Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Irani kreu sonte sulm hakmarrës për sulmet amerikane që të dielën shënjestruan tre nga centralet e tij bërthamore, duke qëlluar 14 raketa në bazat amerikane në Katar dhe Irak, sipas Shtëpisë së Bardhë. • Katari ka praninë më të madhe ushtarake amerikane në Lindjen e Mesme, me më shumë se 8,000 trupa të stacionuara në Bazën Ajrore Al Udeid jashtë kryeqytetit, Doha. • Ushtria amerikane gjithashtu mban një prani në Bazën Ajrore Ain Al Asad në provincën Anbar të Irakut. • Një zyrtar amerikan i mbrojtjes konfirmoi se baza Ajrore Al Udeid u sulmua sot nga raketa balistike me rreze të shkurtër dhe të mesme veprimi me origjinë nga Irani. • Sipas agjencisë iraniane të lajmeve, operacioni raketor i Iranit kundër bazave amerikane në Katar dhe Irak ishte i quajtur "Shpallja e Fitores". • Garda Revolucionare e Iranit e përshkroi sulmin si një mesazh të qartë për Shtëpinë e Bardhë, duke paralajmëruar se Irani nuk do të lërë pa përgjigje asnjë sulm ndaj integritetit të tij territorial, sovranitetit apo sigurisë kombëtare në asnjë rrethan". • Këshilli i Sigurisë Kombëtare i Iranit, në një deklaratë tha se sulmi përfshinte të njëjtin numër bombash që Shtetet e Bashkuara përdorën në sulmet e tyre ndaj objekteve bërthamore të Iranit, pa dhënë shifra të sakta. • Këshilli tha se sulmi i Iranit nuk përbën asnjë kërcënim për Katarin, vendin me të cilin thonë se kanë mik dhe vëllazëror. • Udhëheqësi suprem i Iranit, Ayatollah Ali Khamenei reagoi pas sulmit në bazat amerikane dhe tha se Irani nuk i ka bërë dëm askujt dhe se nuk do të pranojnë asnjë formë agresoni. • Katari dënoi sulmin iranian, të cilin tha se u pengua me sukses nga mbrojtja e tij ajrore, dhe kërcënoi të hakmerret drejtpërdrejt. • Një zyrtar i lartë i Shtëpisë së Bardhë tha pas sulmeve se Shtëpia e Bardhë dhe Departamenti i Mbrojtjes janë në dijeni dhe po monitorojnë nga afër kërcënimet e mundshme ndaj Bazës Ajrore Al Udeid në Katar. • Pas sulmit iranian, reagoi edhe presidenti Donald Trump ku shkroi në Truth Social se Irani i është përgjigjur zyrtarisht shkatërrimit të objekteve bërthamore me një përgjigje shumë të dobët, të cilën tha se e prisnin.• Trump tha nga 14 raketa të qëlluara, 13 u rrëzuan dhe 1 u la të kalonte sepse po shkonte në një drejtim jo kërcënues. Ai ka bërë me dije se asnjë amerikan nuk është lënduar dhe nuk ka shumë dëme të shkaktuara. • Në reagimin e tij, presidenti falenderoi Iranin që i njoftoi paraprakisht për sulmin dhe u bë e mundur mos të humbin jetë njerëzish. • Trump thotë se tani Irani mund të ecë drejt paqes dhe harmonisë në rajon. • Sulmi ishte një nga sulmet më të mëdha të drejtpërdrejta nga Teherani ndaj objektivave amerikane në rajon, pas përgjigjes së Republikës Islamike ndaj vrasjes së komandantit të IRGC-së, Gjeneral Qasem Soleimani, në vitin 2020. • Shtetet e Bashkuara u përfshinë në luftën Izrael-Iran të dielën, ndërsa Trump autorizoi sulme në uzinat bërthamore të Natanzit, Fordovit dhe Isfahanit.
16 artikuj për këtë temë.
SHBA- Presidenti Donald Trump ka reaguar sërish lidhur me sulmin iranian në bazat amerikane në Katar dhe Irak. Në një tjetër postim në Truth Social, Trump falenderon Emirin e Lartë të Katarit, që sipas tij po bën gjithçka për arritjen e paqes në rajon. Ai thekson më tej, se nga sulmi në bazën amerikane në Katar, nuk ka pasur as amerikane dhe as katarianë të lënduar.
