Nuk janë plotësuar kërkesat e tyre, sindikata e pedagogëve në protestë: Do të bojkotojmë mësimin

Fatos Lubonja

TIRANË- Publicisti Fatos Lubonja ka marrë pjesë në protestën e pedagogëve ditën e sotme. Gjatë fjalës së tij, Lubonja u shpreh se ne si vend nuk besojmë te njëri-tjetri dhe se sipas studimeve vendi ynë është në fund. Po ashtu Lubonja ka ironizuar kryeministrin Rama, në kohën që dëshironte të sillte punonjës nga Bangladeshi në Shqipëri.

"Për një kohë të gjatë jemi përpjekur për ta ndyshuar për mirë Shqipërine dhe kemi arritur në fund fare. Është një qendër studimesh mbi nje temë që i është drejtuar vendeve europiane. Sa duhet të besojmë te të tjerët dhe pergjigja ishte tronditëse për listën shqiptare. E fundit ishte Shqipëria me 2.8% që besonin te të tjerët. Ke një kryeminisitër i cili kur i thonë se nuk kemi punëtorë, i është përgjigjur, unë të këshilloj të marrësh bangaldeshas, madje sapo të filloj të mësojnë shqip dhe të belbëzojnë liri demokraci, hiqini dhe merrni të tjerë. Kjo është gjendja. Ka të bëjë me shkatërrimin e shkatërrimeve që i ka ndodhur këtij vendi. Është rrethuar me keto kulla absurde të pastrimit të parave të pista. Shkatërrimi kryesor është i atij njeriu që nuk beson te njeriu shqiptar. Restarti duhet të filloj nga njeriu. Të ndërtojmë një njeri që nuk mendon vetëm për vete. Mendoj se është një çështje shumë e rëndësishme që jeni mbledhur ju ktu, s’ka të bëjë thjeshtë me shtim rrogash, por me riformulimin e Arsimit të Lartë. Si ka mundësi të bësh shkolla pa mësues fizike, biologjie, kimie,” tha Lubonja.

Pedagogu

TIRANË- Një tjetër pedagog nga Artet ka deklaruar se synimi i tyre në protestë është që të arrijnë pagën e kolegëve të tyre në Kosovë. Po ashtu ata kanë theksuar se pa një vlerësim financiar të mirë nuk ka as staf të mirë akademik. Gjithashtu pedagogët kanë krahasuar pagat e pedagogëve në vend me të Kosovës.  

"Më vjen mirë që ka një prezencë të dominuar të universitetit të arteve. Kolegët tanë janë dita ditës më të sensibilizuar për platformën e re të arsimit që janë çështjet madhore që universitetet duhet të rishikojnë. Pa vlerësim financiar të mirë nuk ka as staf akademik të mirë. Qeveria dështoi. Shtesa e rrogës është e pa konsiderueshme. Ne i qëndrojmë kërkesën që pagat të mos jenë më pak se mesatarja rajonale ose të paktën sa niveli i pagave në Kosovë. Rroga e profesorit në Kosovë 1200 euro. Profesori në Kosovë merr 3052 euro nga orët shtesë. Në një element tjetër është dhe ligji i arsimit të lartë. Ligji aktual ka instaluar autokracinë universitare. Ligji ka krijuar centralizim të skajshëm. Në universitete është shvlerësuar këshillat shkencorë. Askush nuk shqetësohet për këtë fakt. Një çështje tjetër madhore është dhe analiza financiare në Universitete. Për këtë fajtore në radh të parë është Ministria e Arsimit," tha një pedagog.  

Pedagogia

TIRANË- Pedagogët kanë dalë në protestë ditën e sotme para Universitetit Politeknik të Tiranës, për të kërkuar plotësimin e kërkesave të tyre. Duke folur nga podiumi, një pedagoge ka theksuar se atyre nuk u mbetet një tjetër veçse që të bojkotojnë mësimin. Po ashtu ajo ka theksuar se qeveria ka plotësuar pjesërisht një nga kërkesat e peticionit. 

"Qeveria plotësoi pjesërisht vetëm një nga kërkesat e peticionit, që ishte rritja me 7% të pagës. Ndërsa pjesa tjetër u la në dorë të Universiteteve. Ajo pjesë duhet të shkojë në shërbime të studentëve. Stafi tjetër nuk e merr dot shtesën prej 8%, pasi nuk paracaktohet. Me të drejtë Sindikata kërkon një ligj të veçantë për këtë. Rritja e pagës për vjetërsnë në punë nuk është zgjidhur ende. Ne nuk na mbetet gjë tjetër veçse të vjeshtën e bojkotimit, ta bëjnë pranverën e bojkotimit," tha një pedagoge.