Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Protesta para Parlamentit/ Policia zhvendos protestuesit, pritet të nisë seanca plenare 20 Korrik, 10:32 PD drejt ri...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
•Takime 'maratonë' në përpjekje për të ulur tensionet në Veri të Kosovës. •Përfaqësuesi i Posaçëm i Bashkimit Evropian për Dialogun Kosovë-Serbi ka zhvilluar sot një vizitë zyrtare në Kosovë, ku është takuar me presidenten Vjosa Osmani dhe kreun e qeverisë Albin Kurti. •Takimi me Osmanin nisi rreth orës 15:00 dhe u diskutua për sfidat aktuale politike, të sigurisë në veriun e vendit, përpjekjet për deeskalimin e situatës, sikurse edhe nevojën për zbatimin e marrëveshjes së Brukselit dhe aneksit të Ohrit. •Presidentja ka theksuar se institucionet e Kosovës janë të përkushtuara që së bashku me partnerët ndërkombëtarë të tejkalojnë sfidat aktuale dhe se Kosova ka demonstruar vullnet për deeskalim, duke ofruar organizimin e zgjedhjeve të reja në veri të vendit, në përputhje me kornizën ligjore të Kosovës. •Pas takimit me Kurtin, Lajçak tha se ka mirëkuptim për të çuar përpara kërkesat e BE-së, por se ende duhet të vazhdojnë diskutimet për hapa konkretë. •Gjatë ditës së sotme, kryeministrja serbe Ana Brnabiç ka takuar në Bruksel presidenten e Komisionit Evropian, Ursula von der Leyen dhe Presidentin e Këshillit Evropian, Charles Michel, ku diskutuan për për nevojën e deeskalimit të situatës në veri. •Veç kësaj, Michel ka bërë thirrje për rikthim në dialogun e ndërmjetësuar nga BE.
12 artikuj për këtë temë.
KOSOVË- Kryeministri i Kosovës, Albin Kurti ka zhvilluar sot një takim në zyrën e tij me të dërguarin e posaçëm të BE-së për Ballkanin Perëndimor dhe dialogun Kosovë-Serbi, Miroslav Lajçak.
Gjatë takimit Kurti fillimisht foli për masat ndëshkuese të BE-së ndaj Kosovës, të cilat ai i quajti të padrejta dhe e bëjnë dialogun asimetrik. Në vijim, ai shprehu përkushtimin dhe angazhimin e tij për shtensionim dhe normalizim të situatës në veri.
Postimi i plotë:
“Kryeministri i Republikës së Kosovës, Albin Kurti, së bashku me ambasadorin e Kosovës në Bruksel, Agron Bajrami dhe këshilltarin e tij politik, Jeton Zulfaj, priti sot në zyrën e tij emisarin e BE-së për Ballkanin Perëndimor dhe Dialogun Kosovë-Serbi, Miroslav Lajçak, i cili erdhi për takim së bashku me shefin e Zyrës së BE-së në Kosovë, ambasadorin Tomas Szunyog, dhe bashkëpunëtorët e tij Christian Ramet e Mikko Vayrynen. Në fillim të këtij takimi, Kryeministri Kurti potencoi që masat ndëshkuese të BE-së ndaj Kosovës janë të padrejta dhe e bëjnë dialogun asimetrik. Në vijim, ai shprehu përkushtimin dhe angazhimin e tij për de-eskalim dhe normalizim. Theksoi që Qeveria e Kosovës nuk kontribuon asesi në eskalim dhe se Policia e Kosovës vetëm zbaton ligjin e kujdeset për sigurinë publike.
Po ashtu, Kryeministri Kurti konfirmoi që Policia e Kosovës e vendosur nëpër ndërtesat komunale nuk ka ndërmarrë operacione në rrethinën e atyre objekteve. Në lidhje me rrugën përpara, Kryeministri Kurti tha që neni 72 i Ligjit për Vetëqeverisje Lokale e tregon qartë rrugën për zgjedhje të parakohshme nëpër komuna dhe se Qeveria në përpikmëri mbështetë procedurat ligjore. Ndërkaq, sa i përket normalizimit të marrëdhënieve me Serbinë, garanci është zbatimi i plotë dhe pa kushte i Marrëveshjes Bazike e cila sjellë marrëdhënie të mira fqinjësore dhe evropiane për dy shtetet”,- thuhet në njoftimin e qeverisë së Kosovës.