POSTIMI I TRUMP:
Dua të falënderoj Emirin e Lartë të Katarit për gjithçka që ka bërë në kërkimin e Paqes për Rajonin. Lidhur me sulmin e sotëm në Bazën Amerikane në Katar, kam kënaqësinë të raportoj se, përveçse nuk ka pasur amerikanë të vrarë ose të plagosur, dhe shumë e rëndësishme, nuk ka pasur as katarianë të vrarë ose të plagosur. Faleminderit për vëmendjen tuaj ndaj kësaj çështjeje!
Në një postim të tretë lidhur me këtë situatë në Lindjen e Mesme, Trump shkruan: "URIME BOTË, ËSHTË KOHA PËR PAQE!"
SHBA- Presidenti i SHBA-së, Donald Trump ka reaguar në rrjetet sociale lidhur me sulmin iranian në bazat amerikane në Katar dhe Irak, duke thënë se përgjigja e Iranit ishte "shumë e dobët".
Në postimin e tij në Truth Social, Trump tha nga 14 raketa të qëlluara, 13 u rrëzuan dhe 1 u la të kalonte sepse po shkonte në një drejtim jo kërcënues. Ai ka bërë me dije se asnjë amerikan nuk është lënduar dhe nuk ka shumë dëme të shkaktuara.
Në reagimin e tij, presidenti falenderoi Iranin që i njoftoi paraprakisht për sulmin dhe u bë e mundur mos të humbin jetë njerëzish. Trump thotë se tani Irani mund të ecë drejt paqes dhe harmonisë në rajon.
"Irani zyrtarisht i është përgjigjur shkatërrimit tonë të objekteve të tyre bërthamore me një përgjigje shumë të dobët, të cilën e prisnim, dhe e kemi kundërshtuar shumë në mënyrë efektive. Janë qëlluar 14 raketa - 13 u rrëzuan dhe 1 u "lirua", sepse po shkonte në një drejtim jo kërcënues. Jam i kënaqur të raportoj se ASNJË amerikan nuk u lëndua dhe mezi u shkaktua ndonjë dëm. Më e rëndësishmja, ata i kanë nxjerrë të gjitha nga "sistemi" i tyre dhe, shpresojmë, nuk do të ketë më URREJTJE. Dua të falënderoj Iranin që na dha njoftim të hershëm, gjë që bëri të mundur që të mos humbiste asnjë jetë dhe askush të mos lëndohej. Ndoshta Irani tani mund të vazhdojë drejt Paqes dhe Harmonisë në Rajon dhe unë do ta inkurajoj me entuziazëm Izraelin të bëjë të njëjtën gjë. Faleminderit për vëmendjen tuaj ndaj kësaj çështjeje!", shprehet Trump.
IRAN- Udhëheqësi suprem i Iranit, Ayatollah Ali Khamenei ka reaguar pas sulmit me raketa iraniane në bazat amerikane në Katar dhe Irak.
Në një postim në platformën X, Khamenei deklaroi: "Irani nuk i bëri dëm askujt. Por ne nuk do të pranojmë asnjë agresion në asnjë rrethanë. Ne nuk do të dorëzohemi. Kjo është logjika e kombit iranian."
Reagimi i udhëheqësit të Republikës Islamike vjen disa orë pas operacionit "Shpallja e Fitores”, siç e quan Teherani, kundër pozicioneve ushtarake amerikane. Sipas deklaratave të zyrtarëve iranianë, operacioni synonte të “hakmerrej” për bombardimet nga Shtetet e Bashkuara dhe jo të provokonte një luftë të përgjithshme.
Deklarata e Khameneit përpiqet të forcojë narrativën e një “përgjigjeje mbrojtëse”, në një kohë kur Shtetet e Bashkuara dhe aleatët e saj po shqyrtojnë hapat e ardhshëm dhe po bëjnë thirrje për ulje të tensioneve, ndërsa tensionet rajonale po përshkallëzohen në mënyrë të rrezikshme.
SHBA- Presidenti amerikan, Donald Trump përmes një postimi në "Truth Social" ka folur lidhur me sulmet amerikane në centralet bërthamore iraniane. Trump thotë se vendet që bombarduesit amerikanë goditën në Iran u shkatërruan plotësisht dhe të gjithë e dinë këtë.
