Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
•Rjedhje gazi në çisternat e fabrikës së gazit 'Gaz Poëer' në Porto Romano. •Shpërthimi i fortë ka tronditur banorët e zonës, të cilët janë evakuuar menjëherë. •Për shkaqe sigurie, është ndërpreë edhe mësimi në shkollën 'Met Hasa' e cila ndodhet pranë fabrikës. •Banorët e zonës janë shprehur për mediat se kjo nuk është hera e parë që ndihen të kërcënuar nga shpërthime të tilla. Ata janë ankuar mirëpo nuk është marrë asnjë masë. •Policia ndodhet në vendin e ngjarjes, ku pritet të zbulohet edhe arsyeja që ka çuar në rrjedhjen e gazit nga këto cisterna. •Kjo nuk është hera e parë, që qytetarët ndihen të rrezikuar nga fabrika Gazpower, ku prodhohen bombola gazi të të gjitha madhësive. •Pak kohë më parë, shumë banorë në atë zonë i braktisën shtëpitë, pasi ndiheshin të rrezikuar nga shpërthimet e njëpasnjëshme.
7 artikuj për këtë temë.
DURRËS- Një nga nxënësit e shkollës pranë fabrikës së 'Gaz poëer' në Porto Romano ka treguar se iu kërkua nga drejtori i shkollës që të largoheshin me vrap nga shkolla. Për mediat ai tha se procesi mësimor u ndërpre për shkak të rrezikut për shpërthim, pas rrjedhjes së gazit në një cisternë në fabrikën e cila është vetëm 30 metra larg.
“Ishim në orën e katërt mësimore. Erdhi një presor dhe tha dilni jashtë vajza dhe djema sepse po shpërthen gazi. Drejtori na tha merrni çanta dhe ikni me vrap, dhe ne kemi marrë çantat dhe kemi ikur se jemi trembur shumë”, tha nxënësi i shkollës.
Situata e krijuar këtë mesditë shkaktoi panik në Durrës. Në shkollën 9-vjeçare “Met Hasa” ndërprenë mësimin dhe banorët u evakuuan nga zona. Inspektoriati Shtetëror Teknik Industrial tha se dyshohet se rrjedhja e gazit është shkaktuar për shkak të problemeve me valvulat që ka pasur boti furnizues. Inspektoriati shton se nuk ka probleme me depozitat e instaluara.
TIRANË- Një nga banorët e Porto Romanos ka treguar se si e ka marrë djalin e tij nga spitali, disa orë pasi e kishte dërguar në shkollë. Kjo për shkak të rrjedhjes së gazit nga cisternat e ‘Gas Power’, që rrezikoi jetën e qytetarëve të zonës. Ai thotë se djalin e dërgoi në mëngjes në shkollë dhe e mori në spital, pasi pati probleme me frymëmarrjen pas rrjedhje së gazit.
“Isha në punë. Më marrin në telefon nga shkolla, më thanë hajde se i është. Sa vij nga puna, e gjej çunin te spitali, tani sa dola. Por kështu është për natë, nuk është vetëm sot. Çdo natë ka rrjedhje, nga ora 7 deri në 9 të darkës. Nuk e di çfarë bëjmë, por era mbyt,”- tha burri.
Situata e krijuar këtë mesditë shkaktoi panik në Durrës. Në shkollën 9-vjeçare “Met Hasa” ndërprenë mësimin dhe banorët u evakuuan nga zona. Inspektoriati Shtetëror Teknik Industrial tha se dyshohet se rrjedhja e gazit është shkaktuar për shkak të problemeve me valvulat që ka pasur boti furnizues. Ispektoriati shton se nuk ka probleme me depozitat e instaluara.
DURRËS- Inspektoriati Shtetëror Teknik Industrial ka reaguar pas shpërthimit të çisternave që ndodhën ditën e sotme në fabrikën 'Gaz Power' në Durrës. Ata shprehen se nuk ka probleme me depozitat e instaluara.