KOSOVË- Kryeparlamentari Glauk Konjufca i pyetur nëse krizës në Veri po i shihet fundi, ka thënë se nëse bashkësia ndërkombëtare e fajëson vetëm Kosovën atëherë tensionet s’do të marrin fund kurrë. Në një intervistë për Frontal të T7, ai u shpreh se Veriu është i ndarë nga viti 1999 dhe zgjidhja e vetme është bashkimi i vendit.
“Nëse bashkësia ndërkombëtare mendon që vetëm Kosova i ka fajet dhe përgjegjësinë për këtë situatë, kjo s’kryhet kurrë. Kjo ka me mbetur kështu përgjithmonë. Por, unë mendoj që duhet ta bindim bashkësinë ndërkombëtare dhe do ta fitojmë këtë betejë patjetër. I kemi fituar edhe shumë tjera të rëndësishme në të kaluarën. Por, unë mendoj që pas çlirimit të Kosovës më 1999, kjo është beteja më e rëndësishme për karakterin e shtetit tonë sepse shteti i Kosovës duhet të jetë shtet unitar. Republikë e bashkuar. Kjo betejë është për Republikën e bashkuar. Ose këtë tjetrin opsion s’mund ta imagjinojë sepse është shumë i keq. Është shtet i ndarë. Për shumë kohë ka qenë i ndarë. Kosova prej 99-ës kështu dyqysh ka funksionuar. Edhe ajo ka qenë iluzore në vitin 2008 dhe 2011, sepse u pa që këta kur do ta zbatosh ligjin dhe kushtetutshmërinë atëherë e sheh fytyrën e vërtetë të Listës Serbe. Ata i kanë pasë kryetarët e komunave atje, por kjo s’do të thotë që kanë punuar për shtetin e Kosovës. Në momentin kur u qartësua situata e treguan fytyrën e vërtetë. Shkuan te Vuçiçi atje gatitu dhe i përgatitën grupet e tyre për të gjuajtur shok-bomba. D.m.th, në fund të fundit, ata i përgjigjen Beogradit. Ne nuk kemi zgjidhje tjetër”, tha Konjufca në një intervistë për T7.
Gjithashtu, ai tha se Kosova duhet ta bindë bashkësinë ndërkombëtare për karakterin unitar të Kosovës dhe këtë e cilësoi si betejën më të madhe të Kosovës që nga vitit 1999.
KOSOVË- Përfaqësuesi special i Bashkimit Europian për dialogun Prishtinë-Beograd, Miroslav Lajcak pas takimit me kryeministrin e Kosovës, Albin Kurti ka folur edhe në lidhje me sankisonet e vendosuar ndaj Kosovës.
Lajçak teksa ka folur për masat ndaj Kosovës, nuk ka përjashtuar as palën tjetër, duke thënë se BE ka gati sanksione edhe Serbinë.
“BE-ja e ka bërë të qartë se ka sanksione të gatshme edhe për Serbinë. Do të zbatohen nëse kuptohet se Serbia nuk po vepron në përputhje me kërkesat e BE-së. Është vendim i shteteve anëtare”, tha i dërguari i BE.
Më herët Lajçak u takua edhe me presidenten Vjosa Osmani, për të diskutuar pikërisht për zgjidhjen e krizës në veri. I dërguari i BE-së do të vizitojë edhe Beogradin, si pjesë e vizitave të tij në kuadër të zbutjes së tensioneve mes dyja vendeve dhe rikthimin e liderëve në tryezën e dialogut.
BRUKSEL- Presidenti i Këshillit Evropian, Charles Michel ka njoftuar se është takuar me kryeministren serbe, Ana Bërnabiç. Michel në një shkrim në Twitter, tha se në këtë takim u diskutua për nevojën e deeskalimit të situatës në veri. Veç kësaj, ai ka bërë thirrje për rikthim në dialogun e ndërmjetësuar nga Bashkimi Evropian.
