Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
• Një shtëpi bari është zbuluar në Shijak. • Mësohet se 'shtëpia e barit' ishte në pronësi të dy vëllezërve të identifikuar si Fredi Krasniqi si dhe Selman Krasniqi. • Nga dy vëllezërit është bërë i mundur arrestimi i Fredi Krasniqit, ndërkohë që Selman është shpallur në kërkim. Në 'shtëpinë e barit' janë sekuestruar 444 bimë kanabisi të kultivuara në vazo, si dhe 222 llampa që shërbenin për rritjen e lëndës narkotike. • Po ashtu është gjetur i fshehur një arsenal armësh, i përbërë nga 10 kallashnikovë, 1 pushkë, 1 automatik shars, granata dore, një hark luftarak, një jelek antiplumb, një palë dylbi dhe municion luftarak. • Dyshohet se kultivimi i bimëve narkotike mund të jetë financuar nga pjesëtarë të grupeve kriminale.
7 artikuj për këtë temë.
SHIJAK- Fotoja e mëposhtme është e Selman Krasniqit, 43-vjeçarit që është shpallur në kërkim ditën e sotme për 'shtëpinë e barit' në Shijak. Krasniqi, i konsideruar si i 'forti i Shijakut' bashkë me vëllanë e tij Fredi, iu gjet shtëpia e barit në vilën e tyre 4 katshe në Shijak.
Ata kishin përshtatur dy katet e fundit të vilës dhe kishi vendosur aty 444 bimë kanabisi si dhe 222 llampa për ndriçim. Po ashtu brenda vilës në një mur të dyfishtë vëllezërve ju gjetën dhe një arsenal armësh.
SHIJAK- 43-vjeçari Selman Krasniqi që është shpallur në kërkim për 'shtëpinë e barit' nuk është emër i padëgjuar për policinë në Shijak. Krasniqi i konsideruar si 'i forti i Shijakut' është arrestuar në vitin 2016 për armëmbajtje paleje.
Ai u arrestua nga forcat FNSH-së dhe Policisë lokale në lokalin që kishte marrë me qira në Shijak për të zhvilluar biznesin e 'lojrave të fatit'. Gjatë aksionit të policisë, Krasniqi u kap me një armë zjarri automatik tip "Scorpion" si dhe 20 fishekë.
"Krasniqi në momentin që Policia po hynte për kontroll në lokalin e marrë me qera prej tij, ka hedhur armën e zjarrit në sheshpushimin e lokalit dhe ka tentuar të largohet me vrap, por është kapur nga FNSH-ja dhe Policia lokale. Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale "Prodhimi dhe mbajtja pa leje e armëve luftarake dhe e municionit”, thuhet në njoftimin e policisë.
SHIJAK- Detaje kanë dalë nga 'shtëpia e barit' në Shijak. Drejtori i Drejtorisë Vendore të Policisë Durrës, Skënder Hitaj tregoi se fillimisht kanë marrë informacionë në rrugë operative për aktivitetin kriminal në këtë banesë. Hitaj u shpreh se hetimet vijojnë për identifikimin dhe kapjen e personave të tjera, të cilët mund të jenë përfshirë në këtë skemë kriminale.
“Në fillim kemi pas informacione në rrugë operative, bashkëpunim me prokurorinë dhe në bashkëpunim me strukturat e tjera të drejtorisë. Kemi bërë veprimet hetimore, që të gjejmë dhe godasin këtë banesë dhe të sekuestrojmë gjërat që u gjetën. Për momentin mund të flasim për këta dy persona pasi kemi prova dhe fakte, ndërsa për personat e tjerë mbeten pjesë e hetimeve dhe patjetër që presim operacione tjera, të cilat do t’ua bëjmë me dije në një moment të dytë”, tha ai.
SHIJAK- Fredi Krasniqi dhe Selman Krasniqi janë dy vëllezërit që kishin kthyer vilën në Shijak në 'shtëpi bari'. Të dy këta kishin në pronësi një vilë 4 katshe në fshatin Sallmone të Shijakut, të cilën në katin e tretë dhe të katërt e kanë përshtatur në ambient për kultivimin e kanabisit.
Po ashtu në në këtë ambient, e cila ishte me mur të dyfishtë u gjet dhe një arsenal armësh i përbërë nga 10 kallashnikovë, 1 pushkë, 1 automatik shars, granata dore, një hark luftarak, një jelek antiplumb, një palë dylbi dhe municion luftarak.
SHIJAK- Pamjet e mëposhtme janë nga 'shtëpia e barit' e zbuluar në Shijak. Vila 4 katshe ndodhej në pronësi të dy vëllezërve, të cilët dy katet e fundit i kishin përshtatur për kultivimin e kanabisit.
Po ashtu në këtë vilë u gjet edhe një arsenal armësh, të cilat dyshohet se janë të grupeve kriminale.
DURRËS- Policia e Shtetit doli ditën e sotme në një konferencë për mediat aty ku ka dhënë detaje për operacionin “Krahët e krimit”, pas zbulimi të shtëpisë së barit në Shijak. Aktiviteti ushtrohej në një banesë 4 katëshe, në fshatin Sallmone e cila është në pronësi të dy vellëzerve. Njëri prej tyre është vënë në pranga ndërsa tjetëri është arrestuar. I gjithë kati i tretë ishte përshtatur për rritjen e bimëve narkotike. Si rezultat, në një ambient me mur të dyfishtë, në këtë banesë, është gjetur i fshehur një arsenal armësh, i përbërë nga 10 kallashnikovë, 1 pushkë, 1 automatik shars, granata dore, një hark luftarak, një jelek antiplumb, një palë dylbi dhe municion luftarak që u sekuestruan në cilësinë e provës materiale.
