Sërish vrasje në Vushtrri të Kosovës! Pronari i furrës së bukës ekzekuton punonjësen, më pas qëllon edhe veten (EMRI)

Foto ilustruese

KOSOVË -  Detaje të reja kanë dalë në deitë në lidhje me ngjarjen e rëndë që u regjistrua këtë pasdite në Vushtroi të Kosovës, ku pronari i një furre buke vrau me armë zjarri punonjësen dhe më pas veten. 

Shkak i vrasjes, sipas raportimeve paraprake dyshohet se ka qenë xhelozia e pronarit, pasi viktima 40 vjeçe kishte lënë punën te furra dhe kishte nisur të punonte diku tjetër, sipas të afërmit të viktimës.

Sakaq vëllai i pronarit të furrës së bukës që vrau veten është shprehur për mediat vendase se punëtorja ishte një grua shembullore, ndërsa shton se rrethanat e ngjarjes së rëndë ende nuk i dinë.

 “Nuk ka pasur ndonjë lidhje familjare. Ka qenë grua shembullore. Para një kohe kanë qenë punëtore e këtyre me gjithë bashkëshortin por rrethanat se si kanë ardhë deri te vrasja nuk i dijmë as ne si familje. Kërkojmë mirëkuptimin e juaj që familjarët të mos shqetësohen. Gruaja ka qenë rreth të 40-ave, probleme nuk ka pasë…Dhashtë Zoti të jetë viktima e fundit. Sipas një informate xhelozia se përse ke shku te një tjetër vend me punue dhe jo te unë”, ka thënë Rrahim Ajeti, familjar i viktimës.

pamje nga vendi i ngjarjes

KOSOVË- Një ngjarje e rëndë ka ndodhur ka ndodhur pasditen e sotme në fshatin Stanovc të Komunës së Vushtrrisë, ku dy persona kanë mbetur të vdekur pas të shtënave me armë zjarri. Sipas informacioneve të para, pronari i një furre buke ekzekutuar një punonjëse dhe më pas ka vrarë edhe veten.

Policia dhe prokuroria kanë dalë menjëherë në vendin e ngjarjes për të hetuar rrethanat e plota të rastit. Lajmin e ka konfirmuar zëdhënësi i Prokurorisë Themelore në Mitrovicë, Valon Preteni, i cili tha se po hetohen shkaqet e plota të ngjarjes. 

“Konfirmojmë se janë dy viktima nga të shtënat me armë zjarri. Sipas informacioneve të para, një person ka privuar nga jeta një grua dhe më pas ka kryer vetëvrasje. Prokurori dhe njësitet përkatëse të policisë janë në vendin e ngjarjes”, ka deklaruar Preteni.

Pamjet nga vendi i ngjarjes tregojnë një numër të madh të forcave të policisë që kanë rrethuar zonën, ndërsa banorët e shqetësuar janë mbledhur përreth, të tronditur nga ajo që ka ndodhur. Një autoambulancë është parë në vendngjarje, por fatkeqësisht mjekët vetëm kanë konstatuar vdekjen e dy personave.

Siç raportohet, ngjarja ka ndodhur brenda furrës. Megjithatë, policia ende nuk kanë dhënë ende detaje zyrtare mbi motivin e kësaj tragjedie. Kjo është vrasja e dytë që trondit Vushtrrinë brenda 24 orëve, pasi vetëm një ditë më parë një 19-vjeçar u vra në rrethana të tjera.

pamje nga vendi ngjarjes

KOSOVË- Detaje të reja janë raportuar nga vrajsa në Komunën e Vushtrisë ku dy persona humbën jetën. Bëhet e ditur se pronari i furrës së bukës “Diellza” ka vrarë punëtoren e tij dhe më pas ka kryer vetëvrasje. Autori është identifikuar si shtetasi Arsim Morina.

Sipas raportimeve të para, Morina ka qëlluar me armë një grua, që dyshohet se ishte punëtorja e furrës së tij të bukës dhe më pas ka qëlluar veten.

Sakaq, ende nuk dihen arsyet se përse pronari i furrës së bukës vendosi të ndërmerrte këtë akt të rëndë, që e çoi bilancin e viktimave në Kosovë në tre persona brenda 24 orësh.

pamje nga vendngjarja

KOSOVË- Të shtëna me me armë zjarri ka ndodhur në Komunën e Vushtrisë. Si pasojë e të shtënave raportohet se dy persona kanë humbur jetën. Ngjarja është konfirmuar nga zëdhënësi i Prokurorisë Themelore në Mitrovicë, Valon Preteni.

Gjithashtu një ditë më parë një vrasje e rëndë tronditi qytetin e Vushtrisë ku mbeti i vrarë një 19 vjeçar. Policia dhe grupi hetimor kanë rrethuar zonën dhe  po punojnë për sqarimin e rrethanave