Sherr me thika në Shkodër/ Plagoset një 42-vjeçar, vihet në pranga autori (EMRAT)

pamje nga vendngjarja

SHKODËR- Policia ka dalë në një njoftim zyrtar lidhur me plagosjen në Shkodër. Bëhet me dije se Bledar Bylybashi  28 vjeç ka goditur me thikë Brigel Bizi 42 vjeç. Sipas policisë konflikti ka ndodhur për motive të dobëta. Ndërkohë autori Bledar Bylybashi është vënë në pranga dhe i plagosuri Brigel Bizi ndodhet në kujdesin e mjekëve.

Njoftimi i Policisë:

Dëmtoi me sende të forta një 42 vjeçar gjatë një konflikti për motive të dobëta, kapet dhe shoqërohet në Komisariat autori i dyshuar.

Falë reagimit të menjëhershëm të shërbimeve të Policisë, u bë kapja dhe shoqërimi në ambientet e Komisariatit për veprime të mëtejshme i shtetasit Bledar Bylybashi 28 vjeç, autori i dyshuar të ngjarjes.

Shtetasi Brigel Bizi 42 vjeç, ndodhet në kujdesin e mjekëve, ndërsa grupi hetimor, nën drejtimin e Prokurorisë, vijon punën për dokumentimin e plotë të rrethanave të ngjarjes.

foto ilustruese

SHKODËR- Detaje të reja janë zbardhur lidhur me plagosjen në Shkodër. Bëhet me dije se dy persona janë konfliktuar me njëri-tjetrin dhe pas një përplasjeje fizike autori ka goditur me thikë një person, i cili më pas është dërguar në spital për ndihmë mjekësore.

Policia ndërkohë ka shoqëruar autorin në komisariat, ndërsa policia po punon për sqarimin e plotë të rrethanave të kësaj ngjarje.

foto ilustruese

SHKODËR- Një plagosje me thikë ka ndodhur pasditen e sotme në Shkodër, pranë ish-degës së Brendshme. Mësohet se një person rreth moshës 40-45 vjeç është goditur me mjet të ftohtë.

Më pas i plagosuri është transportuar menjëherë në spital për ndihmë mjekësore, ndërkohë gjendja e tij shëndetësore nuk dihet ende. Sakaq, policia ndodhet në vendin e ngjarjes dhe ka nisur hetimet për zbardhjen  e plotë të kësaj ngjarjes.