Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Kryeministri Edi Rama ka zhvilluar një konferencë të përbashkët me presidenten e Komisionit Evropian Ursula von der Leyen. • Në fjalën e tij, Rama ka deklaruar se procesi i anëtarësimit të vendit tonë në Bashkimin Europian po ecën me shumë mbarësi. • Kryeministri theksoi rëndësinë që Von der Leyen dhe KE i japin Ballkanit Perëndimor. • I pyetur në lidhje me deklaratat kontraverse që ka patur më parë në lidhje me Brukselin, Rama deklaroi se tashmë raportet e Shqipërisë me Bashkimin Evropian kanë ndryshuar. • Ndërsa Von der Leyen ka deklaruar se kushti i zgjerimit të Bashkimit Evropian bazohet në merita dhe kur të plotësohen këto, do të hapet rruga për Shqipërinë. • Presidentja e KE-së në fjalën e saj ka shtuar se anëtarësimi i vendit në BE nuk është diçka ekonomike, por edhe njerëzore. • Në fund, Ursula ka shtuar se anëtarësimi në BE do të sjell ndryshime të forta ekonomike për vendin.
9 artikuj për këtë temë.
TIRANË- Kryeministri Edi Rama ka bërë disa batuta për largimin e Anglisë nga Bashkimi Evropian. Në konferencën me presidenten e KE, Rama u shpreh se Shqipëria është me fat që ndodhet në mes të Evropës dhe se ka mbështetjen e Bashkimit Europian
"Kur thua 2027, do të thotë që brenda këtij viti do të mbyllen grupkapitujt. Ne duhet të bëjmë detyrat këtu, kapitull për kapitull, plus dhe në planin e rritjes. Nëse marrim një vlerësim pozitiv është si rezultat i detyrave të bëra deri tani. Detyrat nuk i bëjmë se na i kërkon BE, as të kënaqim ata që nesër do të na miratojnë anëtarësimin, as në Paris, apo në Berlin, apo në… Më erdhi të them Londër, por Londra ka ikur në drejtim të paditur, ose në Romë. Detyrat i bëjmë për veten tonë, e bëjmë Shqipërinë më të fortë e funksional si shtet, Procesi i integrimit për ne është një proces shtetbërje demokratike," tha Rama./Dosja.al
TIRANË- Presidentja e Komisionit Evropian Ursula von der Leyen ka deklaruar se kushti i zgjerimit të Bashkimit Evropian bazohet në merita. E pyetur në lidhje me anëtarësimin e vendit, Von der Leyen tha se meritat e Shqipërisë janë të dukshme. Në fund, ajo shtoi se është e impresionuar nga populli shqiptar, që kërkon me ngulëm anëtarësimin në BE.
"Ne të gjithë themi me të drejtë që kushti i zgjerimit bazohet tek meritat dhe meritat e Shqipërisë janë të dukshme. Është një proces normal i hapjes së kapitujve dhe të punojë për reformat në mënyrë që të bëheni pjesë e BE. Për mua është më rëndësi shpejtësia që po ecim në 2-3 vitet e fundit. Jam e impresionuar nga populli shqiptar që më thonë 'Po ne duam të bëhemi anëtarë të BE', e dimë që këto reformat janë për ne për të forcuar demokracinë," tha Von der Leyen./Dosja.al
TIRANË- Kryeministri Edi Rama është pyetur në lidhje me deklaratat kontraverse që ka patur më parë në lidhje me Brukselin për anëtarësimin e vendit. Në fjalën e tij gjatë konferencës me Von der Leyen, Rama deklaroi se tashmë raportet e Shqipërisë me Bashkimin Evropian kanë ndryshuar.
"U bë disa kohë që jetojmë në raportet mes Shqipërisë dhe BE. Në Bruksel nuk të dhuron njeri asgjë dhe duhet t’i fitosh të gjitha. Ky proces nuk do ndodhte me këtë shpejtësi nëse nuk do kishte vullnet të madh. Ballkani Perëndimor duhet mbështetur dhe Shqipëria duhet mbështetur. Viti 2027 nuk është një vit që e pamë në ëndërr këtu në Tiranë, por e kemi përcaktuar së bashku me Komisionin Europian dhe lidhet me detyrat që ne bëjmë këtu. Me reformat masat që janë të gjitha të detajuara dhe kanalizuara. Nëse vazhdojmë kështu me këtë ritëm, në 2027 do t’ja dalim të bëjmë detyrën tonë. Më pas do kemi periudhën ku vendet anëtare do të duhet të shprehen një e nga një. Unë jo e e besoj por e kam bindje absolute që ne të arrijmë objektivin e 2027. Siç e kam bindjen absolute që presidentja nuk lëviz nga objektivi i saj," tha Rama./Dosja.al
TIRANË- Presidentja e Komisionit Evropian Ursula von der Leyen ka deklaruar se bashkëpunimi i Bashkimin Evropian sjell ndryshime të forta në Shqipëri. Gjatë fjalës së saj në konferencën me Ramën, Von der Leyen ka deklaruar se afrimi në BE ka bërë që ekonomia shqiptare të fitojë akses në tregun e përbashkët evropian.
Në fund, Presidentja u shpreh se vitin e ardhshëm do të hiqen tarifat roming vitin e ardhshëm.
