Të shtëna me armë zjarri pranë Shtëpisë së Bardhë/ Autori vritet nga agjentët e Shërbimit Sekret, Trump: 21-vjeçari kishte obsesion me ndërtesën presidenciale

Nasire Best

SHBA- Fotoja e autorit i cili sulmoi me armë pasditen e së shtunës Shtëpinë e Bardhë është publikuar nga mediat ndërkombëtare. I dyshuari i identifikuar është Nasire Best, i cili kishte pasur shumë përplasje të mëparshme me Shërbimin Sekret. Mediat shkruajnë se në korrik të vitit 2025 ai ishte arrestuar, pasi tentoi të hynte në Shtëpinë e Bardhë dhe më pas ishte dërguar në një institucion psikiatrik për shkak të problemeve të shëndetit mendor.

Ngjarja ndodhi rreth orës 18:00 sipas kohës lokale, kur një person iu afrua një pike kontrolli sigurie pranë Shtëpisë së Bardhë dhe hapi zjarr ndaj agjentëve të Shërbimit Sekret. Sipas Shërbimit Sekret, Best nxori armën nga një çantë dhe filloi të qëllonte ndaj oficerëve të vendosur në pikën e kontrollit. Agjentët iu kundërpërgjigjën me zjarr, duke e plagosur autorin, i cili më vonë u shpall i vdekur në spital.

Si pasjoë e kësaj, një kalimtar mbeti i plagosur gjatë shkëmbimit të zjarrit. Autoritetet ende nuk kanë përcaktuar nëse plagosja u shkaktua nga të shtënat e autorit apo nga kundërpërgjigjja e forcave të sigurisë. Në momentin e incidentit, presidenti i SHBA-së, Donald Trump ndodhej në Shtëpinë e Bardhë./Dosja.al

SHBA- Presidenti i SHBA-së, Donald Trump ka reaguar pas të shtënave me armë në Shtëpinë e Bardhë,  Me anë të një postimi në Truth Social, Trump falënderoi Shërbimin Sekret dhe forcat e rendit për reagimin e shpejtë dhe profesional ndaj personit të armatosur, për të cilin tha se kishte një histori dhune dhe një “obsesion të mundshëm” me Shtëpinë e Bardhë.

“Falënderojmë Shërbimin Sekret të mrekullueshëm dhe Zbatimin e Ligjit për veprimin e shpejtë dhe profesional që ndërmorën sonte kundër një personi të armatosur pranë Shtëpisë së Bardhë, i cili kishte një histori të dhunshme dhe një obsesion të mundshëm me ndërtesën më të dashur të kombit tonë”, shkroi Trump.

Ngjarja ndodhi rreth orës 18:00 sipas kohës lokale, kur një person iu afrua një pike kontrolli sigurie pranë Shtëpisë së Bardhë dhe hapi zjarr ndaj agjentëve të Shërbimit Sekret. Sipas Shërbimit Sekret, i dyshuari nxori armën nga një çantë dhe filloi të qëllonte ndaj oficerëve të vendosur në pikën e kontrollit. Agjentët iu kundërpërgjigjën me zjarr, duke e plagosur autorin, i cili më vonë u shpall i vdekur në spital.

Mediat amerikane raportuan gjithashtu se një kalimtar mbeti i plagosur gjatë shkëmbimit të zjarrit, megjithëse autoritetet ende nuk kanë përcaktuar nëse plagosja u shkaktua nga të shtënat e autorit apo nga kundërpërgjigjja e forcave të sigurisë. Në momentin e incidentit, presidenti Donald Trump ndodhej në Shtëpinë e Bardhë, por sipas një zëdhënësi të Shërbimit Sekret, ai nuk u rrezikua.

Sa i përket autorit, thuhet se Nasir Best kishte pasur edhe më herët probleme me autoritetet. Në korrik të vitit 2025 ai ishte arrestuar pasi tentoi të hynte në Shtëpinë e Bardhë dhe më pas ishte dërguar në një institucion psikiatrik për shkak të problemeve të shëndetit mendor./Dosja.al

Selina Wang, Aaron Navarro

SHBA- Momente paniku u regjistruan pranë Shtëpia e Bardhë, pasi një 21-vjeçar i armatosur hapi zjarr ndaj agjentëve të Shërbimit Sekret amerikan, duke shkaktuar kaos në zonën e sigurisë. Ngjarja ndodhi mbrëmjen e së shtunës në Uashington, ndërsa reporteri i CBS News, Aaron Navarro, po raportonte drejtpërdrejt nga jashtë Shtëpisë së Bardhë.

Siç shihet edhe në pamjet që kanë në bërë xhiro në rrjet, në momentin kur nisën të shtënat, gazetari hoqi kufjet, u ul menjëherë në tokë dhe u përpoq të mbrohej, ndërsa kamera vazhdonte të filmonte gjithë skenën dramatike.

