SPAK sulmon kullat dhe resortet/ 20 masa sigurie! Në pranga biznesmeni Orest Sota, në kërkim Artur Shehu e Ilir Shtufi

Artur Shehu

TIRANË- Prokuroria e Posaçme ka sekuestruar 128 mln euro nga shitja e pronave në Zvërnec në llogari të biznesmenit Artur Shehu. Me vendim të gjykatës të datës 10 qershor, janë ekzekutuar sekuestrimet e mbi 128 milionë eurove gjithsej në llogarinë e noteres Amela Mukaj, të përdorura në 3 shitblerje tokash në Zvërnec. 

Pjesë nga njoftimi i SPAK:

Vendosjen e sekuestros preventive mbi pasuritë e luajtshme, shuma monetare në valutën euro të ndodhura në llogarinë bankare te noteres publike Amela Mukaj , person fizik, si më poshtë vijon:

i) Shuma e parave 110.247.134 euro, sipas kontratës së shitjes me nr. 2062 rep., nr. 1166 kol., datë 24.04.2026 me palë Artur Shehu dhe "Albanian Land Development" sh.p.k., e ndodhur në llogarinë numër 435001036CLPRBFEURMJ të noteres AMELA MUKAJ PERSON FIZIK.
85

ii) Shuma e parave 10.044.684 euro, sipas kontratës me nr. 2060 rep., nr. 1164 kol., datë 24.04.2026 me palë Ferdinand Sulaj dhe Burbuqe Sulaj dhe "Albania Land Development" sh.p.k., e ndodhur në llogarinë numër 435001036CLPRBFEURMJ të noteres AMELA MUKAJ PERSON FIZIK.

iii) Shuma e parave 8.062.619 euro, sipas kontratës me nr. 2061 rep., nr. 1165 kol., datë 24.04.2026 me palë Ferdinand Sulaj dhe Burbuqe Sulaj dhe "Albania Land Development" sh.p.k., e ndodhur në llogarinë numër 435001036CLPRBFEURMJ të noteres AMELA MUKAJ PERSON FIZIK.

Ndërkohë që vetëm disa ditë më parë biznesmeni Artur Shehu foli për çështjen e tokës së tij në Zvërnec. Në një intervistë për emisionin “Opinion”, Shehu u shpreh se ai posedon rreth 253 hektarë tokë në Zvërnec dhe se i ka me çertifikatë pronësie. Në lidhje me hetimet e SPAK, Shehu tha se nuk kishte asnjë problem dhe prokuroria mund të hetojë.  

"Unë jam një nga pronarët e tokës në Zvërnec. 460 hektarë janë të fisit tonë. Kemi me certifikatë pronësie rreth 253 hektarë. Prona jonë është e padiskutueshme. Do të vijë avokati im aty që t’ua shpjegojë. Është pronë e vjetër dhe jo e blerë. SPAK-u ka punën e vet. Le ta verifikojë. Puna ime është që të sjell letrat dhe le të shohë letrat. Investitorët nuk i njoh fare. Kam ndërmjetës," tha Shehu./Dosja.al 

TIRANË- Detaje të reja vijojnë të dalin nga megaoperacioni i SPAK-ut dhe Policisë së Shtetit kundër një grupi kriminal të përfshirë në trafik droge dhe pastrim parash. Bëhet me dije se mes personave ndaj të cilëve është caktuar masë sigurie është edhe biznesmeni Edmond Jaupi, konkretisht ndaj të cilit është vendosur masa “arrest në shtëpi”.

Jaupi rezulton të jetë vëllai i Elidiana Çelajt, aktualisht drejtoreshë e Agjencisë Kombëtare të Ujësjellës-Kanalizimeve (AKUK). Çelaj më herët ka mbajtur detyrën e drejtoreshës së bizneseve VIP pranë Drejtorisë së Tatimeve. Ndërkohë Edmond Jaupi ushtron aktivitet si CEO i kompanisë Daikin/ESC, e cila operon në fushën e sistemeve të kondicionimit.

