Riorganizim i administratës amerikane/ Trump cakton Waltz si ambasador të SHBA-së në OKB, emëron Rubion këshilltar të sigurisë kombëtare

donald trump, mike waltz

SHBA- Këshilltari në largim për sigurinë kombëtare, Mike Waltz, tha se ndihet i nderuar që do të vazhdojë t’i shërbejë Presidentit Donald Trump. Ky i fundit njoftoi sot se ka caktuar Waltz për të shërbyer si ambasador i SHBA-së në Kombet e Bashkuara.

“Jam thellësisht i nderuar që të vazhdoj shërbimin tim ndaj Presidentit Trump dhe kombit tonë të madh”, shkroi Waltz në "X", ku kishte ripostuar deklaraten e Trump. 

CNN shkruan se presidenti Donald Trump e informoi që në mëngjes këshilltarin e tij të sigurisë kombëtare në largim, Waltz, se po e shkarkonte nga roli i tij dhe po e emëronte atë si ambasador të SHBA-së në Kombet e Bashkuara këtë mëngjes. Kështu ka deklaruar një zyrtar i Shtëpisë së Bardhë. Disa orë më vonë, Trump bëri publik venndimin përmes një postimi në Truth Social, si dhe njoftoi se Sekretari i Shtetit Marco Rubio do të shërbente përkohësisht në rolin e këshilltarit të sigurisë kombëtare.

rubio, waltz

SHBA- Presidenti amerikan Donald Trump ka njoftuar se do të caktojë Mike Waltz për të shërbyer si ambasador në OKB, duke e larguar nga roli i tij si këshilltar për sigurinë kombëtare. Marco Rubio do të jetë ai që tani do të shërbejë njëkohësisht si sekretar i Shtetit dhe këshilltar i sigurisë kombëtare.

“Mike Waltz ka punuar shumë për të vënë interesat e kombit tonë në vend të parë. E di që ai do të bëjë të njëjtën gjë në rolin e tij të ri”, shkroi Trump në Truth Social. “Ndërkohë, Sekretari i Shtetit Marco Rubio do të shërbejë si Këshilltar i Sigurisë Kombëtare, ndërsa do të vazhdojë udhëheqjen e tij të fortë në Departamentin e Shtetit.”

Më herët gjatë ditës së sotme, CNN raportoi se Waltz pritej të largohej nga posti i tij si këshilltar i sigurisë kombëtare në ditët në vijim, sipas burimeve, riorganizimi i parë i madh i stafit që kur presidenti mori detyrën në janar.

Waltz kishte qenë në terren të pasigurt, pasi kishte humbur pjesën më të madhe të ndikimit të tij në Krahun Perëndimor, kur aksidentalisht shtoi një gazetar në një bisedë grupi në aplikacioni "Signal", ku po flitej në lidhje me sulme ushtarake shumë të ndjeshme.

Alex Wong, zëvendëskëshilltari i sigurisë kombëtare, dhe këshilltarë të tjerë të sigurisë kombëtare pritet gjithashtu të largohen, sipas burimeve të shumta të njohura me bisedat, megjithëse koha është e paqartë. Nuk është hera e parë që Rubios i kërkohet papritur të mbushë një vend të lirë në administratën e Trump. Në shkurt, Trump shkarkoi Arkivisten Kombëtare Colleen Shogan, duke emëruar më vonë Rubion për të mbushur këtë rol.

Po atë muaj, Trump emëroi Rubion si administrator në detyrë të Agjencisë së Shteteve të Bashkuara për Zhvillim Ndërkombëtar (USAID, një agjenci që ai po planifikon ta mbyllë si pjesë e përpjekjeve të administratës për të ulur shpenzimet. Henry Kissinger më parë shërbeu njëkohësisht si sekretar i Shtetit dhe këshilltar i sigurisë kombëtare nën presidentin e atëhershëm Richard Nixon.

tim walz

SHBA- Guvernatori i Minesotës dhe ish-kandidati demokrat për zëvendëspresident, Tim Walz, ka reaguar mbi largimin nga detyra të këshilltarit të sigurisë kombëtare, Mike Waltz. Ai reagoi menjëherë përmes një postimi në "X": "Mike Waltz është larguar nga biseda."

Të dy kanë një histori të gjatë pasi Waltz gjatë fushatës zgjedhore akuzoi guvernatorin se kishte ekzagjeruar dhe kishte gënjyer për karrierën e tij në Gardën Kombëtare.

Partia Demokratike në "X" gjithashtu nuk mundi t’i rezistonte ironive mbi largimin e Waltz, duke postuar një imazh të një bisede në grup ku shkruhej “Donald J. Trump largoi Michael Waltz” dhe një imazh tjetër ku shkruhej “Michael Waltz u përjashtua”.

Ndërsa rrethanat e largimit të tij janë të paqarta, Waltz mori përgjegjësinë e plotë për skandalin me bisedën e grupit të zyrtarëve të lartë amerikan në Signal, e cila dyshohet se është dhe arsyeja e dorëheqjes. Zëvendësi i tij, Alex Wong, gjithashtu do të largohet nga posti i tij, raportuan mediat e huaja. 