Por sipas tij janë disa nga mediat amerikane që po raportojnë "gënjeshtra", duke thënë të kundërtën. Trump ka nxjerrë emrat e këtyre mediave që janë CNN, NBC news, ABC news dhe gazetarët përkatës. Ai shton më tej se këto media mashtrojnë në raportimet e tyre dhe prandaj shikueshmëria e tyre është në nivelin më të ulët të të gjitha kohërave.
POSTIMI I TRUMP:
Vendet që ne goditëm në Iran u shkatërruan plotësisht dhe të gjithë e dinë këtë. Vetëm lajmet e rreme do të thoshin diçka të ndryshme në mënyrë që të përpiqeshin të poshtëronin, sa më shumë që të ishte e mundur. Dhe madje edhe ata thonë se ishin "shumë mirë të shkatërruara!"
Ata që punojnë shumë në këto raportime gënjeshtra janë Allison Cooper i "Lajmeve të rreme" CNN, budallai Brian L. Roberts, Kryetar i "Con"cast, Jonny Karl i "Lajmeve të rreme" të ABC, dhe NBC "Lajme të rreme" të Concast. Nuk mbaron kurrë me mashtruesit në media, dhe kjo është arsyeja pse shikueshmëria e tyre është në nivelin më të ulët të të gjitha kohërave - ZERO BESUESHMËRI!
SHBA- Avionët amerikanë u zhvendosën nga baza ajrore Al Udeid në Katar javën e kaluar, sipas një imazhi satelitor të marrë më 19 qershor, i cili tregon pista pothuajse të zbrazëta. Kjo do të thotë që aeroplanët u zhvendosën përpara se Irani të niste një sulm me raketa në Al Udeid të hënën, në përgjigje të sulmit të SHBA-së ndaj objekteve të saj bërthamore gjatë fundjavës.
Dy zyrtarë të mbrojtjes i thanë CNN javën e kaluar se aeroplanët u dërguan në vende të tjera si pjesë e përpjekjeve të ushtrisë amerikane për të mbrojtur asetet dhe pajisjet e saj në Lindjen e Mesme mes konfliktit midis Iranit dhe Izraelit. Për më tepër, të gjitha anijet e Marinës Amerikane që ishin vendosur përpara në Aktivitetin e Mbështetjes Detare në Bahrein — baza e Marinës Amerikane në vendin ishullor — u larguan nga porti javën e kaluar. Nuk është e qartë se ku shkuan aeroplanët dhe anijet.
IRAN- Këshilli i Lartë i Sigurisë Kombëtare i Iranit thotë në një deklaratë se, ndërsa Irani "shkatërroi" bazën ajrore amerikane në Katar, sulmi në asnjë mënyrë “nuk paraqet ndonjë rrezik për Katarin ose popullin e tij”.
Më tej në deklaratë thuhet se Irani “mbetet i përkushtuar për të ruajtur dhe vazhduar marrëdhëniet e tij të ngrohta dhe historike” me Katarin.
Deklarata e Këshillit Suprem të Sigurisë Kombëtare të Iranit, e cituar nga media shtetërore e Iranit, thotë se numri i raketave të përdorura ishte i njëjtë me numrin e bombave që SHBA-të kishin përdorur në tre centrale bërthamore iraniane.
Pak çaste më parë, qeveria e Katari tha se sistemet e saj të mbrojtjes ajrore kishin kapur të gjitha raketat iraniane dhe se nga sulmi nuk ka pasur viktima.
IRAN- Irani e koordinoi sulmin e tij ndaj bazës ajrore amerikane në Katar me zyrtarët e Katarit. Sipas raportimet, Teherani dha njoftim paraprak që sulmet të mos kishte viktimat. Irani dëshironte të hakmerrej simbolikisht për sulmet amerikane në centralet e tij bërthamore të dielën, por gjithashtu kërkoi të sigurohej që të dyja palët të mund të ulnin tensionet lehtësisht. Ky është një rast i ngjashëm me atë të vitit 2020 kur Irani njoftoi Irakun përpara se të qëllonte me raketa një bazë amerikane në përgjigje të vrasjes së gjeneralit të lartë iranian Qasem Soleimani.
