Vrasja me thikë e 40-vjeçarit në Babrru/ Arrestohet autori në Durrës, 38-vjeçari ishte i dehur, autori dhe viktima po pinin alkool së bashku (EMRI+PAMJET)

pamje nga arrestimi

TIRANË- Policia ka publikuar pamjet nga arrestimit i autorit të vrasjes në Babrru. Policia në bashkëpunim me Forcat Operacionale lokalizuan Arlind Demushin në një banesë në Durrës, ndërkohë në video shihet edhe momenti kur ndërhyjnë për ta arrestuar. 

"Policia mos lëviz, shtrihu barkas", thotë policia teksa hyjnë në banesën ku ndodhej 38-vjeçari që vrau me thikë 40-vjeçarit Hajdar Ismajlgeci. 38-vjeçari vrau mbrëmjen e djeshme (2 tetor) me thikë 40-vjeçarin, gjatë një konflikti për motive të dobëta me të. Ismailgeci u gjet në rrugë, pa shenja jete dhe me plagë të shkaktuara me mjet prerës.

Autori pasi e ka goditur me thikë, ka shkuar në një lokal rreth 300 metra pranë vendit të ngjarjes dhe është parë nga banorët me njolla gjaku. Pasi ka qëndruar pak, është larguar nga lokali dhe ka humbur gjurmët, por pas disa orëve kërkime është lokalizuar nga policia./Dosja.al

pamje nga arrestimi

TIRANË- Policia ka dalë në një njoftim zyrtar lidhur me vrasjen e ndodhur mbrëmjen e djeshme, në Babrru, ku humbi jetën 40-vjeçarit Hajdar Ismajlgeci. Blutë bëjnë me dije se në pranga është vënë autori Arlind Demushi, i cili rezultoi ta ketë kryer krimin në gjendje të dehur. Gjithashtu në momentin e arrestimit, 38-vjeçarit iu gjet një çantë me veshjet që ka patur gjatë kryerjes së krimit.

Nga hetimet dyshohet se 38-vjeçari, gjatë konflikti për motive të dobëta goditi me mjet thikë Ismajlgecin. Ndërkohë materialet procedurale i kaluan Prokurorisë së Tiranës, për veprat penale “Vrasje me dashje” dhe “Prodhimi, mbajtja, blerja apo shitja pa leje e armëve të ftohta”.

Njoftimi i Policisë: 

Tiranë/Veprimet e shpejta hetimore zbardhin rrethanat dhe autorësinë e vrasjes së ndodhur mbrëmjen e djeshme, në Babrru. Kapet dhe vihet në pranga 38-vjeçari që dyshohet se vrau me thikë 40-vjeçarin, gjatë një konflikti për motive të dobëta me të. Në momentin e arrestimit, 38-vjeçarit iu gjet një çantë me veshjet që ka patur gjatë kryerjes së krimit.

Si rezultat i veprimeve intensive hetimore të kryera nga Sektori për Krimet e Rënda në DVP Tiranë, në bashkëpunim me Komisariatin e Policisë Nr. 5, në drejtimin e Prokurorisë, për zbardhjen e shkakut të vdekjes së shtetasit H. I., 40 vjeç, i cili u gjet mbrëmjen e djeshme, në rrugë, pa shenja jete dhe me plagë të shkaktuara me mjet prerës, u bë e mundur zbardhja e rrethanave të ngjarjes dhe identifikimi i autorit të dyshuar.

Pas identifikimit, u bë lokalizimi i autorit të dyshuar, shtetasit A. D., 38 vjeç, i cili u kap në Durrës dhe u vu në pranga, në bashkëpunim me Forcën e Posaçme Operacionale të DPPSh. Nga hetimet dyshohet se 38-vjeçari, gjatë një konflikti për motive të dobëta, ka goditur me mjet prerës, 40-vjeçarin, i cili për pasojë ka humbur jetën. Materialet procedurale i kaluan Prokurorisë së Tiranës, për veprat penale “Vrasje me dashje” dhe “Prodhimi, mbajtja, blerja apo shitja pa leje e armëve të ftohta”./Dosja.al

pamje nga vendngjarja

TIRANË- Është identifikuar autori i dyshuar i vrasjes së 40-vjeçarit Hajdar Ismailgeci, i cili u gjet pa shenja mbrëmjen e kaluar në në babrru. Bëhet me dije se pas disa orësh kërkime blutë bënë të mundur lokalizimin dhe arrestimin e autorit, i cili në momentin ku u largua nga vendi i krimit u pa nga banorët e zonës me njolla gjaku në trup.

Gjithashtu në momentin që autori është kapur ndodhej në gjendje të dehur dhe hetuesit nuk i kanë marrë dëshminë, por pritet të pyetet më pas. Ismailgeci u gjet i pajetë mbrëmjen e së enjtes në mes të rrugës pranë shkollës 9-vjeçare “Azem Hajdari”. Siç u raportua 40-vjeçari është goditur 1 herë me thikë, plagë që i ka shkaktuar vdekjen.

Viktima

BABRRU- Uniformat blu kanë bërë të mundur zbardh vrasjen e 40-vjeçarit Hajdar Ismajlgeci, i cili u gjet i vrarë me thikë mbrëmjen e enjtes pranë shkollës "Azem Hajdari" në Babrru. Autori ka rënë në prangat e policisë, dhe rezultoi ta ketë kryer krimin në gjendje të dehur. Mësohet se autori dhe viktima kanë qenë duke pirë alkool së bashku para se të ndodhte krimi i rëndë.

Pasi kanë dalë nga lokali janë zënë për motive banale, kontlikt i momentit. E ka qëlluar me thikë dhe ka ikur. Pas kqyrjes së kamerave të sigurisë është zbuluar identiteti i tij dhe disa orë më pas është kapur.

Në momentin që autori i krimit është kapur, ndodhej në gjendje të dehur dhe hetuesit nuk i kanë marrë dëshminë, por pritet të pyetet më pas. Edhe në ditë të tjera më përpara, të dy janë parë në shoqërinë e njëri-tjetrit.

Menjëherë pas ngjarjes policia futi Tiranën në shtetrrethim duke bllokuar të gjitha hyrjet dhe daljet e kryeqytetit. Pas disa orësh kërkime ata bënë të mundur lokalizimin dhe arrestimin e autorit, i cili në momentin ku u largua nga vendi i krimit u pa nga banorët e zonës me njolla gjaku në trup./ Dosja.al