Dyshohet se rrjedhja e gazit është shkaktuar për shkak të botit furnizues nga problemet me valvulat. Banorët e zonës, u evakuuan menjëherë nga zona, nga frika për jetën. Ata janë shprehur për mediat se janë ankuar për erën e gazit që kanë muaj që e nuhasin në zonë, mirëpo institucionet nuk kanë marrë masa.
DURRËS- Një prej banorëve në Porto Romano ka treguar se mori vesh për rrjedhjen e gazit në fabrikën 'Gaz Poëer' nga mësuesit e shkollës. Ai u shpreh se u telefonua për të marrë fëmijën, pas shpërthimit të gazit. Ky banor, pranoi se në zonë vjen prej disa muajs era gaz, mirëpo asnjë institucion nuk po merr masa.
'Fabrika është 300 metra larg banesës time dhe as 30 metra nga shkolla. Ne ishim në punë, më merr në telefon mësuesja më thotë eja merr sa më shpejt fëmijën se ka rrjedhje gazi afër shkollës. I morëm fëmijët, një pjesë dhe mësuesit i kanë përcjellë nëpër banesa. Nuk është hera e parë, këtu ka 3 muaj që vjen era e gazit. '- u shpreh ai.
DURRËS- Një prej banorëve të zonës në Porto Romano ka treguar për mediat se shpërthimi i ditës së sotme nuk ishte i vetmi. Ai ka deklaruar se është hera e dytë që po ndodh e se askush nuk ka marrë asnjë masë. Po ashtu, ky banor shtoi se nëse do të kishte pasur një shkëndijë elektrike, do të kishte ndodhur katastrofë e madhe.
'Një frikë e madhe, ne e paramendojmë se është hera e dytë kjo që po ndodh, u bë problem para dy tre muajsh, nuk u mrr asnjë masë. Këtu është sikur natën ose ditën më e rrezikshme ditën kur ka kalamaj këtu të kishte pasur një shkëndijë këtu te ambulanca apo shkolla këtu do ishte bërë katastrofë e paparë. Kjo është bërë problem që herën e parë por asnjë masë nuk u mor. Ka dy javë që kjo zonë është përfshirë nga era e gazit. Kjo është si minë me sahat, nuk dihet kur do plasi”, u shpreh një banor i zonës për Euronews.
Shpërthimi në fabrikën 'Gas Power' ndodhi ditën e sotme në zonën e Porto Romanos. Dyshohet se shpërthimi ka nisur nga rrjedhja e gazit në çisterna.
DURRËS- Mësimi në shkollën 'Met Hasa' është ndërprerë. Shkak është bërë paniku që i ka mbërthyer banorët pas shpërthimit që ndodhi në fabrikën 'Gas Power'. Dosja.al raporton se pranë fabrikës së gazit kishte rrjedhje në çisterna.
Banorët janë frikësuar edhe më parë për shpërthimet që vijnë nga fabrika Gaspower. Policia ndodhet në vendin e ngjarjes, ku pritet të zbulohet edhe arsyeja që ka çuar në rrjedhjen e gazit nga këto cisterna.
DURRËS- Banorët e zonës së Porto Romanos janë tmerruar nga një shpërthim i fortë që ka ndodhur në çisternat e fabrikës 'Gas Power'. Shpërthimi ka ndodhur shumë pranë banesave, duke lënë nën panik banorët, që tashmë janë evakuuar. Në vendngjarje nuk kanë mbërritur ende forcat zjarrfikëse edhe pse janë njoftuar nga banorët.
Për shkak të frikës, është ndërprerë mësimi në shkollën pranë zonës, 'Met Hasa'.
Dosja.al siguron video nga vendi i ngjarjes, aty ku shihet se del dhe tym i bardhë. Zona është e mbuluar nga një aromë e rëndë e cila e bën të pamundur që banorët të vijojnë qëndrimin aty pranë.
Kjo nuk është hera e parë, që qytetarët ndihen të rrezikuar nga fabrika Gazpower, ku prodhohen bombola gazi të të gjitha madhësive. Pak kohë më parë, shumë banorë në atë zonë i braktisën shtëpitë, pasi ndiheshin të rrezikuar nga shpërthimet e njëpasnjëshme.