Irani nisi një sulm të fuqishëm dhe shkatërrues me raketa në Bazën Ajrore Al Udeid në Katar, në përgjigje të sulmit të SHBA-së ndaj objekteve të tij bërthamore. Irani kishte kërcënuar më parë se do të hakmerrej kundër SHBA-së pas sulmeve në centralet e saj bërthamore gjatë fundjavës. Më parë, diplomatët perëndimorë folën për një kërcënim të menjëhershëm dhe të besueshëm që synonte bazën amerikane Al Udeid.
Al Udeid është një bazë masive jashtë kryeqytetit të Katarit, Doha, dhe është selia e Komandës Qendrore të SHBA-së për të gjitha operacionet e saj ajrore në Lindjen e Mesme. Baza gjithashtu strehon një personel ushtarak britanik.
DOHA- Irani nisi sot hakmarrjen për sulmet amerikane të dielën që synonin tre nga centralet e tij bërthamore, duke qëlluar të paktën 10 raketa në bazat amerikane në Katar dhe Irak. Irani ka lëshuar të paktën 10 raketa drejt bazave amerikane në Katar dhe një drejt Irakut.
Katari ka praninë më të madhe ushtarake amerikane në Lindjen e Mesme, me më shumë se 8,000 trupa të stacionuara në Bazën Ajrore Al Udeid jashtë kryeqytetit Doha. Ushtria amerikane gjithashtu mban një prani në Bazën Ajrore Ain Al Asad në provincën Anbar të Irakut. Shpërthime u dëgjuan mbi Doha, ndërsa qielli u ndriçua nga raketa dhe kapja e tyre nga mbrojtja ajrore e Katarit.
Sipas agjencisë iraniane të lajmeve Tasnim, operacioni raketor i Iranit kundër bazave amerikane në Katar dhe Irak ka filluar nën emrin "Shpallja e Fitores". Garda Revolucionare e Iranit e përshkroi sulmin si një mesazh "të qartë dhe eksplicit" për Shtëpinë e Bardhë, duke paralajmëruar se Irani "nuk do të lërë pa përgjigje asnjë sulm ndaj integritetit të tij territorial, sovranitetit apo sigurisë kombëtare në asnjë rrethanë".
Këshilli i Sigurisë Kombëtare i Iranit, në një deklaratë të publikuar nga Tasnim, tha se sulmi përfshinte të njëjtin numër bombash që SHBA-të përdorën në sulmet e tyre ndaj objekteve bërthamore të Iranit, pa dhënë shifra të sakta. Këshilli tha se sulmi i Iranit "nuk përbën asnjë kërcënim për vendin tonë mik dhe vëllazëror, Katarin". Katari dënoi sulmin iranian, të cilin tha se u pengua me sukses nga mbrojtja e tij ajrore, dhe kërcënoi të hakmerret “drejtpërdrejt”.
KATAR- Një banor i Dohas dhe baba i dy fëmijëve tha se shpërthime të forta tronditën qytetin, por autoritetet e Katarit nuk u dhanë asnjë paralajmërim qytetarëve që të strehoheshin. Ai shtoi se u habitën nga sulmet dhe menjëherë nxituan të strehohen.
“Fëmijët tanë u habitën plotësisht dhe nuk dinin çfarë të bënin kur i nxituam drejt strehimit. Nuk kishte asnjë paralajmërim nga autoritetet e Katarit për t'u strehuar. Duket se ka shumë të shtëna dhe sulme”, tha ai.
Irani nisi një sulm të fuqishëm dhe shkatërrues me raketa në Bazën Ajrore Al Udeid në Katar, në përgjigje të sulmit të SHBA-së ndaj objekteve të tij bërthamore. Irani kishte kërcënuar më parë se do të hakmerrej kundër SHBA-së pas sulmeve në centralet e saj bërthamore gjatë fundjavës. Më parë, diplomatët perëndimorë folën për një kërcënim të menjëhershëm dhe të besueshëm që synonte bazën amerikane Al Udeid.
Al Udeid është një bazë masive jashtë kryeqytetit të Katarit, Doha, dhe është selia e Komandës Qendrore të SHBA-së për të gjitha operacionet e saj ajrore në Lindjen e Mesme. Baza gjithashtu strehon një personel ushtarak britanik.