Në kuadër të këtij megaoperacioni, Prokuroria e Posaçme ka lëshuar gjithsej 20 masa sigurie, 15 “arrest me burg” dhe 5 masa “arrest në shtëpi”, ndaj personave të dyshuar si pjesë e një rrjeti kriminal të përfshirë në trafikim të lëndëve narkotike dhe pastrim të produkteve të veprës penale. ‘Koka’ të këtij grupi dyshohet se janë vëllezërit Artur dhe Luçiano Koçeku, të cilët drejtonin trafikun e drogës./Dosja.al

Redi Struga

TIRANË- 138 milionë euro janë sekuestruar nga llogaritë e kompanisë “Albanian Land Development”, në pronësi të biznesmenit Redi Struga. Sekuestrimi i këtyre llogarive është bërë në kuadët të megaoperacionit të Prokurorisë së Posaçme, ku janë lëshuar 20 masa arresti kundër pastrimit të parave dhe trafikut të drogës. Bëhet me dije se biznesmeni Artur Shehu, i cili është në kërkim nga SPAK, i ka shitur kësaj kompanie prona, ndërsa hetimet janë në vijim për të zbardhur plotësisht transaksionet.

Shehu ndodhet në SHBA prej vitit 1999 ku ka marrë azil politik, pasi gjatë kohës që ndodhej në Shqipëri ka pasur rivalitet me bandën e Zani Çaushit në Vlorë. Shehu ka lidhje dhe me pronën në Zvërnec që ka shkaktuar debat së fundmi, pasi pritet të investojë Jared Kushner dhe Ivanka Trump, përmes një kompanie nga Katari.

Po ashtu janë sekuestruar edhe pasuri të lidhura me persona të tjerë. Në sekuestro janë vendosur prona të Erion dhe Adrian Ramaj, nipat e Fatmir Ramës, i njohur si “Miri i Xhikes”, i vrarë në fillim vitet 2000. Konkretisht, bëhet fjalë për vilat që gjenden në zonën e Green Coast në Palasë./Dosja.al

SPAK

TIRANË- Prokuroria e Posaçme në bashkëpunim me Policinë e Shtetit po zhvillon këtë të premte një operacion të gjerë. Në kuadër të këtij operacioni SPAK ka goditur një grup të strukturuar që vepron në zonën e Kamzës në fushën e trafikut të drogës dhe pastrimit të parave. Dy "Kokat" e grupit dyshohet se janë vëllezërit Abedin e Luçiano Koçeku.

Ky i fundit u dhunua në gusht të vitit 2024 në një resort luksoz në Palasë për shkake banale. Ai rezulton gjithashtu të jetë pronar 100% i shoqërisë ‘G.A.V Invest’ me veprimtari në fushën e projektimit, ndërtimit, prodhimit dhe shitblerjes së materialeve të ndërtimit.

Kompania u themelua në 21 tetor 2022 në Tiranë dhe ka aktivitet për investim në fushën e ndërtimit, në komplekse civile, turistike, industriale, sociale, komplekse te tregtimit dhe te shërbimit, bar, restorant, hoteleri, projektimi dhe zbatimi i veprave ndërtimore, rrugë të të gjitha kategorive.

TIRANË- Deteja të reja vijojnë të dalin nga megaoperacioni i SPAK-ut, në bashkëpunim me Policinë e Shtetit, ku u godit një grup i fuqishëm kriminal droge që merrej dhe me pastrim parash. Mes të arrestuarve është dhe Orgest Biçaj, i cili zotëron në nga kompanitë më të rëndësishme luksoze të makinave, “Top Seven”.

Mësohet se makinat e kompanisë në fjalë po sekuestrohen nga SPAK, në kundër të hetimeve për pastrim parash. Në kuadër të këtij operacioni, Prokuroria e Posaçme ka dhënë 20 masa sigurie, nga të cilat janë ekzekutuar disa prej tyre./Dosja.al

TIRANË- Biznesmeni Orges Sota, i cili ka përfunduar në pranga, është pyetur më herët edhe për skandalin e AKSHI. Në prill të këtij viti, Sota u paraqit në Prokurorinë e Posaçme ku qëndroi për pesë orë, duke dhënë shpjegime për hetimet që po zhvillohen në kundër të AKSHI-t dhe njohjet me biznesmenin Ergys Agasi.

