Sherr mes disa personave në Vlorë/ Humb jetën njëri prej tyre, i lënduar edhe djali i viktimës, autorët në kërkim (EMRI)

foo ilustruese

VLORË- Policia ka dalë me një njoftim zyratr lidhur me sherrin e ndodhur në Vlorë, ku humbi jetën 63-vjeçari Ismail Aliaj. Blutë sqarojnë se kanë identifikuar dy autorët dhe po punohet për kapjen e tyre. 

Sipas njoftimit të policisë, Aliaj është goditur me grushte në vendin e quajtur “Rruga e Çipave” dhe si pasojë e dëmtimeve, 63-vjeçari ka humbur ndjenjat dhe është transportuar në Spitalin Rajonal Vlorë, ku më pas ka ndërruar jetë.

Ndërkohë, Grupi hetimor ndodhet në vendngjarje dhe po punon intensivisht për sqarimin e plotë të rrethanave të ngjarjes.

Njoftimi i Policisë: 

Sot, rreth orës 15:00, në vendin e quajtur “Rruga e Çipave”, dyshohet se pas një konflikti të çastit për motive të dobëta, shtetasi B. A., 63 vjeç, është goditur me grushte nga dy shtetas, tashmë të identifikuar nga shërbimet e Policisë dhe vijon puna për kapjen e tyre.

Si pasojë e dëmtimeve, shtetasi B. A, ka humbur ndjenjat dhe është transportuar në Spitalin Rajonal Vlorë, ku më pas ka ndërruar jetë. Grupi hetimor ndodhet në vendngjarje dhe po punon intensivisht për sqarimin e plotë të rrethanave të ngjarjes./Dosja.al

VLORË- Një sherr ka ndodhur pak më parë në zonën e njohur si lagja Pavarësia, ku tre persona janë përfshirë në një përplasje fizike. Bëhet me dije se, pas një konflikti mes disa personave, 63-vjeçari, i identifikuar si Ismail Aliaj ka ndërruar jetë në ambientet e Spitalit të Vlorës.

Mësohet se Aliaj ka marrë goditje në pjesën e fytyrës dhe të grykës, plagë të cilat kanë rezultuar fatale. Nga sherri ka mbetur i lënduar edhe djali i viktimës, i cili ndodhet jashtë rrezikut për jetën.

Sipas informacioneve të deritanishme, autori është larguar nga vendi i ngjarjes menjëherë pas incidentit, duke u drejtuar në drejtim të autostradës. Sakaq, Policia e Vlorës është vënë në ndjekje të autorëve, ndërsa vijojnë hetimet për zbardhjen e plotë të ngjarjes/Dosja.al