Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
• Reshjet e shiut dhe erërat e forta në vend kanë sjellë problemet e para në qytete të ndryshme. • Shiu i favorizuar edhe nga erërat e forta kanë shkaktuar problematika me energjinë elektrike gjatë natës në disa njësi administrative të Bulqizës. • Më tej raportohet se ka rrëshqitje gurësh dhe inertesh në fshatin Krajk. • Probleme nga reshjet e shiut janë regjistruar edhe në Pukë. • Që prej mbrëmjes së djeshme banorët e disa zonave raportohet se janë pa energji. • Mësohet se probleme janë regjistruar edhe te spitali i Pukës. • Raportohet se era ka shkëputur nga çatia mbulojën metalike duke nxjerr jashtë funksioni dy pavione, patologjinë dhe pediatrinë. • Po ashtu probleme ka edhe në akset rrugore që përshkojnë zonën. • Reshjet e shiut kanë lënë pa drita edhe qytetin e Shkodrës ndërsa raportohet se janë dëmtuar edhe disa pallate. • Në Durrës gjatë orëve të natës ka patur prezencë të erës me shpejtësi 15-20m/s dhe dallgë, lartësia e te cilave ka arritur deri në 2m. • Burime nga autoritetet detare, bëjnë me dije se situata e krijuar në gjirin e Durrësit nuk ka ndikuar në nisjen apo mbërritjen e trageteve nga të dyja anët e Adriatikut.
7 artikuj për këtë temë.
DIBËR- Moti i keq ka përfshirë edhe qarkun e Dibrës. Reshjet e shiut dhe erërat e forta kanë krijuar probleme edhë në Dibër ndërsa raportohet se ka rrëshqitje gurësh. Sipas raportimeve gurë të mëdhenj kanë rënë në rrugën nacionale Skuraj-Burrel. Gjithashtu mësohet se përshkak të rrëshqitjeve të gurëvë është bllokuar qarkullimi në segmentin e Shkopetit.
Probleme me qarkullimin e automjeteve pati edhe në rrugën e Arbrit, në bypassin e Murrizit dhe në segmentin e fshatit Plan i Bardhë të Klosit. Gjithashtu përshkak të erës janë thyer dëgë pemësh të cila kanë rënë në rrugë dhe kanë bllokuar qarkullimin. Pas ndërhyrjes dhe heqjes së pemëve dhe gurëve nga rruga është normalizuar qarkullimi.
LEZHË- Moti i keq ka sjellë probleme në disa qytete të vendit. Në qytetin e Lezhës mësohet se që prej pasdites së djeshme Porti i Shëngjinit ka pezulluar lundrimin detar për anijet vogla dhe ata të peshkimit. Për shkak të reshjeve të shut dhe erës së fortë deti është i trazuar dhe me dallgë dhe për të parandaluar ndonjë tragjedi është pezulluar lundrimi.
Më tëj bëhet me dijese se mjetet lundruese janë ankoruar në port dhe nuk do të lejohet lundrimi deri mesditën e së shtunës. Në lidhje me parashikimin e keq të motit ka reaguar edhe Bashkia e Lezhës. Përmes një postimi në "Facebook" Bashkia shkruan se nga reshjet e shiut mund të ketë rrezik për përmbytje në disa zona. Më tej në njoftim kanë bërë thirrje që qytetarët të kenë kujdes gjatë lëvizjes dhe të raportojnë çdo problematikë pranë shërbimeve përkatëse.
“Bashkia Lezhë ju informon se gjatë ditës së sotme dhe nesër priten reshje shiu me intensitet mesatar deri në të lartë, të cilat mund të shoqërohen me rrezik përmbytjesh në disa zona. Strukturat e Bashkisë Lezhë janë në terren për të monitoruar situatën dhe për të ndërhyrë aty ku është e nevojshme.
