Lufta në Ukrainë, Rusia do të stacionojë armë taktike bërthamore në Bjellorusi 26 Mars, 09:39 ...
EMRI/ Të shtënat gjatë natës në Tiranë, banesa e zyrtarit të OSHEE-së, shkak dyshohet konf...
Kurti sot në Tiranë, takohet me Ramën, marrëveshja në Ohër në qendër të bisedimeve 26 Mars, 0...
Si janë ndarë vendet në këshillat bashkiakë? Berisha: PL merr 240 vende, PBDNJ-a 20, ndërsa PDK, 6 vende 25 Mars,...
•Pesë të rinj, nga Bajza e Kastratit, të cilët kishin shkuar në Fushë-Zezë, 20 km në veri të Razmës në Malësi të Madhe për të rrëshqitur me ski, mbetën të bllokuar për shkak të dëborës e cila atje është mbi 1 metër trashësi •Njëri prej tyre, Orlando Gila, nuk u ndje mirë. •Duke qënë në një largësi të madhe nga vendi ku kishin lënë automjetet e tyre, shokët kërkuan ndihmë me telefon. •U desh disa orë që Forcat e Ndëhyrjes së Shpejtë në Shkodër të mbërrinin në vendin ku ishin strehuar të rinjtë, pasi terreni i vështirë nuk lejonte futjen e ambulancës. •Tashmë të 5 miqtë janë mirë nga gjendja shëndetësore, me përjashtim të Gilës, i cili ka shqetësime por pa rrezik për jetën. • FNSH Shkodër, policia e Malësisë së Madhe, shërbimi shëndetësor dhe banorët e zonës ndihmuan që të rinjtë të shpëtoheshin.
3 artikuj për këtë temë.
SHKODËR- Shpëtohen pas disa orësh, 5 të rinjtë që u bllokuan nga dëbora në Fushë të Zezë të Malësisë së Madhe. Forcat e Ndëhyrjes së Shpejtë në Shkodër mbërritën në mes të avarit në vendin ku ishin strehuar të rinjtë. Ata janë mirë nga gjendja shëndetësore, me përjashtim të njërit prej tyre që ka shqetësime por pa rrezik për jetën.
Ai është vënë në barrelë dhe po transportohet nga policia për në Razem, atje ku pret autoambulanca.
5 të rinjtë kishin shkuar në Fushë të Zezë per të rrëshqitur me ski, por temperatura e ulët, në kushtet kur dëbora atje është mbi 1 metër trashësi, e vuri në rrezik jetën e tyre pasi nuk mund ta përballonin kthimin. Operacioni i shpëtimit nisi në drekë nga FNSH Shkodër, policia e Malësisë së Madhe, shërbimi shëndetësor dhe banorët e zonës.
SHKODËR- Dosja.al ka siguruar fotot nga aksioni i Forcave të Ndërhyrjes së Shpejtë, i nisur për të shpëtuar të rinjtë e bllokuar. Atyre u duhet të udhetojnë nga Razma 20 kilometra në këmbë. Forcat e policisë së ndërhyrjes së shpejtë të Shkodrës dhe shërbimet e komisariatit të policisë së Malësisë së Madhe, prej 2 orësh kanë nisur një operacion shpëtimi ne Fushë të Zezë, 20 km në veri të Razmës së Malesisë së Madhe.
Në këtë zonë kanë mbetur të bllokuar në borë 5 të rinj nga Bajza e Kastratit, të cilët kishin shkuar për të rrëshqitur me ski.
Njëri prej të rinjve ka shqetësime shëndetësore, por pa rrezik për jetën, ndërsa të tjerët janë në gjendje të mirë. Të rinjtë janë strehuar në një stan veror, deri sa të mbërrijnë grupet e gatshme të policisë.
SHKODËR- Udhëtimi me shoqërinë nuk shkoi siç ishte planifikuar. Një grup prej 5 të rinjsh kanë mbetur të bllokuar në Malësinë e Madhe, në fshatin Fushë Zezë 20 km mbi Razëm. Njëri nga djemtë, Orlando Gila, nuk është ndjerë mirë në një largësi të madhe nga vendi ku kishin lënë automjetet e tyre. Miqtë kërkuan ndihmë për shokun i cili u sëmur. Me të marrë telefonatën, drejt Fushës së Zezë janë nisur ambulanca dhe dy grupe të forcave speciale FNSH.
Grupi ambulancës është nisur drejt vendit te ngjarjes por duhen te paktën dy orë në këmbë për të mbërritur tek te rinjtë. Ekspertet e shëndetësisë dhe policisë u kane sugjeruar te rinjve të strehohen përkohësisht në një stan që përdoret gjate verës për bagëtitë deri në mbërritjen e ndihmës.
“Nga komunikimi me vendin ku ndodhet i sëmuri rezulton se gjendja e tij është në përmirësim. Me grupet e gatshme të forcave të ndërhyrjes së shpejtë është dërguar edhe një infermier për t’i dhënë ndihmën e shpejtë në rast nevoje”, sqarojnë autoritet.
