Trafikonin armë zjarri dhe lëndë narkotike në 5 qytete/ Goditet grupi kriminal në Fier, aktiviteti shtrihej deri në Kosovë, në pranga 4 persona (EMRAT)

Sendet e sekuestruara

FIER- Detaje të reja janë zbardhur në lidhje me operacionin policor, “Procedimi” ku u godit një grup kriminal që trafikonte armë zjarri dhe lëndë narkotike. Në lidhje me këtë operacion janë ushtruar 13 kontrolle në banesa automjete dhe magazina, ku si rezultat janë arrestuar katër persona më rrezikshmëri të lartë shoqërore. Të arrestuarit janë identifikuar si Boran Buzi, Niko Osma, Qamil Shurdhi dhe Besim Buzi. Gjithashtu po punohet për kapjen e bashkëpunëtorëve të tyre.  

Grupi rezultoi i përfshirë në kultivimin dhe shpërndarjen e kanabisit në Fier, Lushnjë, Durrës, Shkodër dhe Kukës. Operacioni u zhvillua në disa pika të vendit, ku u kryen 8 kontrolle banesash, 2 kontrolle në ambiente të dyshuara si magazina armësh, dhe 3 kontrolle automjetesh.

Siç shihet nga pamjet e shpërndarë nga policia, janë sekuestruar maska me fytyrë njeriu, arme, municione dhe unifroma policie. Policia gjatë këtij operacioni ka sekuestruar 4000 fidanë kanabisi, 3 armë zjarri automatike, 2 armë gjahu dhe 636 fishekë. Gjithashtu janë sekuestruar 5000 fara kanabisi, 2 radio të ngjashme me ato të Policisë, 2 uniforma policie dhe 1 maskë me paruke. Janë sekuestruar edhe 3 automjete dhe 10 celularë.

pamje nga konferenca

FIER- Prokuroria dhe Policia e Fierit në konferencën e sotme për mediat kanë dhënë detaje lidhur me operacionin e koduar "Procedimi". Drejtori i Policisë së Fierit, Skënder Hitaj është shprehur se aktiviteti i grupit kriminal të goditur zhvillohej në Fier, Lushnje, Durrës, Shkodër, Kukës dhe në disa raste armët siguroheshin edhe në Kosovë. Më pas kalonin ilegalisht në doganën e Morinës për tu shitur në vendin tonë.  

Ky grup kriminal bëhet me dije se merrej gjithashtu edhe me shitjen e lëndës narkotike, kanabis. Gjithashtu Hitaj njoftoi se gjatë operacioniut u ushtruan 8 kontrolle banesash, 3 kontrolle automjetesh, u sekuestruan 4000 bimë narkotike, 2000 në parcelë dhe 2000 në shtëpi, u sekuestruan 636 fishekë të kalibrave të ndryshëm, 5000 fara kanabis, 2 radio policie, 2 uniforma policie, 2 maska , 3 automjete dhe 10 celularë.

Përveç katër të arrestuarve të cilët cilësohen si persona më rrezikshmëri të lartë është proceduar dhe një 51-vjeçar në Fier. Sipas informacioneve kreu i grupit kriminal organizonte kultivimin dhe shitjen e kanabisit. Hetimet e operacionit vijojnë dhe po punohet për kapjen e personave të tjerë të përfshirë në aktivitetin kriminal.

Drejtori i Policisë së Fierit, Skënder Hitaj: Nga rezultatet e operacionit të koduar ‘Procedimi’ është finalizimi i një procedimi penal me metoda të hetimit. Procedimi u nis nga sektori i narkotikëve dhe siç u bë publik dhe më parë, DVP Fier ka vazhduar përpjekjet për hetimin dhe sektori i narkotikëve siguroi informacion përmes metodave speciale.

Disa shtetas në bashkëpunim me njëri tjetrin mbanin dhe trafikonin armë zjarri. Aktiviteti zhvillohej në Fier, Lushnje, Durrës, Shkodër dhe Kukës dhe në disa raste armët siguroheshin nga Kosova në kalimin ilegal përmes Morinës. Ky grup merrej me shitjen e kanabis. Gjatë operacionit u ushtruan 8 kontrolle banesash, 3 kontrolle automjetesh dhe u sekuestran 4000 bimë narkotike, 2000 në parcelë dhe 2000 në shtëpi, u sekuestruar 636 fishekë të kalibrave të ndryshëm, 5000 fara kanabis, 2 radio policie, 2 uniforma policie, 2 maska , 3 automjete dhe 10 celularë. Në banesën e shtetasit me iniciale N.O. në Durrës u gjet një armë zjarri ku gjatë kontrollit ky shtetas tentoi të hidhte armën.

U ndaluan 4 shtetas me inciale B.B. 48 vjeç i dënuar më parë me 30 vite burg në Itali, N.O  banues në Durrës, Q.SH banues në Lushnje dhe shtetasi B. B banues në Divjakë. Është hetuar në gjendje të lirë dhe një 51 vjeçar në Fier. Kryetai i grupit B. B organizonte kultivimin dhe shitjen e kanabisit. Hetimet vijojnë për kapjen e shtetasve të tjerë.

pamje nga konferenca

FIER- Prokuroria dhe Policia e Fierit kanë zhvilluar sot një konferencë të përbashkët për mediat, ku kanë njoftuar zhvillimin e operacionit policor të koduar "Procedimi". Sipas kreut të Prokurorisë së Fierit, Elion Mustafa është goditur një grup kriminal që trafikonte armë zjarri dhe lëndë narkotike. 

Gjithashtu njoftohet se një ditë më parë janë ushtruar 13 kontrolle në banesa automjete dhe magazina, ku si rezultat janë arrestuar katër persona më rrezikshmëri të lartë shoqërore dhe po punohet për kapjen e bashkëpunëtorëve të tyre.  Kryeprokurori shtoi po ashtu se Përveç Fierit e Lushnjes, grupi vepronte edhe në Durrës, Shkodër, Kukës madje edhe në Kosovë.

Kreu i prokurorisë së Fierit: Kemi dokumentuar trafikim armësh, prodhim e shitje narkotike, kultivim narkotikësh. Më 2.6.2025 janë ushtruar 13 kontrolle në banesa automjete dhe magazina. Arrestohen katër persona me rrezikshmëri të lartë shoqërore, por vijon puna për kapjen dhe vënin para përgjegjësisë për bashkëpunëtorët e tyre. Po ndjekim 204 procedime penale.