Vetëvrasja në Kamëz/ Personazhi i "TikTok"-ut shpërndau foton intime me 27-vjeçaren, viktima nënë e një vajze (DINAMIKA)

tezja e vajzes

KAMËZ- Tezja e 27-vjeçares që u vetëvra në Kamëz dy ditë më parë, ka folur për mediat dhe  pretendon se mbesa e saj nuk është vetëvrarë, por aludoi se e kanë vrarë persona të tjerë.

Ajo akuzoi Altin Çokun, i cili është personi që u arrestua si i dyshuari që publikoi foton e saj intime në disa platforma të rrjeteve sociale. 

“Është një legen që ma mori gocën në qafë, i ka bërë foto. Unë jam tezja, unë e kam rritur atë gocë, ajo me ne është rritur. Nuk janë të vërteta lajmet që kanë dhënë deri tani. E vërteta është që gocën time kanë vrarë. Kanë ardhur këtu e kanë shtyrë. Ajo nuk do e kishte lënë kurrë vajzën 2-vjeçe. Atë e kanë vrarë, ai personi që është arrestuar. Nuk e di çfarë ka ndodhur, se këto muhabete kanë ndodhur 2 ditët e fundit dhe vajza nuk m’i ka thënë. Goca do vinte te unë në Itali, ai nuk e di çfarë i bëri. Ose mori vesh që do vinte në Itali dhe e ka vrarë. Ajo nuk e ka vrarë veten dhe lajmet nuk janë të vërteta. Ajo kishte një problem me bashkëshortin dhe ishte një ndarje për momentin, ndoshta do bashkoheshin prapë”, tha ajo.

Në foton intime të publikuar shihej e reja në me Çokun në një dhomë hoteli, ndërsa 39-vjeçari pretendon se fotoja nuk është shpërndarë prej tij, por nga miku i tij i ngushtë. Viktima ishte e martuar në Kosovë dhe kishte dhe një vajzë 2 vjeçe. Martesa ishte në krizë dhe vajza kishte shkuar në familjen e saj në Kamëz.

fotoja ne rrjetet sociale

KAMËZ- Një tjetër rast vetëvrasje nga kërcënimi me foto intime në rrjetet sociale është raportuar kësaj here në Kamëz. Një 27-vjeçare i dha fund jetës, duke u vetëhedhur nga tarraca e një pallati në Kamëz pasi i kishin shpërndarë një foto intime në rrjetet sociale. Viktima ishte e martuar në Kosovë dhe kishte dhe një vajzë 2 vjeçe. Martesa ishte në krizë dhe vajza kishte shkuar në familjen e saj në Kamëz.

Gjatë kohës që qëndronte në Kamëz ajo pati një takim intim me Altin Çokun i cili gjate kohës që ishin në hotel i kishte bërë një foto dhe e kishte publikuar në "Tik- Tok". Pas dëshmisë së familjarëve dhe këqyrjes së telefonit të vajzës, policia zbardhi ngjarjen dhe vuri në pranga 39-vjeçarin, Altin Çoku i cili akuzohet se është ai që i ka shpërndarë foton. Pas kësaj vajza nuk e ka përballuar presionin dhe ka vendosur të vrasë veten.

Ky i fundit është personazh në rrjetin social "Tik Tok", ku në një videolive ka folur për njohjen me vajzën ku tha se e kishte takuar vetëm një herë. Sipas tij foton ja ka nisur vajza teksa ai ishte në tavolinë me shokun e tij, ku ai i ka marrë foton dhe ja ka shpërndarë në rrjetet sociale. 

Ndërkohë sipas informacioneve, ka qenë vetë Altini ai i cili ka hapur disa profile false duke shpërndarë foton jo vetëm në platformën "Tik Tok" por edhe në "Telegram". Gjithashtu mësohet se ai kishte pak kohë që kishte dalë nga burgu, ndërsa tregonte herë pas here në videot e tij, që të njëjtën gjë e ka bërë edhe me vajza të tjera. Hetimet për zbardhjen e plotë sesi ka ndodhur ngjarja vijojnë ende. 

altin coku

KAMËZ- Altin Çoku, 39-vjeç është arrestuar në Kamëz pasi akuzohet se i ka shpërndarë fotot intime një 29-vjeçareje e cila më pas është vetëhedhur nga tarraca e pallatit ku jetonin prindërit e saj dhe ka humbur jetën. 

Është publikuar edhe fotoja e cila shtyu 29-vjeçaren drejt aktit fatal për jetën e saj.

