Raportimi i Endri Shabanit sjell përplasje në Kuvend, PD: U zgjodh në mënyrë antikushtetuese. PS shtyn projekt-rezolutat në seancën e fundit plenare
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
• Sot në Shkodër është zhvilluar mbledhja e qeverisë ku të pranishëm ishin edhe kryebashkiakët e vendit. • Pas përfundimit të mbledhjes, Rama mbajti fjalën e tij për gazetarët, ku tregoi edhe disa nga temat e diskutuara në mbledhje. • Ai tha se këto tema përbëjnë edhe pikat e referimit për ecurinë e mëtejshme të procesit të anëtarësimit në BE. • Ai theksoi se ka disa problematika të qeverisjes vendore për të cilat u diskutua, teksa përmendi nevojën e rritjes së ritmit dhe përshpejtimit të modernizimit të procesit të qeverisjes në të dyja nivelet si edhe të rritjes së cilësisë së kapitalit njerëzor. • Gjatë komunikimit, Rama i është përgjigjur pyetjeve lidhur me marrëveshjen e deputetëve në parlament për të vijuar normalitetin. • Sipas tij kjo nuk është një negociatë apo marrëveshje por një diskutim mbi të drejtat e palëve. • Ai tha se mazhoranca si ka refuzuar asnjëherë Komisionet Hetimore, por i është referuar Gjykatës Kushtetuese. • A do të ketë zgjedhje në Himarë, pas dënimit të Belerit, ishte një tjetër pyetje që iu drejtua. • Ai u përgjigj duke thënë se pritet vendimi i Apelit, pastaj do të veprohet sipas ligjit. •Ai tha gjithashtu se komentuesit e jashtëm sipas tij duhet të lënë drejtësinë shqiptare të merret me çështjet e brendshme të Shqipërisë. Rama gjithashtu shtoi se Reforma Territoriale do një fazë dhe se Shqipërisë i duhen më pak bashki, por me shumë kualitet në administrim vendor.• Kryeministri lajmëroi se më 30 qershor segmenti Thumanë- Kashar do të jetë i kalueshëm.
5 artikuj për këtë temë.
TIRANË- Kryeministri Edi Rama pas përfundimit të mbledhjes së qeverisë tha për mediat se segmenti rrugor Thumanë-Kashar do të jetë i kalueshëm në datën 30 Qershor të këtij viti.
Gjithashtu ai tha se do të kemi gati një kantier total që do të hapet nga veriu në jug. Ai shtoi se po studiohet edhe rruga që na lidh me Prishtinën duke kaluar nga Shkodra.
"Puna për projektet fillon më para se projektet duken dhe faktikisht ne kemi gati një numër segmentesh që janë mbi dhe nën Thumanë-Kashar që besojmë që në 30 Qershor do të bëhet i kalueshëm dhe për të ju dhënë një shembull të thjeshtë, kini parasysh se projektet e infrastukturës marrin një kohë më të gjatë dhe në vende më të zhvilluara se ne. Kemi pasur nevojë për disa korrektime të natyrë juridike në kontratat. Janë bërë garat, është gjithçka gati dhe do të kemi një kantier total që do të hapet nga veriu në jug. Segmenti i fundit që është në fazë projekti, është segmenti nga Shkodra që lidhet poshtë me të gjithë segmentet e tjera, Milot-Balldren, pastaj vjen Fieri dhe në fund lidhet me Vlorën, e gjithë kjo do të jetë një rrugë e re, do të ketë dy alternativa, me pagesë dhe pa pagesë. Hapja e Thumanë-Kasharit do të lehtësojë shumë këtë sezon. Pastaj do të jetë përfundimi i të gjithë segmentit. Është e vështirë për të kaluar, torturuese për të gjithë ata që e përshkojnë këtë segment. Jam optimist që kantieret do të jenë të hapura dhe presim projektin për të hapur kantierin që shkon deri në Muriqan. Kemi marrë dritën jeshile për financimin e hekurudhës deri në Han të Hotit. Po bëjmë dhe studimin e rrugës që na lidh me Prishtinën duke kaluar nga Shkodra. Jemi në një Shqipëri tjetër përsa i përket gjithë kësaj zone. Ari më i pastër i minierës shqiptare janë malet, kjo do të kërkojë kohën e vet për një mijë e një arsye dhe për këtë arsye po punojmë që edhe infrastrukturën e maleve ta përgatisim, ndërkohë që në Shkodër do të bëjmë shumë punë. Kemi filluar disa projekte të reja.", tha Rama.
TIRANË- Kryeministri Edi Rama u shpreh se Reforma Territoriale do një fazë të dytë, por tha se për t’u bërë kjo duhet konsensus me pakicën.