"Afrimi në BE ka të bëjë dhe për një biznes të zgjuar, jo vetëm për çështje politike. Ekonomia juaj ka fituar akses në tregun tonë të përbashkët, dhe në këmbim ju zbatoni reforma kyçe. Dyert e sektorit janë të hapura për kompanitë tuaja, por dhe për kompanitë tona. Plani i rritjes ekonomike ka potencial të dyfishojë planin në Ballkanin Perëndimor. Dhënia e 100 mln euro, tani do zbatohet ky plan, ju keni bërë shumë punë të mirë, dhe plani i rritjes ka 1 mld euro afërsisht dhe Shqipëria është drejt kësaj rruge. Vitin që vjen do heqim tarifat roaming. Mesazhi im i fundit është ky, zgjerimi nuk është çështje politike, por njerëzit. Shqipëria e do Europën, 90% e shqiptarëve do votonin për BE, sipas studimeve. Ky është sinjali më i qartë. Gjenerata jonë e re do të jetojë në një Bashkim Evropian të fortë. I dashur Edi të uroj çdo suksese në rrugën drejt BE dhe unë do t’u mbështes”, u shpreh ajo./Dosja.al
TIRANA- Presidentja e Komisionit Evropian, Ursula von der Leyen, tha sot në konferencën e përbashkët me kryeministrin Edi Rama se nëse do të bëhej një referendum, 90% e shqiptarëve do votonin për në Bashkimim Europian. Von der Leyen u shpreh me tej se anëtarësimi nuk është vetëm një çështje politike, por edhe njerëzore duke shtuar se gjenerata e re do të jetojë në një Europë të fortë të bashkuar dhe sigurtë.
"I dashur Edi, nuk është vetëm cështja ekonomike por njerëzit, Shqipëria e do Europën, edhe nëse do bëhej një referendum sot 90% e shqiptarëve do votonin për në BE. Të gjithë janë me ne dhe me ju, mbështesin zgjerimin, ky është sinjali më i qartë i të gjithave. Gjenerata e re do të jetojë në një Europë të fortë të bashkuar dhe sigurtë. Pra, I dashur Edi të uroj cdo sukses që ju të vijoni në rrugën tuaj për anëtarsimin në BE do ju mbështes në cdo hap në rrugën tuaj," tha Von der Leyen./ Dosja.al
TIRANA- Presidentja e Komisionit Evropian, Ursula von der Leyen, tha sot në konferencën e përbashkët me kryeministrin Edi Rama se Shqipëria është në rrugën e duhur për anëtarësimin e vendit drejt Bashkimit Evropian. Von der Leyen theksoi se vendi ynë ka bërë një rrugë të gjatë dhe një progres të mrekullueshëm për anëtarësimin. Më tej ajo shtoi se qëllimi ambicioz i Shqipërisë është mbyllja e negociatave deri në 2027.
"Kënaqësi të kthehem në Shqipëri e të nis turin tim këtu. Shqipëria është në rrugën e duhur drejt BE. Keni bërë një rrugë të gjatë, keni bërë një progres të mrekullueshëm me një shpejtësi rekord. Planifikojmë këtë vjeshtë të hapin kapitullin e fundit. Qëllimi juaj është mbyllja e negociatave deri në 2027, kjo është ambicioze por ne na pëlqen ambicja. Momenti gjeopolitik është këtu dhe lufta në Ukraina ka riformësuar duke bërë që kombet të zgjedhin vendin e tyre. Shqipëria e ka bërë zgjedhjen e saj, ne jemi me ju dhe ju jeni plotësisht në përputhej me BE. Ne veprojmë si një," tha Von der Leyen./ Dosja.al
TIRANA- Kryeministri Edi Rama zhvilloi sot një konferencë për shtyp me Presidenten e Komisionit Europian, Ursula von der Leyen, në kuadër të vizitës së saj në Tiranë, që shënon edhe nisjen e turneut të saj në Ballkanin Perëndimor. Në fjalën e tij kreu i qeverisë deklaroi se Presidentja Von der Leyen mbetet e palëkundur në mbështetjen ndaj vendit tonë. Ndër të tjera si shtoi se përsa i përket luftës Ukrainë-Rusi, janë dakord që duhet të vijojnë të mbështesim pa rezervë Ukrainën.
"Do vijojmë të kryejmë me përpikmëri të gjitha detyrat që kemi marrë përsipër. Kemi folur për forcimin e bashkëpunimit në rajon, duke patur parasysh domosdomërinë që të lidhemi shumë më fort, qënies sonë në zemër të Europës. Kemi prekur edhe cështjen e rezistencës së Ukrainës ndaj agresionit rus dhe edhe në këtë pikë jemi dakord që duhet të vijojmë të mbështesim pa rezervë Ukrainën, aty vec të tjerësh zhvillohet edhe një përplasje mes një mënyrë të të parit të botës dhe të bashkëjetëses bazuar mbi meritë dhe të të parit të botës në në mënyrë që i sfidon këto vlera dhe parime. E falenderoj Von der Leyen jo vetëm për faktin që kthehen në rajon, në Shqipëri, por që rikthehet e palëkundur në mbështetjen e procesit të anëtarësimit të Shqipërisë në BE," tha Rama./Dosja.al
TIRANA- Kreu i qeverisë Edi Rama ka deklaruar se procesi i anëtarësimit të vendit tonë në Bashkimin Europian po ecën me shumë mbarësi dhe me shumë shpejtësi. Në konferencën me Ursula von der Leyen nga Kryeministria, Rama tha se e vlerëson që presidentja dhe komisioni i japin një rëndësi të posaçme Ballkanit Perëndimor.
"Kemi patur një bashkëbisedim që ka prekur temat e interesit të përbashkët. Për ne mbetet një moment i rëndësishëm dhe e vlerësojmë që presidentja dhe komisioni i japin një rëndësi të posaçme Ballkanit Perëndimor. kemi folur për procesin e anëtarësimit të Shqipërisë në Bashkimin Evropian, dhe është një proces që po ecën me shumë mbarësi dhe shumë shpejtësi," tha Rama./Dosja.al