Në një videolive në "Tik Tok", 39-vjeçari ka treguar historinë e njohjes me vajzën. Ai tregon se e ka takuar viktimën vetëm një herë në një hotel. Më pas ai akuzon shokun e ngushtë që i ka publikuar foton pasi shprehet se ai i ka marrë nga telefoni foton që 27-vjeçarja i kishte dërguar nga takimi i tyre. Çoku thotë se pas shpërndarjes së fotos në "TikTok", vajza është ndarë nga burri dhe ka tentuar vetëvrasjen dy herë të tjera. Ai thotë se ajo foto i ka shkaktuar probleme edhe me bashkëshorten e tij. 

27-vjeçarja jetonte në Kamëz, ashtu si autori i arrestuar. Ajo ishte e martuar me një shtetas nga Kosova me të cilin kishte dhe një vajzë. Problemet në çift kishin bërë që martesa të mos funksiononte. Dyshohet se teksa çifti ishte drejt ribashkimit publikimi i fotos me Çokun bëri që 27-vjeçarja të pësonte trauma dhe të ndërmerrte aktin ekstrem.

Mësohet se shërbimet e komisariatit nr.5 pas dëshmive të familjarëve të vajzës dhe këqyrjes që telefonit të saj kanë zbardhur ngjarjen. Dyshohet se nuk ishte rasti i parë që 39-vjeçari bënte presione të tilla ndaj vajzave. Policia po verifikon edhe një rast tjetër në Laç, ku dyshohet se 39-vjeçari ka shantazhuar me foto intime një vajzë tjetër. 

KAMËZ- Është publikuar fotoja e 39-vjeçarit, Altin Çoku i cili u arrestua sepse i kishte publikuar në rrjetet sociale foto intime një 27-vjeçareje e cila më pas është hedhur nga pallati dhe ka vdekur. 

Çoku është dhe personazh i njohur në rrjetin social "TikTok", ku dhe ka treguar historinë e njohjes me vajzën. Ai tregon se e ka takuar viktimën vetëm një herë në një hotel. Më pas ai akuzon shokun e ngushtë që i ka publikuar foton pasi shprehet se ai i ka marrë nga telefoni foton që 27-vjeçarja i kishte dërguar nga takimi i tyre. 

Çoku thotë se pas shpërndarjes së fotos në "TikTok", vajza është ndarë nga burri dhe ka tentuar vetëvrasjen dy herë të tjera. Ai thotë se ajo foto i ka shkaktuar probleme edhe me bashkëshorten e tij. 

Mësohet se shërbimet e komisariatit nr.5 pas dëshmive të familjarëve të vajzës dhe këqyrjes që telefonit të saj kanë zbardhur ngjarjen. Dyshohet se nuk ishte rasti i parë që 39-vjeçari bënte presione të tilla ndaj vajzave. Policia po verifikon edhe një rast tjetër në Laç, ku dyshohet se 39-vjeçari ka shantazhuar me foto intime një vajzë tjetër. 

foto ilustruese

KAMËZ- Një 39-vjeçar është arrestuar në Kamëz pasi akuzohet se i ka publikuar foto intime një 27-vjeçareje e cila si pasojë dyshohet se u vetëhodh nga tarraca e pallatit dhe humbi jetën.

Altin Çoku, i cili dyshohet se i ka publikuar vajzës fotot intime në rrjetet sociale akuzohet për veprën penale "Shkaktimi i vetëvrasjes".

NJOFTIMI I POLICISË:

I publikoi një foto intime një 27-vjeçareje, e cila për këtë shkak dyshohet se u vetëhodh nga tarraca e katit të katërt dhe për pasojë humbi jetën, kapet dhe vihet në pranga 39-vjeçari.

Shërbimet e Komisariatit të Policisë Nr. 5, nisur nga dyshimet e krijuara mbi ngjarjen e ndodhur më datë 10.02.2024, në rrugën "Teuta", ku u vetëhodh nga tarraca e katit të 4-t, një shtetase, e cila si pasojë e dëmtimeve të marra humbi jetën, kanë vijuar veprimet hetimore të thelluara, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për të bërë të mundur zbardhjen e rrethanave të ngjarjes.

Në vijim të veprimeve hetimore të kryera, specialistët për Hetimin e Krimeve në Komisariatin e Policisë Nr. 5 bënë ndalimin me iniciativë të shtetasit:

- A. Ç., 39 vjeç, për veprën penale "Shkaktimi i vetëvrasjes".

Ky shtetas dyshohet se ka publikuar një foto intime të 27-vjeçares, e cila dyshohet se për këtë shkak është vetëhedhur nga tarraca e katit të 4-t dhe si pasojë e dëmtimeve të marra, ka humbur jetën.

Materialet procedurale i kaluan Prokurorisë, për veprime të mëtejshme.