Qytetarët këshillohen: Të tregojnë kujdes gjatë lëvizjeve. Të raportojnë çdo problematikë pranë shërbimeve përkatëse”, thuhet në njoftimin e Bashkisë Lezhë.
THETH- Reshjet e borës kanë zbardhur akset Bogë-Theth dhe në Hani i Hotit-Tamarë. Autoriteti Rrugor Shqiptar, ARRSH përmes një postimi në "Facebook" ka ndarë pamje ndërsa thekson se grupet e punës me mjetet borëpastruese janë në terren për ta mbajtur hapur akset për qarkullim.
ARRSH bën me dije se qarkullimi vijon normalisht në të gjitha akset. Më tej në reagim ka bërë thirrje që drejtuesit e mjeteve të kenë kujdes të shtuar gjatë drejtimit të mjetit për shkak të lagështisë në rrugë.
Postim i plotë i ARRSH:
Gjatë natës dhe në orët e para të mëngjesit ka pasur reshje shiu me intensitet mesatar shoqëruar me erë të fortë në zonën veriore duke sjellë rënie gurësh e inertesh të cilat janë pastruar menjëherë. Në Bogë-Theth dhe në Hani i Hotit-Tamarë në lartësinë mbi 1200m ka pasur reshje dëbore. Grupet e punës me mjetet borëpastruese janë në terren dhe bërë pastrimin e rrugës.
Qarkullimi vijon normalisht në të gjitha akset. Drejtuesit e mjeteve të kenë kujdes të shtuar gjatë drejtimit të mjetit për shkak të lagështisë në rrugë.
SHKODËR- Kushtet e këqija atmosferike kanë sjellë probleme edhe në qarkun e Shkodrës. Gjatë mbrëmjes ka pasur erëra të fuqishme, ndërsa ka probleme edhe me energjinë elektrike.
Gjithashtu raportohet se si pasojë e motit të keq janë dëmtuar disa pallate në Fushë Arrëz dhe është rrezikuar një banesë nga shkëputja e një masivi shkëmbor. Si pasojë e reshjeve të shiut ka pasur rrëshqitje dherash në disa akse rrugore.
DURRËS- Prej mbrëmjes së djeshme, moti i keq ka përfshirë vendin. Në Durrës gjatë orëve të natës ka patur prezencë të erës me shpejtësi 15-20m/s dhe dallgë, lartësia e te cilave ka arritur deri në 2m.
Burime nga autoritetet detare, bëjnë me dije se situata e krijuar në gjirin e Durrësit nuk ka ndikuar në nisjen apo mbërritjen e trageteve nga të dyja anët e Adriatikut.
Ndërkohë është pezulluar përkohësisht dalja në det e anijeve të peshkimit dhe mjeteve të vogla lundruese, deri në qetësimin e situatës.
BULQIZË- Reshjet e shiut në vend kanë sjellë problemet e para në qytete të ndryshme. Shiu i favorizuar edhe nga erërat e forta kanë shkaktuar problematika me energjinë elektrike gjatë natës në disa njësi administrative të Bulqizës. Gjithashtu bëhet me dije se disa fshatra kanë mbetur pa energji elektrike.
Gjithashtu raportohet se ka rrëshqitje gurësh dhe inertesh në fshatin Krajk. Ndërkohë rruga e Arbrit Bypass kalohet pa problem nuk ka patur reshje bore. Probleme me energjinë elektrike ka patur edhe edhe në Pukë. Gjithashtu për shkak të erës së fortë dhe shiu është dëmtuar çatia e spitalit.
PUKË- Reshjet e shiut në Pukë kanë sjellë probleme për banorët ndërsa raportohet se janë pa energji që prej mbrëmjes së djeshme. Mësohet se probleme janë regjistruar edhe te spitali i Pukës.
Raportohet se era ka shkëputur nga çatia mbulojën metalike duke nxjerr jashtë funksioni dy pavione, patologjinë dhe pediatrinë. Po ashtu probleme ka edhe në akset rrugore që përshkojnë zonën.
