Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
•Qytetarët e Kukësit iu drejtuan sot qendrave të votimit për të zgjedhur kryebashkiakun e ri, pas videoskandalit seksual me Safet Gjicin, i cili u filmua duke kryer marrëdhënie intime në zyrë me një vajzë. •Procesi u zhvillua në 74 Qendra Votimi, një prej të cilave në institucionin e paraburgimit në Kukës.• Në garë ishin Albert Halilaj i PS dhe Emri Vata i koalicionit 'Bashkë Fitojmë'. •Qendrat e votimit u hapën prej orës 07:00. •Tashme ka nisur procesi i numërimit të votave.
10 artikuj për këtë temë.
TIRANË- Kreu i KQZ, Ilirjan Celibashi ka reaguar për zgjedhjet në Kukës. Ai u ka bërë thirrje subjekteve politike pjesëmarrëse në zgjedhjet për kryebashkiakun e Kukësit, që të emërojnë anëtarët e grupeve të numërimit të votave pa humbur kohë.
“Pas përfundimit të marrjes në dorëzim të të gjitha kutive të votimit dhe pranimit të tyre të rregullta në masën 100% nga KZAZ Kukës, KQZ Shqipëri i bën thirrje subjekteve zgjedhore që kanë të drejtë të emërojnë anëtarët e Grupeve të Numërimit të Votave që të veprojnë pa humbur kohë dhe të vijojnë me detyrimin ligjor të numërimit të votave në mënyrë të pandërprerë.”- shkruan Celibashi.
Qytetarët e Kukësit votuan këtë të diel, në zgjedhjet e parakohshme vendore, për kryetarin e ri të bashkisë.
Procesi i votimit u mbyll në orë 19:00, pasi votuan rreth 50 për qind e zgjedhësve. Më pak qytetarë ushtruan të drejtën e votës, krahasuar me zgjedhjet e 14 majit, ku fitoi socialisti Safet Gjici, mandati i të cilit zgjati pak për shkak të skandalit seksual, ku ai u përfshi.
Në garë për të marrë drejtimin e bashkisë të Kukësit janë kandidati i Partisë Socialiste, Albert Halilaj dhe kandidati i koalicionit “Bashkë Fitojmë”, Emri Vata. Edhe në këto zgjedhje, Partia Demokratike zgjodhi që të mos dalë me kandidat./Dosja.al
KUKËS- Mbyllet procesi zyrtar i votimit për zgjedhjet e pjesshme në Bashkinë Kukës. Në zgjedhjet e sotme në Kukës kishin të drejtë të vote 45 900 persona. Sipas KQZ, gjithsej janë ngritur 74 qendra votimi për garën e parakohshme mes Albert Halilit nga Partia Sociualiste dhe Emri Vatës nga Koalicioni “Bashkë Fitojmë”.
Ky proces i përsëritur zgjedhor, siç është shprehur dhe vetë kreu i Komisionit Qendror i Zgjedhjeve i ka kushtuar buxhetit të shtetit 25 milionë lekë. Qendrat e votimit u hapën në orën 07:00 të mëngjesit dhe qëndruan hapur, deri në orën 19:00.
/Dosja.al
KUKËS- Kreu i KQZ, Ilirjan Celibashi ndodhet në Kukës ku po vëzhgon nga afër procesin zgjedhor. Ai tha në një deklaratë për mediat se nuk janë raportuar probleme teknike.
Gjithashtu sa i përket denoncimit nga kolacioni "Bashkë fitojmë" duke nxjerrë pamjet e personave që sipas tyre pyesin dhe mbajnë shënim të gjithë emrat e atyre që votojnë, Celibashi ka sqaruar se i ka vizituar qendrat dhe nuk ka raportim për problematika.
"Ardhja ime këtu në Kukës nuk lidhet me ndonjë shkak që lidhet me problematika të mundshme ardhja ime këtu në Kukës. Thjesht kemi ardhur me një ekip të madh për të asistuar për aq sa mund të ketë nevojë gjithë pjesën e administratën zgjedhore që merret me administrimin e procesit zgjedhor. Nga çfarë është raportuar nuk rezulton se ka pasur probleme në aspektin teknik të zhvillimit të procesit. Janë prezantuar disa shqetësime nga përfaqësues së koalicionit ‘Bashkë Fitojmë’ në lidhje me prezencën në disa qendra të votimit të personave që mbanin shënim zgjedhësit që shkonin për të votuar. Kemi shkuar në këto qendra, të paktën në atë kohë nuk ka rezultuar që ka pasur njerëz dhe në përgjithësi nuk ka raportim për problematika. E kemi adresuar si shqetësim“, tha Celibashi.
KUKËS- Zgjedhjet në Kukës vijojnë ende, ku deri më tani nuk është raportuar asnjë problematikë. Deri në orën 13:00, sipas KQZ kanë votuar 24.82% e qytetarëve me të drejtë vote.
Në garë janë Albert Halilaj i PS dhe Emri Vata i koalicionit 'Bashkë Fitojmë'. Qendrat e votimit janë hapur që prej orës 07:00, ndërsa do të qëndrojnë të hapura deri në orën 19:00.
