Rama pritet me protesta nga shqiptarët në Londër, protestuesit përplasje me policinë, nxirren me forcë jashtë sallës

• Kryeministri, Edi Rama ditën e sotme ka zhvilluar një takim me shqiptarët e diasporës në Londër. • Ndërkohë ai nuk u prit "mirë" nga emigrantët të cilët zhvilluan një protestë pak para nisjes së takimit të tij me shqiptarët e Britanisë së Madhe. • Një grup shqiptarësh protestuan jashtë godinës ku pritet të mbahet takimi, ndërsa kanë denoncuar se janë paguar 25 mijë paund për të marrë me qera godinën. • Qytetarët gjithashtu mbajtën në duar pankarta me mesazhe kundër qeverisë, ndërsa ka pasur edhe përplasje mes protestuesve dhe policisë britanike. • Gjithashtu u raportua se një person ka dalë me barrelë nga godina ku po mbahet takimi. • Nuk dihet ende se çfarë ka ndodhur brenda sallës, ndërsa dyshohet se ka patur një përplasje mes protestuesve dhe pjesëmarrësve në takimin e kreut të qeverisë. • Teksa kryeministri po mbante fjalën e tij, në ambientet e tjera të godinës janë shënuar përplasje të ashpra mes protestuesve dhe punonjësve të sigurisë.  • Këta të fundit kanë nxjerrë me forcë qytetarët jashtë. • Protestuesit janë shprehur se një grup prej rreth 15 personash i kanë dhunuar dhe me shkopa goma.  

3 artikuj për këtë temë.