Raportimi i Endri Shabanit sjell përplasje në Kuvend, PD: U zgjodh në mënyrë antikushtetuese. PS shtyn projekt-rezolutat në seancën e fundit plenare
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
• Kryetari i Partisë Demokratike, Sali Berisha ka zhvilluar një konference për mediat. • Berisha përshëndeti protestën e mbrëmjes së djeshme ndërsa i ka cilësuar qytetarët si ndërgjegjja e kombit dhe zëri që ngrihet kundër regjimeve. • Ai shtoi më tej se qytetarët dhe mosbindja civile, dje dhanë mesazhin e qartë, se pa zgjedhje të lirë, Shqipëria nuk ka dhe nuk do ketë paqe. • Berisha tha se mosbindja e ditës së djeshme ishte vetëm aksioni i parë ndërsa shtoi se mosbindja ka shumë forma. • Ai tha se kanë ngujime përpara, greva dhe bllokime permanente rrugësh. • Sipas tij ka 77 mënyra për mosbindje civile që do asfiksojnë dhe paralizojnë narkoshtetin. • Berisha i bëri thirrje kryeministrit Edi Rama të pranojë krijimin e një qeverie teknike, pasi sipas tij tashmë e ka humbur parlamentin. • Kreu i Partisë Demokratike në konferencë foli edhe lidhur me arrestimin e ish-deputetit Ervin Salianji. • Berisha tha se Fatmir Xhafaj e nisi vëllain në Itali të kryente dënimin, pas denoncimit të Salianjit. • Kryedemokrati akuzoi Ramën se mashtron dhe se zëri nuk është i dëshmitarit të rremë Alizotit. • Më tej, ai u shpreh se edhe sikur ligjvënësi demokrat të gënjente, shpifja është dekriminalizuar në Kushtetutë.
5 artikuj për këtë temë.
TIRANË- Kryetari i Partisë Demokratike Sali Berisha njoftoi sot një konferencë me gazetarët për të komentuar protestën kombëtare të mosbindjes civile.
Ndërsa ka lexuar deklaratën e tij dhe po bashkëbisedonte me gazetarët, në lidhje me qëndrimet e tij për protestën dhe se çfarë do të ndodhë në ditët dhe javët e ardhshme, u ndërpre në mënyrë të papritur konferenca.
"Linja e internetit u shkëput në mënyrë të qëllimshme nga kompania që ofron këtë shërbim në shtëpinë e kryetarit të Partisë Demokratike, duket me porosi nga larg që të ndërpritet konferenca me gazetarët e kreut të PD-së, Sali Berisha.", thuhet në reagimin e PD-së pas ndërprerjes së konferencës.
TIRANË- Kreu i Partisë Demokratike, Sali Berisha në një konferencë me gazetarët, ku foli edhe lidhur me arrestimin e ish-deputetit Ervin Salianji.
Berisha tha se Fatmir Xhafaj e nisi vëllain në Itali të kryente dënimin, pas denoncimit të Salianjit. Kryedemokrati akuzoi Ramën se mashtron dhe se zëri nuk është i dëshmitarit të rremë Alizotit. Më tej, ai u shpreh se edhe sikur ligjvënësi demokrat të gënjente, shpifja është dekriminalizuar në Kushtetutë.
"Ervin Salianji paraqiti më 2018 një regjistrim të një kolegu tuaj, që i kishte bërë Geron Xhafës, të dënuar në Itali, si trafikant ndërkombëtar, vëllait të Fatmir Xhafës. Dhe unë kisha denoncuar Geron Xhafën, që rrinte në Vlorë dhe nuk shkonte në Itali për të kryer dënimin. Edi Rama e nxorri Geronin si hero dhe Fatmirin e emëroi ministër. Kur Salianji nxorri një regjistrim, se Geron Xhafaj vazhdonte trafikun e drogës, Fatzi Xhafaj e nisi vëllain për Itali. Rama mashtron dhe thotë se regjistrimi nuk është i vërtetë. Ky është mashtrim i madh. Zëri nuk ishte i dëshmitarit të rremë Alizoti. Edhe sikur të ishte shpifje, ne shpifjen ne e kemi dekriminalizuar në Kushtetutë.", tha Berisha.
