Plagosje në Malësi të Madhe, qëllohet emigranti 17-vjeçar me armë zjarri

Policia

MALËSI E MADHE- Plagosja në Malësi të Madhe ka ndodhur pas një sherri mes disa personave në fshatin Fermë. Mësohet se 4 afganë janë konfliktuar me disa persona të paidentifikuar ende. Nga sherri ka mbetur i plagosur një 17-vjeçar, i cili ndodhet në spital për të marrë ndihmë mjekësore. 

Njoftimi i Policisë: 

Malësi e Madhe/Informacion paraprak Në afërsi të stacionit hekurudhor, në fshatin Fermë, Malësi e Madhe, në rrethana ende të paqarta, 4 shtetas nga vendet e treta janë konfliktuar me disa shtetas ende të paidentifikuar dhe për pasojë ka mbetur i plagosur me armë zjarri, shtetasi afgan A. Z., 17 vjeç. Shërbimet e Policisë ndodhen në vendin e ngjarjes, po këqyrin zonën dhe po marrin në pyetje 3 shtetasit që ishin me 17-vjeçarin, i cili është dërguar në spital, për mjekim. Grupi hetimor vijon punën për sqarimin e rrethanave të ngjarjes, identifikimin dhe kapjen e shtetasve të përfshirë në konflikt.

Policia

MALËSI E MADHE- Detaje të reja kanë dalë nga plagosja me armë zjarri në Malësi të Madhe, pasditen e sotme. Mësohet se ngjarja ka ndodhur në fshatin Bajzë.

I plagosur ka mbetur një adoleshent 17-vjeçar, ndërkohë që identiteti i tij nuk dihet ende. Dyshohet se i plagosuri është emigrant nga Afganistani në Shqipëri.

MALËSI E MADHE- Një plagosje me armë zjarri është raportuar në fshatin Bajzë në Malësinë e Madhe.

Policia është nisur drejt vendngjarjes, ndërsa ende nuk dihen detaje të tjera.