Përveç Raporterit të CBS News, edhe korrespondentja kryesore e ABC News në Shtëpinë e Bardhë, Selina Wang, postoi një video në mediat sociale, ku tregon momentin kur thuhet se u qëlluan dhe kur ajo u fsheh për siguri.

“Isha në mes të një regjistrimi me iPhone për një video sociale nga North Lawn i Shtëpisë së Bardhë kur dëgjuam të shtënat. Dukej sikur ishin dhjetëra të shtëna. Na thanë të vraponim drejt sallës së konferencave për shtyp, ku po qëndrojmë aktualisht”, shkroi më vonë në platformën X gazetarja Selina Wang.

Sipas autoriteteve amerikane, autori i sulmit, i identifikuar si Nasir Best, hapi zjarr në një pikë kontrolli të Shërbimit Sekret jashtë kompleksit presidencial. Agjentët reaguan menjëherë, duke e neutralizuar autorin pas shkëmbimit të zjarrit. Në momentin e incidentit, presidenti Donald Trump ndodhej në Shtëpinë e Bardhë, por sipas një zëdhënësi të Shërbimit Sekret, ai nuk u rrezikua.

Burime nga Shtëpia e Bardhë thanë se Nasir Best kishte pasur edhe më herët probleme me autoritetet. Në korrik të vitit 2025 ai ishte arrestuar pasi tentoi të hynte në Shtëpinë e Bardhë dhe më pas ishte dërguar në një institucion psikiatrik për shkak të problemeve të shëndetit mendor. Në reagimin e tij në rrjetin Truth Social, Donald Trump falënderoi agjentët e sigurisë për reagimin e shpejtë dhe profesional.

“Falënderoj Shërbimin Sekret të shkëlqyer dhe agjentët e zbatimit të ligjit për veprimin e shpejtë dhe profesional që ndërmorën sonte kundër një personi të armatosur pranë Shtëpisë së Bardhë, i cili kishte një histori dhune dhe një obsesion të mundshëm me ndërtesën më të nderuar të kombit tonë”, tha republikani nëpërmjet Truth Social./Dosja.al

Pamjet

SHBA- Një person i armatosur u vra nga agjentët e Shërbimit Sekret të SHBA-së të shtunën, pasi iu afrua një pike kontrolli sigurie pranë Shtëpisë së Bardhë dhe hapi zjarr ndaj tyre. Incidenti ndodhi pak para orës 1 të mëngjesit të së dielës, ndërsa një kalimtar u plagos gjatë të shtënave. I dyshuari është identifikuar si Nasire Best, 21 vjeç, i njohur më parë nga Shërbimi Sekret dhe me histori të dokumentuar të problemeve të shëndetit mendor.

Presidenti i SHBA-së, Donald Trump, ndodhej në rezidencën e Shtëpisë së Bardhë në kohën kur ndodhën të shtënat. Selina Wang, korrespondentja kryesore e ABC News në Shtëpinë e Bardhë, postoi një video në mediat sociale që tregon momentin kur thuhet se u qëlluan dhe kur ajo u fsheh për siguri.

"Isha duke regjistruar një video me iPhone-in tim nga Sheshi Verior i Shtëpisë së Bardhë kur dëgjuam të shtënat. Tingëllonin si dhjetëra të shtëna. Na thanë të vraponim drejt dhomës së informimit, ku qëndrojmë tani," tha ajo në një postim.

Ndërsa, drejtori i FBI-së, Cass Patel, tha nëpërmjet X se agjencia është në vendngjarje duke mbështetur Shërbimin Sekret në ngjarjen pranë Shtëpisë së Bardhë dhe priten informacione më të detajuara. 

Agjentët e Shërbimit Sekret, të armatosur me pushkë, u zhvendosën shpejt në zonën e Sheshit Verior, duke bllokuar sallën e informimit dhe duke mbrojtur të pranishmit, aty ku u dërguan dhe gazetarët për të qenë më të sigurt. Gjatë incidentit, anëtarët e shtypit që ndodheshin në Shtëpinë e Bardhë u çuan në sallën e informimit për siguri.

Agjentët e Shërbimit Sekret bërtisnin vazhdimisht, duke thënë "zbritni poshtë", "të shtëna", që të siguraonin mbrotjen e menjëhershme të gazetarëve dhe punëtorëve në vendngjarje. Operacioni vjen rreth një muaj pas të shtënave në Darkën e Korrespondentëve të Shtëpisë së Bardhë, ku pjesëmarrësit përfshirë gazetarë dhe zyrtarë të administratës Trump u detyruan të fshiheshin kur u dëgjuan të shtëna.

I dyshuari në atë incident, Kolonel Thomas Allen, thuhet se kaloi nëpër një pikë kontrolli sigurie duke mbajtur një pushkë gjahu dhe shkëmbeu zjarr me agjentë të Shërbimit Sekret. Sipas pamjeve të sigurisë, ai u arrestua më vonë dhe është deklaruar i pafajshëm për tentativën e vrasjes së Trump dhe akuza të tjera./Dosja.al