TRONDITËSE në Korçë! Po shiste në treg, 52-vjeçarja sulmohet me hanxhar, plagoset qytetari që ndërhyri për ta ndihmuar! Autori në pranga

Dëshmitarja

KORÇË- Një dëshmitare e plagosjes në Pazarin e Korçës ka treguar e tronditur, momentin kur 52-vjeçarja u sulmua me sëpatë nga 36-vjeçari cili dyshohet se vuan nga probleme të shëndetit mendor. Sipas saj, autori e ka gjuajtur disa herë me sëpatë gruan edhe pse nuk pati asnjë zënkë apo konflikt. Dëshmitarja tregon se 52-vjeçarja është një grua e respektuar që shet në treg dhe nuk ka probleme me askënd.

“Këtu isha unë, ajo ishte atje, ai erdhi me sëpatë, vajti deri tek ky stoli, po më dridhet trupi nuk flas dot. I hyri me sëpatë, ajo ngriti duart thirri ua ua ua dhe ra poshtë. Ai vetëm e godiste me sëpatë. Nuk pati asnjë sherr, asnjë konflikt. Ai erdhi me sëpatë, pastaj nuk e pashë sepse u bënë kapicë. Gruan e njoh, është shumë e mirë, shet këtu. Na ka respektuar sa s’ka. Më pas i erdhi i shoqi dhe u bë kapicë, nuk pashë më se çfarë u bë. Ai ishte i droguar thoshin dhe iku me vrap. Unë ka përpirë barkun, po më dridhen këmbët, po më shpifet dhe në gjumë do më dalë. Ajo po rrinte tek dyqani, ndërsa ai e ndoqi, tek stoli ajo u pengua dhe ai i ra me sëpatë. Filloi të bërtiste, pastaj i doli i shoqi”, shprehet dëshmitarja. 

Nga sa kemi mësuar deri tani, gjatë konfliktit një qytetar tjetër, u mundua ta largonte agresorin, por mbeti i plagosur. Me një sëpatë në dorë ai ka filluar t’i gjuajë gruas 52-vjeçare, e cila shiste te Pazari i Korçës. 

Pazari i ri në Korçë

KORÇË- Detaje të reja janë zbardhur nga plagosja e 52-vjeçares në Korçë. Policia bën me dije se i plagosur ka mbetur edhe një qytetar, i cili ka ndërhyrë për të shpëtuar gruan, pronare e një dyqani në zonën e ish-tregut. 

Autori i ngjarjes i identifikuar si Jonis Mazllëm dyshohet se vuan nga probleme të shëndetit mendos dhe është shoqëruar në Polici. Ngjarja ka ndodhur mëngjesin e sotëm në Pazarin e Korçës. 

NJOFTIMI I POLICISË:

Më datë 19.10.2023, rreth orës 10:00, në lagjen nr. 8, në zonën e Pazarit, Korçë, shtetasi J. M., 36 vjeç, banues në Korçë, ka dëmtuar me mjet të mprehtë, shtetasen A. M., 52 vjeçe dhe shtetasin V. Sh., 60 vjeç, në momentin kur ky i fundit ka ndërhyrë për të neutralizuar situatën, të cilët u dërguan për mjekim në spitalin e Korçës, ku ndodhen jashtë rrezikut për jetën.

Nga të dhënat e para dyshohet se autori i ngjarjes, vuan nga probleme të shëndetit mendor. 36-vjeçari menjëherë u kap nga shërbimet e Policisë dhe aktualisht ndodhet i shoqëruar në ambientet e Komisariatit për veprime të mëtejshme.

Policia

KORÇË- Korça është zgjuar sot nga një ngjarje sa e  rëndë aq edhe e pazakontë. Një burrë i identifikuar me emrin Jonis Mazllëm ka plagosur një grua me mjete të forta, e cila është transportuar në spitalin rajonal të qytetit.

Një person i tretë i cili ka tentuar të largojë autorin ka mbetur dhe vetë i plagosur. Ngjarja ka ndodhur mëngjesin e sotëm në Pazarin e Korçës. Autori dyshohet se vuan nga probleme të shëndetit mendor dhe është shoqëruar në Polici. 

NJOFTIMI I POLICISË:

Më datë 19.10.2023, rreth orës 10:00, në lagjen nr. 8, në zonën e Pazarit, Korçë, shtetasi J. M., 36 vjeç, banues në Korçë, ka dëmtuar me mjet të mprehtë, shtetasen A. M., 52 vjeçe dhe shtetasin V. Sh., 60 vjeç, në momentin kur ky i fundit ka ndërhyrë për të neutralizuar situatën, të cilët u dërguan për mjekim në spitalin e Korçës, ku ndodhen jashtë rrezikut për jetën.

Nga të dhënat e para dyshohet se autori i ngjarjes, vuan nga probleme të shëndetit mendor. 36-vjeçari menjëherë u kap nga shërbimet e Policisë dhe aktualisht ndodhet i shoqëruar në ambientet e Komisariatit për veprime të mëtejshme.

Grupi hetimor po punon për sqarimin e plotë të rrethanave të ngjarjes.