Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Presidentja e Kosovës, Vjosa Osmani ka nisur sot vizitën zyrare në Tiranë me ftesë të homologut Bajram Begaj. •Osmani është pritur me ceremoni zyrtare nga Begaj. •Më pas dy homologët kanë zhvilluar një konferencë të përbashkët për shtyp. •Begaj tha se Kosova është prioritet kombëtar i Shqipërisë dhe vlerësoi marrëdhëniet mes dy vendeve, duke thënë se janë shumë të mira. •Ndërkohë Osmani ka kërkuar që Shqipëria të jetë zëri i Kosovës aty ku ajo nuk ka përfaqësim dhe theksoi se ka ardhur në Tiranë për një strategji të përbashkët për të unifikuar politikën e jashtme mes dy vendeve. Gjithashtu presidentja e Kosovës ka komentuar përplasjet mes kryeministrit Rama dhe Albin Kurtit, duke deklaruar se Kosova dhe Shqipëria kanë relacione motrash, duke shtuar se “çdo diskutim i momentit është tejkaluar”. •Një takim është zhvilluar në kryeministri, mes Osmanit dhe kryeministrit Edi Rama, si edhe kryeparlamentaren Lindita Nikolla, ku u diskutua për aspratën e përbashkët evropiane. •Në ditën e dytë të vizitës, Osmani dhe Begaj do të marrin pjesë në një aktivitet me rastin e ditës së Nënë Terezës.•Pas kësaj, Osmani do të niset drejt Beratit, ku do të zhvillojë një takim me Kryetarin Ervin Demo, i cili do t’i akordojë edhe titullin ‘Patron i Kalasë’, një titull që i jepet personaliteteve të shquara që vizitojnë qytetin dhe që kontribuojnë me veprimtarinë e tyre në dobi të qytetit.
6 artikuj për këtë temë.
TIRANË- Kryeministri Edi Rama ka publikuar fotot nga takimi me presidenten e Kosovës Vjosa Osmani. Me anë të një postimi në Facebook, Rama shkruan se në takim biseduan për të tashmen dhe ardhmen e marrëvedhënieve Kosovë-Shqipëri.
Postimi i Plotë:
Me Presidenten Vjosa Osmani, për të tashmen dhe të ardhmen e marrëdhënies së patjetërsueshme Kosovë-Shqipëri
TIRANË- Presidentja e Kosovës, Vjosa Osmani, pas takimit me homologun Bajram Begaj, është takuar me kryeministrin Edi Rama. Takimi është zhvilluar me dyer të mbyllura në kryeministri, ndërsa përmes një postimi në rrjetin social “Facebook”, Osmani tha se në fokus në bisedës ishte aspirata për integrimin në Bashkimin Europian të Kosovës dhe Shqipërisë.
“Me Kryeministrin Edi Rama pata një bisedë përmbajtësore rreth aspiratës së përbashkët evropiane të Kosovës dhe Shqipërisë. Duke punuar së bashku, Kosova dhe Shqipëria mund të hapin rrugën për një të ardhme më të ndritshme dhe më të integruar“, shkruan presidentja e Kosovës.
KOSOVË- Presidentja e Kosovës, Vjosa Osmani u pyet në Tiranë për marrëdhëniet ndërmjet kryeministrave Albin Kurti dhe Edi Rama.
Në një konferencë të përbashkët me presidentin e Shqipërisë, Bajram Begaj pas takimit, Osmani tha se “relacionet mes Kosovës dhe Shqipërisë janë të shkëlqyeshme”, por që ato “mund të fuqizohen”, ndërsa theksoi se ajo angazhohet për tejkalimin e mospajtimeve.