TIRANË- Kreu i Partisë Demokratike, Sali Berisha ka mbajtur fjalën e tij gjatë një konference për mediat. Gjatë fjalës së tij Berisha u shpreh se dje ishte aksioni i parë ndërsa shtoi se mosbindja ka shumë forma.
Ai tha se kanë ngujime përpara, greva dhe bllokime permanente rrugësh. Sipas tij ka 77 mënyra për mosbindje civile që do asfiksojnë dhe paralizojnë narkoshtetin.
Fjala e Berisha:
Mbrëmë ishte aksioni i parë. Por mosbindja ka shumë forma. Kemi ngujime përpara. Kemi greva. Kemi bllokime permanente rrugësh. Kemi 77 mënyra për mosbindje civile që do asfiksojnë dhe paralizojnë narkoshtetin. Që do ta shkërmoqin narkodiktaturën. Dhe nëse ti mendon se mosbindja civile nisi në Tiranë dhe do kufizohet aty, mendohu mirë Edi Rama. Se së shpejti në mosbindje do kesh Shkodrën.
Pastaj Durrësin. Vlorën. Kukësin. Tepelenën. Lezhën. E kështu me radhë, mbarë Shqipërinë. Se nuk ke lënë qytet pa masakruar me shpopullimin e tij. Nuk ke lënë qytetarë pa varfëruar me vjedhjet e tua. Nuk ke lënë familje shqiptare pa gjymtuar. Dhe i gjithë vreri që ke derdhë mbi shqiptarët, do plasë mbi ty javët që vijnë. Të dashur qendrestare dhe qendrestarë. Rikujtoj dhe një herë, që jemi në misionin më të rëndësishëm të jetës sonë. Zoti do bekojë gjithë ata guximtarë që dje drodhën narkoshtetin. Mediat e gjithë botës dje i kanë bërë jehonë të jashtëzakonshme guximit, heroizmit të opozitarëve shqiptarë.
Dhe nuk ka si të ndodhë ndryshe sepse ne Europë, në SHBA dhe ne mbare vendet e lira ne kemi shume miq, mijëra e mijëra herë me shumë se sa mendojmë. Sepse nuk ka gjë më frymëzuese, më fisnike, se një popull që reagon ndaj tiranisë së bandave, ndaj padrejtësisë. Që sulmon krimin. Që djeg korrupsionin. Që lufton për votën e lirë.
TIRANË- Lideri i opozitës, Sali Berisha ka folur për protestën e zhvilluar mbrëmjen e djeshme në kryeqytet.
Berisha tha se mosbindja e ditës së djeshme ishte vetëm aksioni i parë. Ai i bëri thirrje kryeministrit Edi Rama të pranojë krijimin e një qeverie teknike, pasi sipas tij tashmë e ka humbur parlamentin.
Kreu i PD-së paralajmëroi se në javët që do të vijnë, mosbindja civile do të çmontojë narkoshtetin tënd.
PJESË NGA FJALA E BERISHËS:
Të dashur miq. Mosbindja juaj dje, ka një rëndësi më të veçantë, se sa aksioni që kryet në vetvete.
Sepse ju mbrëmë thyet, bëtë pluhur një sofizëm, një mashtrim të ulët, që në vitet e fundit ishte përhapur qëllimisht si virus, e vërteta është se edhe midis nesh, për të vrarë shpresën e shqiptarëve.
Ky mashtrim është se shqiptarët nuk reagojnë. Ky mashtrim është se shqiptarët janë të përulur. Ky mashtrim është se shqiptarët më para ikin, largohen, se sa t'i dalin zot vetes, vendit dhe kombit të tyre. Nga mbrëmë, nuk ka njeri në botë, që mund të thotë më këtë gjë. Nga mbrëmë shqiptarët u vërtetuan guximtarë dhe heronj. Dhe kjo vetëm falë jush.
Sepse ju mbrëmë treguat se nuk ka paqe më me vjedhjen. Mbrëmë treguat se nuk ka paqe më me poshtërimin. Mbrëmë treguat se nuk ka paqe më me krimin e organizuar. Mbrëmë treguat se zjarri i revoltës ka filluar të djegë trojet e narkoshtetit. Mbrëmë ju dëshmuat se nuk ka paqe në Shqipëri pa votën e lire.
