Ndërron jetë i burgosuri në Fier, Drejtoria e Burgjeve: Nuk kishte ankesa. Të afërmit: Nuk kishte probleme shëndetësore

Te afermit

MALLAKASTËR- Të afërm të Simon Toskës, 51-vjeçarit që humbi jetën në burgun e Fierit kanë mbetur të shokuar. Duke folur për mediat, ata kanë deklaruar se Toska nuk ka pasur asnjë problem shëndetësor dhe se nuk ka qenë një njeri problematik.  

"Smoni ka qenë shumë djalë i mirë me plot gojën. Simoni kishte 2 prindërit, 2 vëllezërit dhe motrën. Lajmi ishte shumë i hidhur, na erdhi shumë keq, nuk ka vuajtur nga asnjë sëmundje, e dimë se jemi bashkëfshatar. Në 4:30 na morrën në telefon na thanë i ka rënë infarkt, ka vajtur pa shenja jete në spital. Nuk ka vuajtur nga ndonjë sëmundje, djalë më të mirë në fisin tonë nuk kishim, nuk ishte njeri problematik. Ai nuk ka vuajtur më parë nga probleme shëndetësore, ka qenë i fuqishëm, i martuar me 2 fëmijë, asnjë nga familja nuk dinë gjë”, thanë të afërmit.

Te afermit

TIRANË- Ditën e sotme ndërroi jetë Simon Toska, 51-vjeçari i cili ishte duke vuajtur dënimin në burgun e Fierit. Sipas Drejtorisë së Policisë, Toska shfaqi probleme me shëndetin, ndaj u transportua për në spital, mirëpo për fat të keq ndërroi jetë rrugës.

Të shokuar për vdekjen e papritur të 51-vjeçarit, të afërmit në fshatin Panahor të Mallakastrës, pohojnë se babai i tre fëmijëve nuk vuante nga probleme shëndetësore. Ata pohojnë se lajmin e kanë marrë nëpërmjet një telefonate në orët e para të mëngjesit të sotëm, ku janë njoftuar nga drejtoria e burgut.

“Kemi pasur hyrje dalje të vazhdueshme, Simoni ka qenë shumë djalë i mirë, jo se sot ndërroi jetë, por me plot gojë. Simoni kishte dy prindërit, motrën dhe dy vëllezërit, lajmi na erdhi shumë i hidhur. Është fatkeqësi, lajm i hidhur dhe për ne si bashkëfshatarë, nuk ka vuajtur nga asnjë sëmundje”, tregon një fqinj i familjes Toska.

“Kontaktin e fundit e kemi pasur para 3 ditësh, i kam çuar ushqime gjëra, ai ishte i dënuar me 7 vite burg, nuk e di të saktë. Në orën 4 e gjysmë të mëngjesit na lajmëruan dhe na thanë që është dërguar pa shenja jete në spital. Djalë më të mirë në fisin tonë atë kishim, nuk ishte njeri problematik. Për momentin familja nuk ka dyshime në lidhje me ngjarjen”, shprehet një prej familjarëve të Toskës.

“Ishte i martuar me 3 fëmijë, dy djem dhe një gocë. Na mori në telefon infermierja e spitalit të burgut, dhe iu kanë thënë ‘na la Simoni’. Asnjë prej familjarëve nuk di gjë më tej”, tregon një tjetër banor i fshatit./Dosja.al

Burgu

TIRANË- Drejtoria e Përgjithshme e Burgjeve ka reaguar në lidhje me vdekjen e të dënuarit, Simon Toska. Sipas Drejtorisë i dënuari një ditë më parë ka shfaqur lodhje dhe dhimbje trupi, por pas marrjes së një serumi është shfaqur në gjendje të mirë shëndetësore.

Në orët e para të mëngjesit të sotëm, ai ka shfaqur probleme me frymëmarrjen dhe ka ndërruar jetë rrugës për në spital. Toska ishte arrestuar në vitin 2021, për veprën penale të trafikut të lëndëve narkotike e kryer në bashkëpunim.

NJOFTIMI I POLICISË;

Drejtoria e Përgjithshme e Burgjeve, informon opinionin publik se me datë 04.05.2023, rreth orës 04:00 në Spitalin Rajonal Fier ka ndërruar jetë shtetasi Simon Hashim Toska, i datëlindjes 15.04.1972, i akuzuar për kryerjen e veprës penale “Prodhim dhe shitje e narkotikëve” të parashikuara nga neni,(283/2) i Kodit Penale.

– Shtetasi Simon Hashim Toska, është pranuar në IEVP Fier me masë sigurie arrest me burg, me datë 13.08.2021 dhe pas vizitës shëndetësore është pajisur me kartele klinike numër 4253.

– Që në momentin e pranimit ky shtetas është konsultuar me mjekët e institucionit, ku nuk ka referuar për ankesa klinike akute. Gjatë qëndrimit në institucion ky shtetas nuk ka paraqitur ankesa klinike dhe nuk ka marr trajtim me medikamente për patologji kronike.

– Me datë 03.05.2023, rreth orës 12:00 shtetasi Simon Toska ka referuar për lodhje dhe dobësi trupore. Presioni arterial 100/70 mm Hg, pulsi arterial në normë. Në këto kushte iu vendos një perfuzion, ku më pas referoi që ndjehej mirë dhe në gjendje të stabilizuar, nuk referoi për ankesa klinike.

– Më datë 04.05.2023 në orën 03:25 gjatë patrullimit në sektor punonjësi i policisë me shërbim njofton në radio punonjësit e shërbimit shëndetësor në detyrë, se i paraburgosuri Simon Toska ka probleme me frymëmarrjen. Pas njoftimit rreth orës 03:30 infermierët e shërbimit së bashku me grupin e sigurisë shkojnë në dhomën e shtetasit Simon Toska, në godinën e paraburgimit. Ky shtetas ka referuar për probleme, vështirësi në frymëmarrje, presioni arterial 90/60 mm Hg. Menjëherë i është dhënë ndihma e parë shëndetësore, i është aplikuar medikamenti (1 ampul) prednizolon dhe është rekomanduar të dërgohet në urgjencën e Spitalit Rajonal Fier.

– Në orën 03:34 ky shtetas është nisur për në urgjencën e Spitalit Fier, ku edhe gjatë rrugës është asistuar me masazh kardiak. Në urgjencën e Spitalit Rajonal Fier, i është dhënë ndihma mjekësore (goditja me kardio- version), në EKG konstatohet asistoli. Me gjithë ndihmën mjekësore që i është dhënë këtij shtetasi, mjekët e Spitalit Fier konkluduan se, shtetasi Simon Toska ka bërë exitus letalis (vdekje).

Burgu

FIER- Simon Toska ka mbërritur pa shenja jetë në spitalin e Fierit. Toska vuante dënimin në burgun e Fierit. 52-vjeçari shfaqi mëngjesin e sotëm shqetësime dhe komplikacione shëndetësore, e për pasojë u desh që të dërgohej në spital.

Ishte shoku i dhomës ai i cili konstatoi problemin shëndetësor e më pas njoftoi autoritetet të cilat kanë marrë masat për ta dërguar në spital. Mirëpo, 52-vjecari mbërriti pa shenja jete në spitalin e Fierit. 

Sipas Drejtorisë së Burgjeve i dënuari një ditë më parë ka shfaqur lodhje dhe dhimbje trupi, por pas marrjes së një serumi është shfaqur në gjendje të mirë shëndetësore. Toska ishte arrestuar në vitin 2021, për veprën penale të trafikut të lëndëve narkotike e kryer në bashkëpunim./Dosja.al