Po ashtu Sota është arrestuar më 1 nëntor 2017 pasi u kap duke qarkulluar në automjet me 863 mijë euro. Nga operacioni i SPAK me Policinë është shpallur në kërkim dhe nuk ka konfirmim nëse është arrestuar Orest Birçaj për pastrim parash dhe grup i strukturuar kriminal. Ndërkohë Edmond Jaupaj është nën masën e sigurisë arrest shtëpie.

Operacioni është ende në vijim e sipër, ndaj po ushtrohen kontrolle në disa zona në Tiranë dhe Vlorë. Sa i përket strukturës së grupit kriminal, dyshohet se krerët janë të vendosur në Dubai. Deri tani janë lëshuar 20 masa sigurie për anëtarët e grupit, që dyshohen të përfshirë në trafikun e sasive të mëdha të kokainës, ndërsa të ardhurat nga trafiku investoheshin në ndërtim./Dosja.al

TIRANË- Detaje të rrja janë zbardhur lidhur me aksionin e SPAK dhe policisë, ku janë firmosur 20 masa sigurie për një grup kriminal, që akuzohet për trafik droge dhe pastrim parash. Mes personave me masë sigurie arrest me burg është edhe biznesmeni Ilir Shtufi, i cili është edhe në dosjen e Belinda Ballukut, pasi është favorizuar në tenderat e rrugëve.

Një tjetër person me masë sigurie arrest në burg është edhe Artur Shehu, shqiptaro-amerikani që është në kërkim dhe po hetohet edhe për tjetërsim pronash. Ndërsa për biznesmenin Edmond Jaupaj është firmosur masa e arrestit në shtëpi.

Operacioni është ende në vijim e sipër, ndaj po ushtrohen kontrolle në disa zona në Tiranë dhe Vlorë. Sa i përket strukturës së grupit kriminal, dyshohet se krerët janë të vendosur në Dubai./Dosja.al

SPAK

TIRANË- Detaje të reja janë zbardhur nga operacioni i Prokurorisë së Posaçme në bashkëpunim me Policinë e Shtetit. Mësohet se kuadër të këtij operacioni është goditur një grup kriminal i trafikut të lëndëve narkotike e pastrim të parave në shuma të mëdha. 

Raportohet se janë lëshuar 20 masa sigurie, ndërsa deri më tani në pranga është vënë Orest Sota. Masë sigurie 'arrest me burg' është lëshuar edhe për biznesmenët Artur Shehu e Ilir Shtufi, të cilët ndodhen jashtë vendit, të dyshuar se kanë pastruar paratë e një grupi trafikantësh droge.

Aksioni është ende në zhvillim, ndërsa pritet që autoritetet të publikojnë më shumë detaje mbi numrin e personave të përfshirë, masat e ekzekutuara dhe rezultatet e operacionit./Dosja.al

SPAK

TIRANË- Prokuroria e Posaçme në bashkëpunim me Policinë e Shtetit, ka ndërmarrë këtë të premte një operacion për ekzekutimin e masave të sigurisë ndaj disa personave të dyshuar për përfshirje në veprimtari kriminale.

Të dyshuarit hetohen për veprat penale të trafikimit të lëndëve narkotike dhe pastrimit të parave në vlera të mëdha, të kryera në kuadër të një grupi të strukturuar kriminal.

Aksioni është ende në zhvillim, ndërsa pritet që autoritetet të publikojnë më shumë detaje mbi numrin e personave të përfshirë, masat e ekzekutuara dhe rezultatet e operacionit.

“SPAK në bashkëpunim me Policinë e Shtetit po zhvillon sot një operacion për ekzekutimin e masave të sigurimit ndaj disa personave, të dyshuar për veprat penale trafikim të lëndëve narkotike dhe pastrim parash në vlera të mëdha, në formën e grupit të strukturuar kriminal. Detaje më të hollësishme do të njoftohen pas përfundimit të operacionit”, njofton SPAK./Dosja.al