Prandaj për aksionin tuaj mbrëmë, mirënjohjen më të pakufishme. Sepse ju dje rizgjuat krenarinë shqiptare. Ju dje zgjuat nga letargjia shqiptarët, që prej 12 vitesh kanë kafshuar gjuhën ndaj çdo poshtërsie dhe padrejtësie, që u është bërë.
Por mosbindja e djeshme ishte vetëm aksioni i parë i fillimit të ri, i fillimit të mosbindjes civile. Për Edi Ramën kam një thirrje: Opozita ka vetëm 1 javë në aksion. Me kaq ti, ke humbur parlamentin. Me kaq, institucionet e krimit, u dogjën nga flaka e revoltës...
Reago sa je në kohë. Nuk kërkojmë pushtet në tavolinë, as dhe të marrim pushtetin me forcë. Kërkojmë vetëm qeveri teknike si mënyrën më të mirë, më demokratike, më të civilizuar për të garantuar zgjedhje të lira. Dhe aty në zgjedhje të lira, le të shohim se kë votojnë shqiptarët. Pse ke frikë Edi Rama? Kur mendon se fiton, pse nuk krijon qeverinë teknike? Të bëj thirrje, edhe një herë Edi Rama, krijo qeverinë teknike. Sepse javët që vijnë, mosbindja civile do të çmontojë narkoshtetin tënd.
TIRANË- Kryetari i Partisë Demokratike, Sali Berisha po zhvillon një konference për mediat.
Berisha përshëndeti protestën e mbrëmjes së djeshme ndërsa i ka cilësuar qytetarët si ndërgjegjja e kombit dhe zëri që ngrihet kundër regjimeve.
Ai shtoi më tej se qytetarët dhe mosbindja civile, dje dhanë mesazhin e qartë, se pa zgjedhje të lirë, Shqipëria nuk ka dhe nuk do ketë paqe.
PJESË NGA FJALA E BERISHËS:
Mirëdita dhe përshëndetjet më të përzemërta. Me këtë mesazh dëshiroj të shpreh mirënjohjen më të pakufishme, ju qëndrestareve dhe qëndrestareve të pamposhtur. Dua ta nis këtë fjalë, me një falënderim nga zemra për të gjithë ata qytetare dhe qytetarë guximtarë, që mbrëmë dhanë leksionin më të mirë se çfarë është opozita. Ata mbrëmë ishin ndërgjegjja e kombit, zëri i njerëzve të heshtur, ishin ndërgjegjja e njeriut të civilizuar që kudo në botë ngrihet kundër padrejtësive, kundër tiranive.
Ata dje ngjanin me Feniksin, në fakt ishin udhëhëqësit, ishin prijësi, zoti i kryeqytetit, por dhe i Shqipërisë.
Zoti i madh i bekoftë! Një falenderim i veçantë për të gjithë ata djem dhe vajza, që mbrëmë iu përgjigjën vjedhjeve se shekullit të inceneratorëve, sterilizimeve, Dubai City-t, parajsës së Edi Ramës, amnistisë së mercenarëve të Skrapit ndaj këtyre krimeve të mëdha, me mosbindje civile. Një falënderim i madh për gjithë ata burra dhe gra, që mbrëmë iu përgjigjën me mosbindje civile burgosjeve politike të opozitës, proceseve me dëshmitarë të rremë, si në kohërat më të zeza të diktaturës hoxhiste.
Një falënderim për të gjithë ata guximtare dhe guximtarë që mbrëmë iu përgjigjën me mosbindje civile shndërrimit nga Edi Rama të procesit zgjedhor në farsë elektorale, dhe që dje dhanë mesazhin e qartë, se pa zgjedhje të lirë, Shqipëria nuk ka dhe nuk do ketë paqe!
Një mirënjohje të pafundme për të gjithë ata qëndrestare dhe qendrestarë që iu përgjigjën mbrëmë me mosbindje civile zëvendësimit të shtetit ligjor me narkoshtetin e padrinos, zëvendësimin e Kushtetutës së Republikës me Xhaçko-Kushtetutë dhe të parlamentit të vendit me parlamentin e Spirogjokës, zëvendësimin e qeverisë me narkoqeverinë e padrinos dhe të lubive të pangopura, tao-taove të drogës.