NJOFTIMI I POLICISË:
Jam sot këtu, me Zv/drejtorin e Policisë së qarkut, për Hetimin e Krimeve dhe me shefin e Komisariatit të Policisë Shijak, për të bërë prezente rezultatet e megaoperacionit policor të koduar “Krahët e krimit”.
Në zbatim të planit të masave, të hartuar nga Policia e Shtetit, me fokus mbajtjen nën kontroll të situatës kriminale, parandalimin, evidentimin dhe goditjen e veprimtarive kriminale të armëmbajtjes pa leje dhe të kultivimit të bimëve narkotike, në ambiente të mbyllura, me anë të llambave dhe në terrene të hapura, strukturat e Drejtorisë Vendore të Policisë Durrës kanë zhvilluar operacione kontrolli, në terren, me qëllim evidentimin dhe goditjen e paligjshmërive.
Në përmbushje të detyrave të përcaktuara në këtë plan masash dhe në vijim të operacioneve të njëpasnjëshme, të zhvilluara më parë, bazuar në inteligjencën informative, se në një ambient (banesë), në fshatin Sallmone, Shijak, dyshohej se kultivoheshin bimë narkotike me anë të llambave dhe se mbahej i fshehur një arsenal armësh, i poseduar nga grupe kriminale, shërbimet e Drejtorisë Vendore të Policisë Durrës, në bashkëpunim me ato të Komisariatit të Policisë Shijak, nën drejtimin e Prokurorisë pranë Gjykatës së Rrethit Gjyqësor Durrës, pas një hetimi me metoda proaktive, kanë organizuar dhe finalizuar megaoperacionin policor të koduar “Krahët e krimit”.
Si rezultat i këtij megaoperacioni, në fshatin Sallmone, u zbulua ambient (banesë 4-katëshe) i dyshuar në pronësi të vëllezërve F. K. dhe S. K.
Shërbimet e Policisë kanë konstatuar se kati i tretë dhe i katërt i kësaj banese, ishin përshtatur për kultivimin e bimëve narkotike, me anë të llambave. Gjatë kontrollit në këto dy kate, u gjetën dhe u sekuestruan 444 bimë narkotike kanabis, 222 llamba elektrike dhe pajisje të tjera që shërbenin për kultivimin e bimëve narkotike.
Gjithashtu, në vijim të megaoperacionit policor të koduar “Krahët e krimit”, bazuar në inteligjencën informative, se në këtë banesë mbahej i fshehur edhe një arsenal armësh, është ushtruar kontroll i imtësishëm në të gjitha ambientet e kësaj banese.
Si rezultat, në një ambient me mur të dyfishtë, në këtë banesë, është gjetur i fshehur një arsenal armësh, i përbërë nga 10 kallashnikovë, 1 pushkë, 1 automatik shars, granata dore, një hark luftarak, një jelek antiplumb, një palë dylbi dhe municion luftarak që u sekuestruan në cilësinë e provës materiale.
Në vijim të veprimeve procedurale për këtë rast, u arrestua në flagrancë shtetasi F. K., 46 vjeç, banues në Sallmone, Shijak, si dhe u shpall në kërkim vëllai i tij, shtetasi S. K., 43 vjeç, shtetas me precedent të mëparshëm kriminal në fushën e armëmbajtes pa leje. Vijon intensivisht puna për kapjen e tij.
Nga hetimet e kryera deri tani, si dhe bazuar në inteligjencën informative, dyshohet se armët e gjetura në këtë ambient (banesë), mund të jenë fshehur nga pjesëtarë të grupeve kriminale.
Armët e sekuestruara do të dërgohen në Institutin e Policisë Shkencore, për të përcaktuar nëse janë përdorur për ngjarje kriminale të ndodhura më parë.
Po nga hetimet, dyshohet se edhe kultivimi i bimëve narkotike mund të jetë financuar nga pjesëtarë të grupeve kriminale.
Strukturat hetimore të Drejtorisë Vendore të Policisë Durrës, në bashkëpunim të ngushtë me Prokurorinë pranë Gjykatës së Rrethit Gjyqsor Durrës, vijojnë veprimet e thelluara hetimore, për të dokumentuar me prova ligjore, autorësinë e vërtetë të pronësisë dhe të posedimit të armëve të zjarrit, si dhe të financimit të kultivimit të bimëve narkotike, me qëllim kapjen dhe nxjerrjen e autorëve përpara përgjegjësisë penale.
Drejtoria Vendore e Policisë Durrës garanton qytetarët se është tërësisht e angazhuar dhe e vendosur për të luftuar me zero tolerancë, krimin e organizuar dhe krimin në përgjithësi, duke bashkëpunuar ngushtë me agjencitë ligjzbatuese dhe me aleatin e saj kryesor, qytetarët.
Në këtë kuadër, Drejtoria Vendore e Policisë Durrës fton qytetarët që të denoncojnë në numrin 112, çdo rast paligjshmërie, si dhe të mbështetin edhe më shumë Policinë në punën e saj, me qëllim që bashkërisht të ndërtojmë një ambient sa më të sigurtë.
SHIJAK- Një 'shtëpi bari' është zbuluar ditën e sotme në Shijak. Mësohet se nga shtëpia e barit është arrestuar një person me iniciale F.K 46 vjeç, si dhe është shpallur në kërkim vëllai i tij.
Bëhet me dije se megaoperacioni i policisë për zbulimin e shtëpisë së barit është quajtur “Krahët e krimit”. Ndërkohë që pritet të zbulohen detaje të reja nga konferenca e policisë së Durrësit.