Skandali i "Signal" shpërtheu kur redaktori i The Atlantic, Jeffrey Goldberg, u shtua në një bisedë në Signal me zyrtarë të lartë të administratës Trump, ku sekretari i mbrojtjes Pete Hegseth ndau detaje rreth sulmeve amerikane në Jemen. 

mike waltz

SHBA- Mediat amerikane njoftuar këshilltari i sigurisë kombëtare në SHBA, Mike Waltz ka hequr dorë nga posti që mban.  Ndonëse ende nuk ka ndonjë konfirmim zyrtar për largimin e Waltz nga detyra, kjo nuk i ka ndaluar spekulimet për zëvendësimin e tij në atë rol vendimtar. Zakonisht, kjo detyrë u takon individëve me përvojë në ushtri, siguri kombëtare ose diplomatike. Por Trump është i njohur për vendime të pazakonta punësimi, shkruan BBC.

Raportet e mediave amerikane sugjerojnë Steve Witkoff, zhvilluesin e pasurive të paluajtshme dhe aleatin e Trump, i cili aktualisht është i Dërguari Special i SHBA-së në Lindjen e Mesme, si një zëvendësim të mundshëm. Edhe pse më parë nuk kishte përvojë diplomatike, Trump e emëroi atë për të negociuar një marrëveshje armëpushimi midis Izraelit dhe Hamasit dhe e dërgoi në Rusi për të shërbyer si i dërguari i tij personal te Vladimir Putin.

Një tjetër emër që qarkullon është edhe një nga të dërguarit specialë të Trump, Richard Grenell, i cili ka një karrierë më të gjatë diplomatike. Në mandatin e parë të Trump, ai shërbeu si ambasador i SHBA-së në Gjermani dhe më vonë si drejtor në detyrë i inteligjencës kombëtare, një rol i profilit të lartë në sigurinë kombëtare. Këtë herë, Trump e ka dërguar atë për të negociuar me Venezuelën mbi kthimin e migrantëve që erdhën në Amerikë dhe kthimin e qytetarëve amerikanë të mbajtur në vend.

mike waltz

SHBA- Këshilltari i Sigurisë Kombëtare në SHBA, Mike Waltz, do të largohet nga posti që mban. Ndërsa rrethanat e largimit të tij janë të paqarta, Waltz mori përgjegjësinë e plotë për skandalin me bisedën e grupit të zyrtarëve të lartë amerikan në Signal.  Zëvendësi i tij, Alex Wong, gjithashtu do të largohet nga posti i tij, shkruajnë mediat e huaja. Redaktori i The Atlantic, Jeffrey Goldberg, u shtua në një bisedë në Signal me zyrtarë të lartë të administratës Trump, ku sekretari i mbrojtjes Pete Hegseth ndau detaje rreth sulmeve amerikane në Jemen. 

Waltz është anëtari i parë i rëndësishëm i administratës që largohet gjatë mandatit të dytë të presidentit amerikan Donald Trump. Ai ishte ndër emërimet e para të Trump pas zgjedhjes së tij. Përpara detyrës në Shtëpinë e Bardhë, Waltz ishte kongresmen nga distrikti i gjashtë kongresional i Floridës nga viti 2019 deri sa dha dorëheqjen në janar për të marrë përsipër detyrën e re me Trump. Në Kongres, ai shërbeu në komitetet e Inteligjencës, Shërbimeve të Armatosura dhe Punëve të Jashtme. Ai më parë ishte oficer në Ushtrinë dhe Gardën Kombëtare të SHBA-së, duke u pensionuar pas 27 vitesh me gradën kolonel.

Skandali në aplikacionin "Signal"

Në fund të marsit, kryeredaktori i revistës Atlantic, Jeffrey Goldberg, raportoi se ishte shtuar aksidentalisht në një bisedë në Signal nga një përdorues me emrin Mike Waltz. Në këtë bisedë ishin pjesë edhe zyrtarë të lartë të administratës, të identifikuar si Zëvendëspresidenti JD Vance dhe Sekretari i Mbrojtjes Pete Hegseth.

Goldberg thotë se pa plane ushtarake të klasifikuara për sulme ajrore amerikane në Jemen, duke përfshirë paketa me armë, objektiva dhe kohëzgjatje, dy orë para se të bien bombat. Fillimisht, Waltz tha se nuk e dinte se si Goldberg u përfshi në bisedë, por mori “përgjegjësinë e plotë” në një intervistë me Fox News, pasi tha se ai ishte personi që “e krijoi grupin”.

Burimet i BBC-së dhe mediave të tjera se Waltz ishte përpjekur të shtonte një zëdhënës të lartë në bisedën e Signal kur pa dashje shtoi Goldberg në vend të tij. Ata thanë se hetuesit zbuluan se numri i Goldberg ishte ruajtur aksidentalisht në telefonin e Waltz si një kontakt alternativ për zëdhënësin e sigurisë kombëtare, Brian Hughes. Presidenti Trump në fund tha se do ta “shqyrtonte” çështjen.