“Me kryeministren serbe, Ana Bërnabiç: mesazh i qartë i Këshillit Evropian për nevojën për deeskalim të menjëhershëm të situatës në veri dhe vazhdim të dialogut të ndërmjetësuar nga BE-ja. Vendimtare që Serbia t’i vazhdojë reformat për të avancuar në rrugën drejt BE-së", ka shkruar ai.
With @SerbianPM Ana Brnabić: clear #EUCO message on the need for immediate de-escalation of the situation in north of Kosovo & continuation of EU-facilitated dialogue.
— Charles Michel (@CharlesMichel) July 4, 2023
Crucial for Serbia to continue reforms to advance on the EU path.
The future of #WesternBalkans is in the ????????. pic.twitter.com/VMEOC5h5YB
Kryeministrja e Serbisë gjatë ditës së sotme në Bruksel ka takuar edhe presidenten e Komisionit Evropian, Ursula von der Leyen. Në fokus të bisedimeve ishte deeskalimi i situatës në veri të Kosovës, si dhe planin zhvillimor për Ballkanin Perëndimor.
SERBI- Kryeministrja e Serbisë, Ana Bërnabiç ka takuar sot në Bruksel presidenten e Komisionit Evropian, Ursula von der Leyen. Në një postim në Twitter, Branbiç bën me dije se në fokus të bisedimeve ishte deeskalimi i situatës në veri të Kosovës, si dhe planin zhvillimor për Ballkanin Perëndimor.
"Një takim me Presidenten e Komisionit Evropian, Ursula von der Leyen, dhe një diskutim për temat aktuale- duke shikuar mekanizmat për deeskalimin e dhunës në Kosovë, planin e zhvillimit për Ballkanin Perëndimor, si dhe rëndësinë e thellimit të integrimit të Republikës Serbe në Bashkimin Evropian’’, ka shkruar Bërnabiç në rrjetin social "Twitter’".
Састанак са председницом Европске комисије @vonderleyen и разговор о актуелним темама - сагледавање механизaма за деескалацију насиља на КиМ, план развоја за Западни Балкан као и значај продубљене интеграције Републике Србије у Европску унију. pic.tëitter.com/xtëhC6Sa6ë
— Aна Брнабић (@SerbianPM) July 4, 2023
Bërnabiç sot u takua edhe me kryetarin e Këshillit Evropian, Charles Michel. Michel në një shkrim në Twitter, tha se në këtë takim u diskutua për nevojën e deeskalimit të situatës në veri. Veç kësaj, ai ka bërë thirrje për rikthim në dialogun e ndërmjetësuar nga Bashkimi Evropian.
KOSOVË- Emisari i Bashkimit Evropian për dialogun Kosovë Serbi, Miroslav Lajçak ka thënë se takimi me kryeministrin, Albin Kurti, ka qenë i gjatë, i hapur dhe i sinqertë.
Lajçak ka thënë se ka mirëkuptim për të çuar përpara kërkesat e BE-së, por se “ende duhet të vazhdojmë diskutimet për hapa konkretë”.
“Kurti paraqiti pikëpamjen e tij, ndërsa unë prezantova idetë e mija dhe kjo është arsyeja se pse zgjati takimi, ka thënë Lajçak. Nuk është detyrë e lehtë, as situatë e lehtë. Kam pasur takime të rëndësishme me presidenten Osmani e kryeministrin Kurti. Diskutim të gjatë e sinqertë. Shumë të rëndësishëm. Duhet të zgjedh fjalët, ka mirëkuptim në nevojën për të ecur para në tri pikat që janë paraqitur nga BE-ja: shtensionim, zgjedhje të reja, dhe kthim në normalizim”,-ka delaruar Lajçak.