KUKËS- Ditën e sotme qytetarët e Kukësit u janë drejtuar qendrave të votimit për të zgjedhur kryebashkiakun e ri, pas video-skandalit seksual të Safet Gjicit, i cili u filmua duke kryer marrëdhënie intime në zyrë me një vajzë.
Qendrat e votimit janë hapur që prej orës 07:00, ndërsa do të qëndrojnë të hapura deri në orën 19:00.
Partia Demokratike ka denoncuar praninë e personave të paautorizuar në qendrat e votimit sot në Kukës. Me foto nga qendrat e votimit, PD KA nxjerrë pamjet e personave që sipas tyre pyesin dhe mbajnë shënim të gjithë emrat e atyre që votojnë, ndërsa theksojnë se ata nuk janë të autorizuar që të qëndrojnë pranë qendrave të votimit.
“Patronazhistët e Rilindjes sot janë në krye të detyrës, edhe pse në kundërshtim me ligjin. Drejtorë shkollash, Hipotekës, apo dhe institucioneve të tjera, janë në krye të detyrës , për të devijuar dhe kontrolluar votat. Ata janë fotografuar në qendërat e votimit. KQZ e thotë qartë se nuk lejohen me kodin zgjedhor brenda ambienteve të qendrave të votimit. Ne do t’i paraqesim në OSBE-OHDIR faktet dhe provat, dhe në prokurori të gjitha këto raste të patronazhistëve. Pa zgjedhje të lira, nuk ka zgjedhje.”, thanë në një deklaratë për mediat, përfaqësues të Partisë Demokratike.
KUKËS- Kandidati i koalicionit 'Bashkë Fitojmë' në Bashkinë e Kukësit, Emri Vata ka votuar për të zgjedhur të parin e Kukësit. Pas procesit të votimit, Vata ka deklaruar për mediat se kjo është një ditë e shenjtë për Kukësin, kuksianet dhe familjet kuksiane dhe për të ardhmen e Kukësit. Vata ka ftuar gjithë banorët e Kukësit që ti drejtohen masivisht kutive të votimit, për të shprehur vullnetin e tyre në mënyrën më të mirë të mundshme të lirë dhe demokratike.
"Përshëndetje për të gjithë qytetarët kuksiane. Sot është një ditë e shënuar sot është një ditë e shenjtë për Kukësin, kuksianet dhe familjet kuksiane dhe për të ardhmen e Kukësit. I ftoj të gjithë banorët e Kukësit që ti drejtohen masivisht kutive të votimit, për të shprehur vullnetin e tyre në mënyrën më të mirë të mundshme të lirë dhe demokratike. Deri tani që po flasim ne kemi evidentuar çdo problematikë dhe paligjshmërie që po tentohet për të deformuar vullnetin e zgjedhësve, të cilat do të paraqiten në një komunikatë tjetër. Deri në këto momente ka qënë e qetë situata por tentativat do i paraqesim. Këto zgjedhje janë të rëndësishme jo vetëm për Kukësin, jo vetëm për kuksianet por janë zgjedhje të rëndësishme përtej Kukësit, janë zgjedhje të rëndësishme për gjithë Shqipërinë," tha Vata.
KUKËS- Zgjedhjet në Kukës po vazhdojnë, ku deri më tani nuk është raportuar asnjë problematikë. Deri në orën 11:00 kanë votuar 13.77% e qytetarëve me të drejtë vote.
Në garë janë Albert Halilaj i PS dhe Emri Vata i koalicionit 'Bashkë Fitojmë'. Qendrat e votimit janë hapur që prej orës 07:00, ndërsa do të qëndrojnë të hapura deri në orën 19:00.
KUKËS- Zgjedhjet në Kukës po vazhdojnë, ku deri më tani ka votuar dhe kandidati i PS-së Albert Halilaj. Deri në orën 10:00 kanë votuar 8.80% e qytetarëve me të drejtë vote.
Në garë janë Albert Halilaj i PS dhe Emri Vata i koalicionit 'Bashkë Fitojmë'. Qendrat e votimit janë hapur që prej orës 07:00, ndërsa do të qëndrojnë të hapura deri në orën 19:00.
KUKËS- Kandidati socialist në Kukës Albert Halilaj ka hedhur votën e tij në kutine e votimit mëngjesin e sotëm. Pasi ka votuar, Halilaj u ka bërë thirrje qytetarëve që të dalin në votime dhe të zgjedhin alternativën më të mirë për qytetin e tyre.
“Ju falënderoj që jeni prezent. Unë nga qytetarët e Kukësit pres pjesëmarrje votim, për të votuar një djalë që do i shpërbej Kukësit. E vetmja fushatë që s’kemi pas një incident, i përgëzoj për vlerat që kanë përcjell. I ftoj të votojnë alt më të mirë dhe më bindëse për këtë qytet të mrekullueshëm”, tha Halilaj.
KUKËS- Zgjedhjet në Kukës po vazhdojnë me ritme normale. Deri më tani, kanë votuar 4.13% e qytetarëve me të drejtë vote.
Në garë janë Albert Halilaj i PS dhe Emri Vata i koalicionit 'Bashkë Fitojmë'. Qendrat e votimit janë hapur që prej orës 07:00, ndërsa do të qëndrojnë të hapura deri në orën 19:00.
