bukuresht.
Karriera politike
Milatoviç ishte ministër i zhvillimit ekonomik në qeverinë e Zdravko Krivokapiçit, si dhe kandidat për kryetar të Podgoricës. Edhe pse qytetarët vlerësuan lëvizjet e tij, ekonomistët besonin se masat reformuese të Milatoviçit ishin të ngjashme me skenarin grek në Mal të Zi. Pas rënies së Qeverisë së Malit të Zi, e udhëhequr nga Krivokapiçi, Milatoviçi formoi projektin e tij politik, të quajtur sipas reformave politike që ai zbatoi.
MAL I ZI- Akuzat për “blerje votash”, presion ndaj votuesve, incidente, tensione... gjithçka që ishte karakteristikë e cikleve të mëparshme zgjedhore, munguan dje në Mal të Zi. Parregullsia më e madhe është raportuar nga Shavniku, ku votimi është ndërprerë në një vendvotim, si dhe në Bijelo Polje, ku anëtarët e një familjeje kanë pohuar se janë “mashtruar” sepse nuk i kanë marrë paratë që u janë premtuar për votën që kanë dhënë.
Të dhënat e Komisionit Shtetëror Zgjedhor (KSHZ) dhe organizatave joqeveritare tregojnë se pjesëmarrja këtë vit ishte rreth 2 për qind më e lartë se në zgjedhjet e kaluara, duke kapur 64.06 për qind. Pjesëmarrja më e madhe ishte në Shavnik (81,88 për qind), Nikshiq (81,86 për qind), pasuar nga Zeta, Mojkovac, Pljevlja, Pluzhine dhe Podgorica.
Më e ulëta u shënua në Gusinjë (30,12 për qind), Petnjicë (37,71 për qind), Ulqin (36,48 për qind), ndërsa në Tuz, përqindja e pjesëmarrjes ishte 49,94 për qind. Kryetari i komunës së Ulqinit, Omer Bajraktari (GP URA), e ka shpjeguar pjesëmarrjen e ulët duke thënë se qytetarët nuk janë të motivuar për të votuar, prandaj dhe kishte mungesa në qendrat e votimit./Vijesti
