Vritet roja i serave në Fier, autori largohet në këmbë (PISTAT e hetimit)

Petraq Gjika

FIER- Vazhdojnë hetimet për të zbuluar autorin dhe shkakun e vrasjes së 68-vjeçarit Petraq Gjika, nga Grecallia e Fierit, i cili punonte si roje në një serrë në Mbrostar të Fierit.

Dje, deri vonë, Policia e Fierit ka shoqëruar mjaft banorë të fshatrave Mbrostar dhe Vajkan, të cilët mund të kenë dijeni për ngjarjen, por edhe kolegun e tij për të bërë një panoramë më të plotë tqë ngjarjes. Roja e një prej lokaleve të zonës, që ndodhet buzë rrugës së vjetër Vajkan – Ardenicë, pranë serave ku punnte i ndjeri ende nuk është liruar.

Ndërsa dyshohet se mbrëmjen e ngjarjes së djeshme, ka qenë me të ndjerin dhe dyshohet se mund të kenë konsumuar pije alkoolike së bashku.

Bazuar në të dhënat e deritanishme, Petraq Gjika, në momentin që është vrarë po qëndronte në kabinën e tij nga ku ka dalë pasi ka vënë re lëvizje. Pikërisht në këtë moment autori e ka sulmuar menjëherë me thikë në zonën e barkut, ndërsa prerjet në duar tregojnë se ka tentuar të mbrohet, por nuk ia ka dalë dhe ka humbur jetën nga plagët e marra. 

Pasi është siguruar se 67-vjeçari ka ndërruar jetë, autori e ka tërhequr zvarrë dhe e ka mbuluar me plasmas, e më pas është larguar nga vendi i ngjarjes.

Pamje nga vendi i ngjarjes

FIER- Autor i vrasjes së vëllait të kryeplakut të fshatit Grecalli dyshohet të jetë vetëm 1 person. Ky i fundit, pasi ka kryer krimin, është larguar nga vendi i ngjarjes në këmbë, duke lënë në tokë trupin e Petraq Gjikës. 

Roja i serës së perimeve u gjet i pajetë nga banorët e zonës me disa plagë të shkaktuara nga goditja e thikës. Grupi hetimor po merr objekte dhe prova nga vendi i ngjarjes që mund të çojnë tek autori i saj. Ekspertë të drejtorisë së policisë Fier po krehin të gjithë zonën.

Foto nga vendi i ngjarjes

FIER- Petraq Gjika, 67-vjeçari i cili u gjet i vdekur në serat e fshatit Mbrostar Ura, ishte vëllai i kryeplakut të një fshati tjetër. 

Gjika, rezulton të jetë vëllai i Vasil Gjikës, kryeplak në fshatin Grecalli. Nuk dihet nëse vrasja mund të ketë ndodhur për shkak të punës së vetë Gjikës, apo të vëllait të tij. 

Trupi i viktimës u gjet jashtë serave ku ishin kultivuar kastravecë, në ambientet jashtë godinës që ai ruante gjatë natës. Godina të cilën e ruante Gjika është e pajisur me kamera sigurie. Këto të fundit mund të jenë ndihmë për grupin e hetimor në mënyrë që të identifikojnë autorin/ët.

Pamje nga vendi i ngjarjes

FIER- Banorët e zonës zbuluan trupin e pajetë të Petraq Gjikës mes hyrjes së serave dhe një godine tjetër, të cilën e ruante 67-vjeçari. Trupi u zbulua rreth orës 06:40 e në ato momente banorët lajmëruan policinë. 

Viktima është gjetur jashtë serave ku ishin kultivuar kastravecë, në ambientet jashtë godinës që ai ruante gjatë natës. Godina të cilën e ruante Gjika është e pajisur me kamera sigurie. Këto të fundit mund të jenë ndihmë për grupin e hetimor në mënyrë që të identifikojnë autorin/ët.

Policia

FIER- Mëngjesin e sotëm trupi i pajetë i Petraq Gjikës u gjet brenda serës në fshatin Mbrostar Ura, aty ku punonte si roje. Mirëpo, në të shkuarën Gjika ka qënë i përfshirë edhe në një ngjarje tjetër. Më 4 korrik të 2018-ës, ai u qëllua me thikë brenda një lokali.

Në atë kohë, Gjika pësoi lëndime në dorë dhe bark. Shkak i plagosjes u bë vendi i punës i Gjikës. Në atë kohë, 67-vjeçari kishte filluar punë si roje nate në një lokal, ku më parë punonte në të njëjtin pozicion autori i dyshuar i plagosjes. Ky i fundit mori hak duke e plagosur. 

Nuk dihet arsyeja e vrasjes së Gjikës, mirëpo grupi hetimor ka nisur punën për të bërë zbardhjen e plotë të ngjarjes.

Policia Fier

FIER- Petraq Gjika është viktima i cili u gjet i vrarë brenda serës në Fier. 67-vjeçari punonte si roje në serën ku u gjet pa shenja jete. Policia ka dyshime se Gjika mund të jetë vrarë me thikë. 

NJOFTIMI I POLICISË:

Sot rreth orës 06:40, në fshatin Mbrostar Ura, Fier, në afërsi të serave është gjetur pa shënja jete (dyshohet i vrarë me mjet prerës), shtetasi P. Gj., 67 vjeç, banues në Daullas, i cili ka qënë i punësuar roje te serat. Në vendngjarje ka shkuar grupi hetimor dhe po punohet për zbardhjen e kësaj ngjarje.

Petraq Gjika

FIER- Petraq Gjika është gjetur i vdekur mëngjesin e sotëm në fshatin Mbrostar Ura. Banorët e zonës konstatuan trupin e pajetë në orën 06:40, e më pas telefonuan policinë. Pas mbërritjes së forcave blu në vendin e ngjarjes, u bë identifikimi i 67-vjeçarit. 

Gjika, punonte si roje në serat e fshatit Mbrostar Ura në Fier, ndërsa në të shkuarën punonte si roje në një lokal. Ai u gjet i vrarë jashtë kabinës së rojës, ndërsa objekti është i pajisur me kamera sigurie, që do të ndihmojë hetuesit në zbardhjen e kësaj ngjarjeje. Gjika është vëllai i kryeplakut të fshatit Grecalli, Vasil Gjika. 

HISTORIA E VITIT 2018: Petraq Gjika qëllohet me thikë brenda një lokali. Ngjarja ndodhi më 4 korrik 2018. Në atë kohë, Gjika pësoi lëndime në dorë dhe bark. Shkak i plagosjes u bë vendi i punës i Gjikës. Në atë kohë, 67-vjeçari kishte filluar punë si roje nate në një lokal, ku më parë punonte në të njëjtin pozicion autori i dyshuar i plagosjes, Xhevat Bregu. Ky i fundit mori hak duke e plagosur mirëpo u dënua me burg.

Autorët e motivi i vrasjes së Gjikës ende mbeten mister. Në vendngjarje ka shkuar grupi hetimor dhe po punohet për zbardhjen e kësaj ngjarje. Dy janë pistat e hetimit: ajo e konfliktit të vitit 2018 si dhe nuk përjashtohet mundësia e një tentative grabitje.