Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Një operacion antidrogë është finalizuar gjatë natës në Vlorë. • Policia ka kapur një sasi të konsiderueshme kanabisi prej rreth 500 kg. • Droga ishte e ndarë në 34 pako dhe e kompresuar. • Droga është sekuestruar në një furgon dhe ishte gati për tu transportuar drejt Turqisë. • Nga operacioni janë arrestuar 7 persona, ndërkohë që janë shpallur në kërkim disa të tjerë. • Të arrestuarit janë Idriz Meminaj, Romir Meninaj, Emanuel Meminaj, Nertin Gjoni, Xhuljanao Gjoni, Laurent Likaj, Altin Meci. • Nga operacioni, janë sekuestruar dy armë zjarri dhe 4 automjete, si edhe 8 aparate celularë.
5 artikuj për këtë temë.
VLORË- Policia në Vlorë ka nxjerr detaje në lidhje me rrjetin kriminal për trafikun e drogës. Gjatë një deklaratë për mediat, policia ka deklaruar se rrjeti vepronte në mënyrë të organizuar dhe drogën e transportonin në rrugë detare drejt Turqisë. Nga operacioni, janë sekuestruar dy armë zjarri dhe 4 automjete, si edhe 8 aparate celularë.
“Vepronin në mënyrë të organizuar për të trafikuar kanabis drejt Turqisë në rrugë detare. Shtetasit e mësipërm kishin ambalazhuar dhe përpunuar lëndën narkotike në magazinën e dy vëllezërve R.M dhe I.M, më pas në automjetin e drejtuar nga shtetasi N.GJ. po e transportonin në afërsi të vijës ujore me qëllim transportin në rrugë detare drejt Turqisë. Në lagjen 11 janari u bllokua automjeti që drejtohej nga shtetasi N.Gj, gjatë kontrollit të mjeti u gjetën 34 pako të madhësive të ndryshme të mbushura me kanabis në formë boçeje me peshë totale 500 kg. Operacioni vijoje me kontrollin e magazinën ku u kapën dy vëllezërit, janë kapur edhe personat e tjerë dhe po vijon puna për kapjen e shtetasve në kërkim. Gjatë kontrolleve të banesave janë gjetur dy armë zjarri dhe 4 automjete, si edhe 8 aparate celularë. Këta shtetasit vepronin në formën e një grupi për të prodhuar. ambalazhuar dhe trafikuar jashtë vendit drogën. Operacioni është në vijim dhe po hetohet për të identifikuar personat e tjerë të implikuar”, tha policia.
VLORË- Policia ka dalë në deklaratë për mediat, në lidhje me operacionin antidrogë të zhvilluar gjatë natës në Vlorë. Mësohet se në operacion, kanë marrë pjesë forcat RENEA, të cilat kanë bërë të mundur ndalimin e grupit kriminal që po transportonte drogë.
Gjithsej janë sekuestruar 34 pako me kanabis të kompresuar, të cilat peshonin rreth 500 kg. Ndërkohë që në pranga kanë rënë 7 persona, ndërsa janë shpallur në kërkim dhe disa të tjerë.
Të arrestuarit:
Idriz Meminaj
Romir Meninaj
Emanuel Meminaj
Nertin Gjoni
Xhuljanao Gjoni
Laurent Likaj
Altin Meci
VLORË- Detaje të reja kanë dalë nga operacioni policor në Vlorë. Mësohet se në pranga kanë rënë 7 persona.
Ndërkohë që në operacionin e mbrëmshëm kanë marrë pjesë dhe forcat RENEA. Personat e arrestuar ende nuk dihet se kush janë, pasi policia ende nuk ka dalë me një njoftim për ngjarjen.
VLORË- Detaje të reja kanë dalë nga operacioni antidrogë në Vlorë. Mësohet se nga policia janë sekuestruar gjithsej 30 pako me kanabis.
Dyshohet se gjithsej ishin 400 kg kanabis. Ndërkohë që policia, ka vënë në pranga gjithashtu dhe disa persona.
VLORË- Një operacion antidrogë është bërë gjatë natës së kaluar në Vlorë. Mësohet se një sasi e madhe kanabisi është sekuestruar nga policia.
Kanabisi i sekuestruar ishte presuar dhe po trafikohej me furgon. Ende nuk dihet se ku ishte destinacioni se ku do të transportohej kanabisi.