IRAN- Trupa e Gardës Revolucionare Islamike në një deklaratë ka njoftuar se Irani ka nisur një sulm të fuqishëm dhe shkatërrues me raketa në Bazën Ajrore Al Udeid në Katar, në përgjigje të sulmit të SHBA-së ndaj objekteve të tij bërthamore.
Më tej në reagim Garda ka theksuar se nuk do të lërë kurrë pa përgjigje asnjë agresion kundër integritetit të saj territorial, sovranitetit apo sigurisë kombëtare.
"Republika Islamike e Iranit, duke u mbështetur te Zoti i Plotfuqishëm dhe te populli besnik dhe krenar i Iranit, nuk do të lërë kurrë pa përgjigje asnjë agresion kundër integritetit të saj territorial, sovranitetit apo sigurisë kombëtare", thuhet në deklaratë.
Irani kishte kërcënuar më parë se do të hakmerrej kundër SHBA-së pas sulmeve në centralet e saj bërthamore gjatë fundjavës. Më parë, diplomatët perëndimorë folën për një kërcënim të menjëhershëm dhe të besueshëm që synonte bazën amerikane Al Udeid.
Al Udeid është një bazë masive jashtë kryeqytetit të Katarit, Doha, dhe është selia e Komandës Qendrore të SHBA-së për të gjitha operacionet e saj ajrore në Lindjen e Mesme. Baza gjithashtu strehon një personel ushtarak britanik.
KATAR- Pas sulmeve të Iranit ndaj bazave amerikane, Katari ka thënë se rezervon të drejtën për t'u përgjigjur drejtpërdrejt dhe në përputhje me ligjin ndërkombëtar.
Gjithashtu është bërë me dije se nuk ka viktima në bazën ushtarake amerikane al Udeid në Doha, pas sulmit të Iranit ndaj kësaj strukture. Katari tha se mbrojtja e tij ajrore ka interceptuar raketat iraniane.
"Jemi të sigurt se mbrojtja ajrore e Katarit pengoi sulmin dhe interceptoi me sukses raketat iraniane. Një deklaratë që sqaron rrethanat e sulmit do të lëshohet më vonë nga Ministria e Mbrojtjes.", thuhej më tej në deklaratën e Katarit.
Statement from the Qatari Ministry of Defense in response to the ballistic missile attack moments ago by Iran:
— OSINTdefender (@sentdefender) June 23, 2025
“The Ministry of Defense announced that Qatari air defenses successfully intercepted a missile attack targeting Al Udeid Air Base.
Thanks to God and the vigilance of…
Agjencia e lajmeve Tasnim e Iranit ka thënë se sulmi me raketa që sapo u raportua është një operacion i quajtur "shpallja e fitores". Raketat e nisura nga Irani kanë synuar bazat amerikane në Katar dhe Irak.
Pak më herët, Katari njoftoi mbylljen e hapësirës ajrore. Njoftimi erdhi pak orë pasi Mbretëria e Bashkuar dhe SHBA-të paralajmëruan qytetarët e tyre atje të strehohen. E gjitha kjo vjen pasi SHBA-të kryen sulme ajrore ndaj centraleve bërthamore iraniane gjatë fundjavës.
SHBA- Shtëpia e Bardhë dhe Departamenti i Mbrojtjes po monitorojnë nga afër kërcënimet e mundshme ndaj bazës ajrore al Udeid në Katar.
Kështu deklaroi një zyrtar i lartë i Shtëpisë së Bardhë, pas një sulmi me raketa iraniane që shënjestroi bazën ushtarake amerikane në vend. Ndërkohë, presidenti Donald Trump është gjithashtu në Dhomën e Situatave me ekipin e tij tani, raporton Sky News.
Irani dhe Izraeli janë futur në javën e dytë të konfliktit dhe shkëmbimit të sulmeve me raketa mes tyre. Ndërkohë një ditë më parë, pjesë e konfliktit u bë dhe SHBA, duke sulmuar objektet bërthamore iraniane. Kjo përfshirje e Amerikës rriti po ashtu frikën gjë për zgjerimin e konflikit në Lindjen e Mesme.
IRAN- Agjencia e lajmeve Tasnim e Iranit ka thënë se sulmi me raketa që sapo u raportua është një operacion i quajtur "shpallja e fitores". Raketat kanë synuar bazat amerikane në Katar dhe Irak, sipas raportimeve.
