Plagosja e Muçajt në Fier/ Autori ende në arrati, Nikaj u ndihmua nga miku për t'u larguar, policia e arreston, gjendet makina dhe arma

Makina dhe arma

FIER- Policia ka vënë në pranga Bejo Hoxhajn, personin që ndihmoi në largimin e Altin Nikës. Sipas forcave blu, 49-vjeçari ka ndihmuar personin që plagosi ditën e djeshme me armë zjarri një person, të largohej nga zona. Hoxhaj do të akuzohet për veprën penale "Përkrahja e autorit të krimit".

Në cilësinë e provës materiale u sekuestruan automjeti me të cilin është larguar autori, brenda të cilit u gjetën 1 armë zjarri pistoletë, 1 krehër, 12 fishekë dhe 1 pistoletë paralizuese. Vijon puna intensive për kapjen dhe ndalimin e 52-vjeçarit. Materialet i kaluan Prokurorisë, për veprime të mëtejshme procedurale.

NJOFTIMI I POLICISË:

Ndihmoi autorin e plagosjes së ndodhur ditën e djeshme, të largohej nga vendi i ngjarjes, vihet në pranga 49-vjeçari. Vijon puna për kapjen e 52-vjeçarit që plagosi me armë zjarri një shtetas, në lagjen "11 janari", Fier. Sekuestrohen automjeti me të cilin u largua autori, një armë zjarri pistoletë, një pistoletë paralizuese dhe municion luftarak. Në vijim të veprimeve për ngjarjen e ndodhur ditën e djeshme, në lagjen "11 janari", ku mbeti i plagosur me armë zjarri shtetasi D. M., 50 vjeç, specialistët për Hetimin e Krimeve të Rënda të DVP Fier arrestuan në flagrancë shtetasin B. H., 49 vjeç, banues në Mallakastër, për veprën penale "Përkrahja e autorit të krimit".

Nga hetimet ka rezultuar se ky shtetas ka ndihmuar autorin e ngjarjes, shtetasin A. N. alias M. V., 52 vjeç, të largohej nga vendi i ngjarjes. Në cilësinë e provës materiale u sekuestruan automjeti me të cilin është larguar autori, brenda të cilit u gjetën 1 armë zjarri pistoletë, 1 krehër, 12 fishekë dhe 1 pistoletë paralizuese. Vijon puna intensive për kapjen dhe ndalimin e 52-vjeçarit. Materialet i kaluan Prokurorisë, për veprime të mëtejshme procedurale.

Policia

FIER- Gjendet makina tip “Toyota” me të cilën autori u largua nga vendi i ngjarjes. Mjeti është gjetur në fshatin Patos dhe gjatë kontrollit në makinë është gjetur arma tip pistoletë më të cilën plagosi Dashamir Muçën.

Kërkimet për kapjen e Altin Veizaj (më parë Nika) vazhdojnë ende. Ngjarja pranë parukerisë në pronësi të të plagosurit në të cilën punonte bashkëshortja e tij. Muça vazhdon të jetë i shtruar në spital nën kujdesin e mjekëve, në gjendje të rëndë për jetën.

Vendngjarje

FIER-Autori i plagosjes së djeshme në Fier, rezulton se përdor tre emra, e për pasojë dyshohet se është person me precedentë kriminalë. Altin Nika, është autori i cili plagosi me armë zjarri Dashamir Muçën, që ndodhet në spital nën kujdesin e mjekëve, në gjendje të rëndë për jetën.

Pas ngjarjes, Policia është vënë ndjekje të autorit duke ngritur disa pika postblloku. Nika, dyshohet se ka marrë rrugën kryesore në drejtim të Vlorës, ndaj dhe grupet e Policisë kanë qëndruar në terren për të bërë të mundur arrestimin e tij, por pa mundur ta kapin.

Policia ka marrë një sërë dëshmish në lidhje me të dy personat, ndërkohë që janë sekuestruar edhe një sërë pamjesh filmike, të cilat pretendohet të hedhin dritë mbi atë moment. Po ashtu janë marrë dëshmitë e familjarëve të të dyja palëve, ndërkohë që deri orëve të vona të së djeshmes Policia nuk ka mundur dot të marrë një dëshmi konkrete nga personi i plagosur.

Ngjarja e rëndë tronditi ditën e djeshme qytetin e Fierit. Altin Nika qëlloi me armë zjarri mbi Dashamir Muçën dhe njëherësh të njohur të tijin. Ndërkohë që i plagosuri ka mbetur në tokë pas plagës së marrë, autori bashkë me armën e krimit është larguar në drejtim të paditur.