Skandali me abuzimet te Teatri Kombëtar/ Aktori Besmir Bitraku: Zhgënjim. Delinda Disha: Hijena që e keni bërë teatrin si pronën tuaj

Delinda Disha

TIRANË- Aktorja e njohur e humorit, Delinda Disha ka reaguar ashpër ndaj Iliriana Bashës, bashkëshortes së Drejtorit të Teatrit Kombëtar, Altin Basha, pasi kjo e fundit e quajti Shqipërinë një vend të shpifur e të ndyrë. Në investigimin e Piranjave faktohet se Altin Basha si drejtor i Teatrit Kombëtar dhe bashkëshortja e tij, Iliriana Basha, kanë abuzuar me fondet që ka ky institucion. Iliriana Basha bëri deklaratën pasi u zbulua nepotizmi në Teatrin Kombëtar, pasi Altin Basha e kishte punësuar gruan si skenografe e kostumografe.

Pas deklaratës së saj, reagoi Delinda Disha e cila iu drejtua duke thënë që turp të kenë, pasi deri tani vodhën me grushte.  Aktorja shkruan se në një vend tjetër do të ishin pastrues, duke i quajtur hiena që e kanë bërë teatrin si pronën e tyre.

"Turp të kesh që shan Shqipërinë. Deri tani që keni vjedhur me grushta ju ka pëlqyer Shqipëria. Në vend tjetër do ishit pastruese dhe jo këtu ku jeni. Shqiptarët e ndershëm ikën nga ky vend dhe punojnë anë e mbanë botës se jeni ju hijena që e keni bërë teatrin si pronën tuaj. Keni dhe gojë e shan Shqipërinë që ju beri me byth e bark.Rrethi artistik e di mirë se kush jeni ju. Po sot u demaskuat si çifti Ceausescu. Nese sju pëlqen Shqipëria ikni largohuni nga ky vend dhe mos e shani. Lereni dhe teatrin të marri frymë se e keni bërë si parcelë tuajën. Slatë fjalë pa sharë për teatrin vetëm që të merrje poste drejtuese," shkruan Disha. 

Besmir Bitraku

TIRANË- Aktori i Teatrit Kombëtar Besmir Bitraku ka reaguar pas investigimit të emisionit Piranja për drejtoritn e Teatrit Kombëtar Altin Basha. Në investigimin e Piranjave faktohet se Altin Basha si drejtor i Teatrit Kombëtar dhe bashkëshortja e tij, Iliriana Basha, kanë abuzuar me fondet që ka ky institucion. Ndërsa Bitraku e ka konsideruar këtë si një zhgënjim dhe ka theksuar se Basha duhet të japë dorëheqjen nëse i ka ngelur ndopak dinjitet. 

"Turp, zhgënjim, keqardhje. Nëse i ka ngel ndopak dinjitet, jep dorëheqjen," shkruan Bitraku.

Postimi

Foto nga emisioni

TIRANA- Kryetarja e Komisionit të Apelimit në Partinë Demokratike, Adriana Kalaja, ka reaguar lidhur me skandalin me vjedhjet dhe abuzimet dramatike në Teatrin Kombëtar, publikuar mbrëmjen e shkuar në emisionin "Piranjat". Kalaja shkruan në rrjetet sociale se rasti në fjalë konfirmoi plotësisht se akuzat e Qendrestarëve të Aleancës për Mbrojtjen e Teatrit ishin të bazuara në fakte dhe prova.

Ajo shton e bashkëshortja e Drejtorit Altin Basha, jo vetëm ka firmosur dy herë në listën e tradhëtarëve për shembjen e Teatrit Kombëtar, por ka zgjedhur t'i rrisë fëmijët duke vjedhur, mashtruar dhe manipuluar, sipas saj, në kurriz të atyre që kanë vendosur të punojnë me punë dhe ndërshmëri.

Kalaja thotë se  në interes të publikut është e detyruar të sqarojë se bashkë me Teatrin, varrosën nën rrënoja gjithë garderobën 80 vjeçare, për të cilën Aleanca ka referuar edhe kallëzim penal në SPAK. Ajo thotë se nisur nga ky investigim, siguron të gjithë Qendrestarët, Miqtë dhe Mbështetësit e Aleancës për Mbrojtjen e Teatrit, se kjo çështje do referohet si kallëzim penal shtesë në SPAK.

POSTIMI:

Kauza e Teatrit, "tërmeti" që po nxjerr "minjtë" nga vrimat.....
Reagim i detyruar:
Sapo ndoqa investigimin e emisionit "Piranjat" te Syri Tv, për korrupsionin dhe vjedhjen nga ana e drejtuesve të Teatrit Kombëtar dhe atij Eksperimental

Duke qenë se e kam ndjekur që në fillim këtë Kauzë, qoftë si protestuese, por qoftë dhe si avokatja e Aleancës për Mbrojtjen e Teatrit,

Së pari, do doja që në emrin tim dhe të Qendrestarëve të Aleancës për Mbrojtjen e Teatrit, të shpreh mirënjohjen më të thellë stafit të këtij emisioni, për një punë të jashtëzakonshme dhe të pakrahasueshme.

Së dyti, dua të theksoj faktin se kjo karegori zvarranikësh të pushtetit, si Altin Basha, që për interesa të tyre korruptive dhe amorale, shitën Kauzën më unike në historinë e Shtetit Shqiptar, konfirmoi plotësisht se akuzat tona ishin të bazuara në fakte dhe prova.

Së treti, bashkëshortja e Drejtorit Basha, ndyrësinë ta shohë te vetja se nuk është vendi ynë i ndyrë por morali që ajo përfaqëson.

Së katërti, kjo bashkëshortja e Drejtorit Basha, jo vetëm ka firmosur dy herë në listën e tradhëtarëve për shembjen e Teatrit Kombëtar, por ka zgjedhur t'i rrisë fëmijët duke vjedhur, mashtruar dhe manipuluar në kurriz të atyre që kanë vendosur të punojnë me punë dhe ndërshmëri.

Së pesti, në interes të publikut jam e detyruar të sqaroj se bashkë me Teatrin, barbarët dhe antishqiptarët, varrosën nën rrënoja gjithë garderobën 80 vjeçare të atij Teatri, për të cilin ne si Aleancë kemi referuar edhe kallëzim penal në SPAK.
Në këto kushte, nisur nga ky investigim, siguroj të gjithë Qendrestarët, Miqtë dhe Mbështetësit e Aleancës për Mbrojtjen e Teatrit, se kjo çështje do referohet si kallëzim penal shtesë në SPAK.

Kemi dhënë prova, se i shkojmë gjërave deri në fund.

Do i'a dalim t'i kthejmë Tiranës, Historinë, Identitetin dhe Trashëgiminë Kulturore që meriton dhe që antishqiptarët i'a morën padrejtësisht dhe përkohësisht.
Deri atëhere,

TEATRI ATY DHE ASHTU SIÇ ISHTE.