Burime ushtarake i kanë thënë agjencisë së lajmeve Reuters se sistemi i mbrojtjes ajrore është aktivizuar në bazën ajrore Ain al Asad në Irak.
Irani kishte kërcënuar më parë se do të hakmerrej kundër SHBA-së pas sulmeve në centralet e saj bërthamore gjatë fundjavës.
KATAR- Irani ka lëshuar raketa në një bazë amerikane në Katar dhe një tjetër raketë në një bazë amerikane në Irak, në hakmarrje për sulmet e Uashingtonit në centralet bërthamore të Republikës Islamike gjatë fundjavës.
Zhurma e disa shpërthimeve u dëgjuan mbi kryeqytetin e Katarit, Doha. Më parë, diplomatët perëndimorë folën për një kërcënim të menjëhershëm dhe të besueshëm që synonte bazën amerikane Al Udeid.
Al Udeid është një bazë masive jashtë kryeqytetit të Katarit, Doha, dhe është selia e Komandës Qendrore të SHBA-së për të gjitha operacionet e saj ajrore në Lindjen e Mesme. Baza gjithashtu strehon një personel ushtarak britanik.
NOW: ???? Doha, Qatar. pic.twitter.com/HB6e0yQ4T3
— Iran Military ( Commentary) (@IranMilitary_ir) June 23, 2025
IRAN- Presidenti iranian, Masoud Pezeshkian, tha se Irani nuk ka filluar dhe as nuk dëshiron luftë, por nuk do ta lërë pa përgjigje atë që e quajti agresion kundër vendit. Në një postim në "X", Pezeshkian shprehet se nuk do ta lënë pa mbrojtje popullin iranin dhe do t'i përgjigjen "çdo plage në trupin e Iranit".
"Ne as nuk e nisëm luftën dhe as nuk e deshëm atë; por nuk do ta lëmë agresionin kundër Iranit të Madh pa përgjigje.
Me gjithë qenien tonë, ne do të mbrojmë sigurinë e këtij #populli, #Zoti do të na ruajë, të dashur, dhe ne do t'i përgjigjemi çdo plage në trupin e Iranit me besim, mençuri dhe vendosmëri.", thuhet në postim.
ما نه آغازگر جنگ بودیم، نه خواهان آن؛ اما تجاوز به #ایران_بزرگ را بیپاسخ نمیگذاریم.
— Masoud Pezeshkian (@drpezeshkian) June 23, 2025
با تمام وجودمان پای امنیت این #ملت_عزیز خواهیم ایستاد و هر زخمی بر پیکر ایران را با ایمان، عقل و اراده پاسخ می دهیم.
مردم، #خدا مراقب ماست. pic.twitter.com/gXKq2YVfNl
KATAR- Agjencia e lajmeve Reuters raportoi për një seri shpërthimesh mbi Doha, kryeqytetin e Katarit. Shpërthime u dëgjuan vonë pasditen e së hënës mbi Katar. Sipas një zyrtari izraelit, Irani lëshoi gjashtë raketa në bazat amerikane në Katar. Më parë, diplomatët perëndimorë folën për një kërcënim të menjëhershëm dhe të besueshëm që synonte bazën amerikane Al Udeid.
Al Udeid është një bazë masive jashtë kryeqytetit të Katarit, Doha, dhe është selia e Komandës Qendrore të SHBA-së për të gjitha operacionet e saj ajrore në Lindjen e Mesme. Baza gjithashtu strehon një personel ushtarak britanik.
Përveç kësaj, Wall Street Journal raporton se Irani ka pozicionuar lançues raketash për një sulm të mundshëm ndaj forcave amerikane. Mbyllja e hapësirës ajrore të Katarit është jashtëzakonisht e rëndësishme, dhe vjen vetëm pak orë pasi Mbretëria e Bashkuar dhe SHBA-të paralajmëruan qytetarët e tyre atje të strehohen.
E gjitha kjo vjen pasi SHBA-të kryen sulme ajrore ndaj lokacioneve bërthamore iraniane gjatë fundjavës. Sistemet e mbrojtjes ajrore të Iranit u aktivizuan për të kapur “objektiva armiqësore” në qytetin Ahvaz, në rajonin jugperëndimor të vendit.
