Opozita mungon në Kuvend në nderim të Gert Bogdanit, mazhoranca miraton e vetme projektligjin për punën e detyruar të studentëve të mjekësisë

kuvendi

TIRANË- Ka përfunduar seanca e sotme plenare në Kuvend, e cila zgjati jo më shumë se 40 minuta.

Në sallën e Kuvendit ishin të pranishëm vetëm deputetët e mazhorancës.

Opozita u largua menjëherë pasi u mbajt një minutë heshtje në nder të ish-deputetit, Gerti Bogdani. 

kuvendi

TIRANË- Kuvendi ka miratuar me 74 vota pro, 0 kundër, 1 abstenim, Kuvendi ka miratuar ditën e sotme, projektligjin për një shtesë dhe disa ndryshime në ligjin 60/2023, për trajtimin e veçantë të studentëve që ndjekin programin e integruar të studimit të ciklit të dytë "Mjekësi e përgjitshme”, në institucionet publike të arsimit të lartë.

Miratimi i projektligjit është bërë vetëm me votat e mazhorancës, pasi deputetët e Partisë Demokratike janë larguar nga salla. Opozita ka anulluar çdo aktivitet politik në nderim të ish-kolegut të tyre, Gert Bogdanit, i cili është ndarë nga jeta si pasojë e një arresti kardiak.

Propozimi për uljen e viteve të detyrimit të studentëve te Mjekësisë për të punuar në Shqipëri pas diplomimit në 3 vite për vitet e para, dy vite për studentët e viteve 2-4 si dhe një vit për ata të viteve 5 dhe 6 është diskutuar edhe në Komisionin e Ligjeve dhe të Edukimit, më 16 shtator ku opozita hodhi akuza për tarifën e studimit duke thënë se kostoja në relacion ishte 3-fish më e lartë.

Diskutimet në Kuvend për këtë ligj rinisën pasi Gjykata Kushtetuese shfuqizoi pjesërisht ligjin për studentët e Mjekësisë. Argumenti i Kushtetueses se afati 5 vjetor është jo-proporcional, ka bërë që qeveria të propozojë që ky afat të ulet në 3 vite për ata që fillojnë rishtas, për studentët e vitit të dytë e deri në atë të katërt në 2 vite dhe për studentët e vitit të pestë e të gjashtë në vetëm një 1.

kuvendi

TIRANË- Deputetët e Partisë Demokratike, janë larguar nga salla e seancës plenare, pas mbajtjes së një minuti heshtje në nder të ish-kolegut të tyre, Gert Bogdanit, i cili u nda dje nga jeta. 

Në nderim të figurës së ish-deputetit, Partia Demokratike e shpalli ditë zie këtë të enjte. Në të gjitha selitë e Partisë Demokratike flamuri kombëtar dhe flamuri i PD janë ulur  në gjysmështizë dhe në orën 12:00 është mbajtur një minutë heshtje në të gjitha selitë e Partisë Demokratike.

kuvendi

TIRANË- Seanca e sotme plenare ka nisur me 1 minutë heshtje në nder të ish-deputetit demokrat Gerti Bogdani, i cili u përcoll ditën e sotme për në banesën e fundit. 

Kryetarja e Kuvendit, Elisa Spiropali tha gjatë fjalës së saj se Gerti Bogdani do të mbahet mend si njeriu serioz dhe ekselent në çdo pikëpamje

“Ishte një politikan me integritet të madh, që shërbeu me përkushtim në qeverisjen vendore në Tiranë, por edhe në dy legjislatura në Kuvendin e Shqipërisë. Gerti Bogdani do të mbahet mend si njeriu serioz, fjalëmatur, qytetar, ekselent në çdo pikëpamje. Dhe kështu do të mbetet në kujtesën tonë, në kujtesën e çdo qytetari”, tha Spiropali.

Deputetët e Partisë Demokratike pas nisjes së seancës janë larguar nga salla e Kuvendit, ashtu siç kishin lajmëruar se do të anulonin çdo aktivitet partiak në të gjithë vendin. 

Ndërkohë mazhoranca ka vijuar me rendin e ditës, kur një ndër pikat më të rëndësishme është ajo që ka të bëjë me studentët e Universitetit të Mjekësisë, konkretisht, projektligji  “Për një shtesë dhe disa ndryshime në ligjin nr. 60/2023 “Për trajtimin e veçantë të studentëve që ndjekin programin e integruar të studimit të ciklit të dytë “Mjekësi e Përgjithshme” në institucione publike të arsimit të lartë”.