KOSOVË- Në një periushë të tensionuar për komunat në veri të Kosovës, masave të BE-së për izolimin e qeverisë Kurti, iu është bashkëngjitur PDK-ja e themeluar nga liderët tashmë të burgosur në Hagë, Hashim Thaçi dhe Kadri Veseli. Kreu i PDK-së, Memli Krasniqi, njoftoi se ka shkëputur raportet me kryeministrin e presidenten, madje kërkoi edhe zgjedhje të reja në këtë periudhë krize me faktorin ndërkombëtar.
Gjithashtu edhe dhe nënkryetarja e kësaj partie, ish ambasadorja e Kosovës në SHBA, Vlora Çitaku foli për zgjedhje të parakohëshme në një intervistë për T7. Çitaku tha se “nuk duhet të rrezikohet e ardhmja e Kosovës për një grusht votash” dhe u shpreh se PDK është e shqetësuar për gjendjen në të cilën ndodhet vendi.
Nga ana tjetër edhe në një video të publikuar të martën nga Lëvizja Vetëvendosje, kundër opozitës theksohej: “Me nismat e tyre, që janë më afër Serbisë e më larg popullit e republikës, këta shpresojnë që duke u dorëzuar, me partitë e tyre të vogla do të mund të vijnë në pushtet”.
Pas videos së VV, Aleanca për Ardhmërinë e Kosovës, e ish-kryeministrit, Ramush Haredinaj i është kundërpërgjigjur duke thënë se është e gatshme për zgjedhje.
KOSOVË- Presidentja e Kosovës Vjosa Osmani sot është takuar me emisarin e posaçëm të Bashkimit Evropian për dialogun Kosovë- Serbi, Miroslav Lajçak.
Në deklaratën e presidencës thuhet se në takim është biseduar për sfidat aktuale politike dhe të sigurisë me theks të veçantë në veriun e vendit, përpjekjet për deeskalimin e situatës, sikurse edhe nevojën për zbatimin e marrëveshjes së Brukselit dhe aneksit të Ohrit.
Osmani ka thënë se institucionet e Kosovës janë të përkushtuara që së bashku me partnerët ndërkombëtarë t`i tejkalojnë sfidat aktuale dhe se Kosova ka demonstruar vullnet për deeskalim, duke ofruar organizimin e zgjedhjeve të reja në veri të vendit, në përputhje me kornizën ligjore të Kosovës.
Ndërsa sa i përket zhvillimeve në veri, Osmani ka thënë se grupet kriminale dhe individët që përdorën dhunë ndaj policisë, gazetarëve, pjesëtarëve të KFOR-it, EULEX-it dhe qytetarëve, duhet të përballen me drejtësinë.
KOSOVË- I dërguari i Posaçëm i Bashkimit Evropian për dialogun Kosovë-Serbi, Miroslav Lajçak, bashkë me Shefin e Zyrës së BE’së në Kosovë, Tomas Szunyog, kanë takuar sot Komandantin e KFOR’it, Angelo Michele Ristuccia. Sipas njoftimit të KFOR, ata kanë folur për zhvillimet e fundit dhe dialogun.
“Komandanti i misionit të KFOR-it të udhëhequr nga #NATO, gjeneralmajor Angelo Michele Ristuccia, u takua me Miroslav Lajçak, Përfaqësues Special i BE-së për Dialogun Prishtinë-Beograd dhe çështje të tjera rajonale të Ballkanit Perëndimor, dhe Shkëlqesinë e tij Tomáš Szunyog, Shef i Zyrës së BE-së në Kosovë/ Përfaqësues Special i BE-së. Ata diskutuan përditësimin e fundit për situatën e përgjithshme dhe përpjekjet e vazhdueshme të #KFOR-it në mbështetjen e dialogut të lehtësuar nga BE-ja ndërmjet Beogradit dhe Prishtinës", shkruan KFOR.
Lajçak është takuar me Presidenten Vjosa Osmani, e më vonë do të takohet dhe me Kryeministrin Albin Kurti.
KOSOVË- Zëdhënësi i Bashkimit Evropian, Peter Stano tha se i dërguari i posaçëm i BE-së, Mirosllav Lajçak po viziton Kosovën për të gjetur përfundimisht rrugën e shtensionimit të situatës dhe të ketë kthim të bisedimeve për normalizim në kuadër të dialogut.