Ai tha se nëse reduktohet numri i bashkive mund të prodhojë më shumë rezultat në ekonomi. Rama shtoi se Shqipërisë i duhen më pak bashki dhe më shumë kualitet në administrimin vendor.
"Reforma territoriale do më pak bashki, por kjo kërkon konsensus me një pjesë të pakicës por ky është një debat vetëm harxhim kohe. Është e sigurt se nëse bashki të caktuara nëse bashkohen me një tjetër, mund të prodhojnë më shumë ekonomi, rezultat. Për shërbimet janë të qarta sesi do të jetë e ardhmja e tyre. Shqipërisë i duhen më pak bashki dhe më shumë kualitet në administrimin vendor”, tha Rama.
SHKODËR- Kryeministri Edi Rama, pas përfundimit të mbledhjes së qeverisë me kryebashkët e vendit ka zhvilluar një komunikim me gazetarët. Ai u pyet nga gazetarët nëse do të ketë zgjedhje në Himarë, pas dënimit të kryebashkiakut të zgjedhur të Himarë, Fredi Belerit.
Rama u shpreh se pritet vendimi i Apelit, pastaj do të veprohet sipas ligjit. Ai tha gjithashtu se komentuesit e jashtëm sipas tij duhet të lënë drejtësinë shqiptare të merret me çështjet e brendshme të Shqipërisë.
"E dini shumë mire arsyen pse nuk kemi pasur zgjedhje. Do presim vendimin e Apelit, pastaj do veprohet sipas ligjit. Zgjedhjet e reja nuk i shpall kryeministria por presidenca. Do kishte qenë e udhës që drejtësia shqiptare të ishte lënë e qetë për të gjitha çështje e brendshme që i takojnë Shqipërisë. Është drejtësia shqiptare që vendos për qytetarët e Shqipërisë.", tha Rama
TIRANË- Edi Rama Kryeministri Shqipëria ka folur ditën e sotme pas mbledhjes së qeverisë. Rama i është përgjigjur pyetjeve lidhur me marrëveshjen e deputetëve në parlament për të vijuar normalitetin.
Sipas tij kjo nuk është një negociatë apo marrëveshje por një diskutim mbi të drejtat e palëve. Sipas Ramës mazhoranca si ka refuzuar asnjëherë Komisionet Hetimore, por i është refuar Kushtetueses.
Rama: Nuk kemi shkelur asnjë të drejtë për Komisionet Hetimore. Ne kemi refuzuar iniciativa që në emër të Komisioneve Hetimore shkelnin kornizën e Gjykatës Kushtetuese. Kjo është çështje të drejtash, jo marrëveshje dhe negociata. Deputetët, opozitat apo grupet kanë të drejtë të diskutojnë. Ne Partia Socialiste do tja lëmë në tryezë Kuvendit, sepse Komisioni i Reformës Zgjedhore po i mbaron koha. është krej normale që të jemi me kryetarët e bashkive dhe më vjen mirë që ata kanë bërë detyrën e kryetarëve të bashkive.
SHKODËR- Kryeministri i Shqipërisë, Edi Rama ka dhënë një deklaratë për mediat ditën e sotme pas mbledhjes së qeverisë dhe me kryetarët e bashkive. Rama dha detaje për sugjerimet dhe projektet që kanë ndarë së bashku.
Ai tha se është domosdoshmëri rivlerësimi i nivelit të pagave. Ai tregoi se është diskutuar edhe për pasurinë e pyjeve dhe gjithashtu edhe për planet e BE-së
"Kemi domosdoshmërinë e rivlerësimit të nivelit të pagave të bashkive dhe sot bashkitë janë të ndarë ne pesë nivele të bazuar në numrin e banorëve. Ne do të kalojmë në dy nivele dhe do të bëjmë nje rritje të pagave për tu përafruar. Këto që janë më të vogla që nuk fusin dot në punë profesionist për shkak se nuk i paguajnë dot do ketë ndërhyrje. Kemi sfidë për mbledhjen e taksës së pronës, ku disa e nxjerrin një mbledhje të mirë dhe disa se marrin fare. Te mbledhja e taksës së pastrimit kemi një performancë të mirë. Kemi diskutuar për pasurinë e pyjeve dhe na duhet që këtë pasuri ta vendosin në dispozicion të rritjes ekonomike të vendit. Të gjitha ato bashki që kanë pasuri pyjore duhet t'i mbështesim për mbarshtimin. Duhet të thënë që 67 përqind nuk e kanë të plan dhe kjo është alarmante. Kemi folur për planet e BE dhe kemi diskutuar për strukturën përkatës që do t'i ndihmojë që të aplikojnë për projekte. Edhe një qasje të koordinuar me bashkitë për legalizimet e mbetura.", u shpreh Rama.