"Relacionet mes Kosovës dhe Shqipërisë janë të shkëlqyeshme, mua me pëlqen ti quaj relacione mes motrash. Mund të fuqizohen edhe më tej, do ta rrisim koordinimin mes nesh, se është në interes të dyja shteteve, kombit tonë dhe paqes afatgjatë. Mungesa e paqes në një pjesë ndikon në të gjithë Ballkanin, prandaj duhet të punojmë për t’ tejkaluar sfidat. Është Serbia ajo që acaron situatën në rajonin tonë nëpërmjet sulmeve ndaj Kosovës. Nuk ka javë që kalon që dikush nga Serbia nuk gjuan me armë policët e Kosovës. Duke zbatuar planin e putin në vitin 2014 kundër Ukrainës, Vuçiç synon të destabilizojë Ballkanin Perëndimor. Duhet ta shohim gjithë pikturën që është shumë më e madhe,. Sa i përket asaj që ngjan në veri, ta keni parasysh që Serbia fut armatim ilegal në Kosovë, trajnon pjesë të strukturave ilegale në ushtrinë serbe, i terrorizon qytetarët serbë që jetojnë në veri, fut grupe të krimit të organizuar. Kjo është sfidë për të gjithë rajonin, dhe duhet ta trajtojmë sëbashku nuk duhet të lejojmë që plani i Putin të zbatohet nga Vuçiç në Ballkan. Çdo diskutim i momenti është tejkaluar, qëllimi ynë është i përbashkët Kosova e sovrane, e pavarur në kufijtë aktuale dhe e integruar", tha Osmani.
TIRANË- Presidentja e Kosovës Vjosa Osmani tha se Kosova përballet sot përballet me sfida të sigurisë ndaj ka nevojë për mbështetjen e Shqipërisë në arenën ndërkombëtare për t’u bërë zëri i saj në institucionet ku nuk ka përfaqësim.
“Kryefjala e vizitës sime është bashkërendimi për një strategji dhe veprim të unifikuar të politikës së jashtme. Serbia akoma vazhdon me logjikën e zhdukjes sonë nga faqja e dheut”. “Është detyrim i secilit prej nesh që interesat kombëtare t’i vëmë para se gjithash, të koordinohemi në baza ditore, të flasim me një zë të unifikuar. Siç kemi pasur nevojë edhe më parë, sërish kemi nevojë për mbështetjen e fuqishme të Shqipërisë, sidomos që të jetë zëri ynë në të gjitha instancat ndërkombëtare ku Kosova ende nuk ka përfaqësim. Përderisa politika shtetërore e Serbisë vazhdimisht po e sfidon integritetin territorial të Kosovës dhe angazhohet në agresion institucional kundër Kosovës në baza të rregullta, Osmani tha se “ne do të kemi nevojë për përkrahjen e Shqipërisë, e po ashtu edhe për përkrahjen e partnerëve euroaltantikë”.
…Natyrisht që pajtohem me presidentin Begaj që koordinimi me miqtë dhe aleatët tanë është parakusht për suksesin tonë kudo e kurdo”, tha ajo.
TIRANË- Presidenti Bajram Begaj në një konferencë për shtyp me Vjosa Osmanin tha se Kosova është prioritet kombëtar i Shqipërisë. Ai vlerësoi marrëdhëniet mes dy vendeve, duke thënë se janë shumë të mira.
"Sot 1 vit pas vizitë sime të parë në Kosovë, kisha nderin t’i uroja mirëseardhjen Osmanit. Mirëserdhët në shtëpinë tuaj. Gjatë bisedave tona, përtej frymë vëllazërore, vëmendje patën çështjet më të rënd të interesave ndërshtetërore por edhe koordinimit më të mirë të çështjes sonë kombëtare. Lidhur me bashkëpunimin ndërshtetëror vëmendja u fokusua në thellimin e marrëdhënieve. Nënvizova se marrëdhëniet janë shumë të mira dhe duhet të udhëhiqemi nga interesi kombëtar për të thelluar bashkëpunimin në të gjitha nivelet. Askush ska pse çuditet që Kosova është prioriteti kombëtar i Shqipërisë”, tha Begaj.
TIRANË- Presidentja e Kosovës, Vjosa Osmani ndodhet në Shqipëri prej mbrëmjes së kaluar, ku do të qëndrojë në një vizitë dy ditore.
Osmani ka mbërritur në Presidencë, ku është pritur me me ceremoni zyrtare nga Begaj. Pas takimit me presidentin Begaj, Osmani do të vijojë takimet me kryeministrin Rama dhe me kryetaren e kuvendit, Lindita Nikolla.
Agjenda, e presidentes së Kosovës do të vijojë në qytetin e Beratit dhe Durrësit.