"Përfaqësuesi i Lartë, Borrell i ka kërkuar Përfaqësuesit Special të BE-së Lajçak që të udhëtojë si në Prishtinë ashtu edhe në Beograd për t’i çuar çështjet përpara për të gjetur përfundimisht rrugën për të de-përshkallëzuar dhe të mos kemi përshkallëzim, të mos jemi dëshmitarë të tensioneve të vazhdueshme, por të de-përshkallëzojmë dhe në fund të kthehemi te bisedimet për normalizim në kuadër të dialogut”, ka thënë ai.
Sipas Stano, liderët e 27 shteteve anëtare të BE-së u kanë bërë thirrje dy palëve për de-përshkallëzimin e situatës. Ai shtoi se aktualisht nuk janë krijuar kushte për takimin e ardhshëm në kuadër të dialogut.
KOSOVË- Ka nisur takimi mes emisarit të BE-së, Miroslav Lajçak dhe presidentes Osmani. Pas Osmanit, Lajçak do të takohet edhe me kryeministrin Kurti në orën 16:00.
Kjo është vizita e dytë e Lajçakut brenda një muaji, pasi ai në fillim të qershorit bëri një vizitë bashkë me emisarin amerikan për Ballkanin, Gabriel Escobar.
Lajçak pritet që të ripërsërisë kërkesat e Brukselit, sa i takon hapave drejt de-përshkallëzimit e të cilat nënkuptojnë largimin e njësive speciale të Policisë së Kosovës nga afërsia e ndërtesave komunale në veri, paralelisht me tërheqjen e protestuesve serb; largimin e kryetarëve të zgjedhur të komunave nga këto objekte dhe shpalljen e zgjedhjeve në veri.
KOSOVË- Ndërmjetësuesi i dialogut Kosovë-Serbi nga BE-ja, Miroslav Lajçak, do të shkojë në Prishtinë sot, në përpjekje për shtensionimin e situatës në veri të vendit. Bëhet e ditur se Lajçak do të takohet edhe me presidenten Vjosa Osmani dhe kryeministrin Albin Kurti. Presidenca e Kosovës njofton se takimi mes Vjosa Osmanit dhe Miroslav Lajçak do të zhvillohet në orën 15:00.
“Në orën 15:00, Presidentja e Republikës së Kosovës, Vjosa Osmani pret në takim Përfaqësuesin Special të BE-së, Miroslav Lajçak”, thuhet në njoftimin e zyrës së Presidencës. Pas Prishtinës, emisari i BE-së pritet që në takim me presidentin e Serbisë, Aleksander Vuçiç të dërgojë porositë e Brukselit edhe në Beograd.
Kjo është vizita e dytë e Lajçakut brenda një muaji, pasi ai në fillim të qershorit bëri një vizitë bashkë me emisarin amerikan për Ballkanin, Gabriel Escobar.
Lajçak pritet që sërish të ripërsërisë kërkesat e Brukselit, sa i takon hapave drejt de-përshkallëzimit e të cilat nënkuptojnë largimin e njësive speciale të Policisë së Kosovës nga afërsia e ndërtesave komunale në veri, paralelisht me tërheqjen e protestuesve serb; largimin e kryetarëve të zgjedhur të komunave nga këto objekte dhe shpalljen e zgjedhjeve në veri.
Pak ditë më parë, krerët e vendeve të BE-së apeluan për shtensionim të menjëhershëm të situatës në veri të Kosovës, ndërsa paralajmëruan pasoja në rast të dështimit. Këshilli Evropian, thekson se palët duhet të vazhdojnë dialogun e ndërmjetësuar nga BE-ja, zbatimin e shpejtë të marrëveshjes së normalizimit dhe zbatimit të saj. Dhe se zgjidhja përfshin pezullimin e operacioneve policore, kryetarët e komunave t’i kryejnë përkohësisht detyrat e tyre në objekte të tjera, shpalljen e zgjedhjeve të parakohshme dhe pjesëmarrjen e serbëve të Kosovës në to./Dosja.al
