Ndërhyri në sherrin e autorit, dhunohet mësuesi në Tiranë, ndërron jetë në banesë

Alban Meneri

TIRANË- Alban Meneri, vrau fqinjin e tij për shkak të debatit që ai po kryente me një grua poshtë pallatit për shkak të parkimit. Një prej zonjave që jetonte në të njëjtin pallat qoftë me viktimën por edhe me autorin, ka treguar se Meneri ka pasur konflikte të vazhdueshme me banorët e lagjes. Ai pretendonte pronësinë e një hapësire që përdorej për parkim nga ana e banorëve.

Ajo tregoi se familja e Stakës jetonte jashtë vendit, dhe ai është gjetur i pajetë nga kujdestarja, e cila kishte mbërritur në banesë mëngjesin e të nesërmes.

‘Unë quhem Mimoza Krasniqi, në 2015 ne kemi pasur një konflikt gjyqësor me zotin Meneri, vendimi i gjykatës është ekzekutuar nga përmbarimi, dhe mori edhe certifikatë pronësie, edhe pse ne kemi licensë parkingu prej 30 vitesh. Hipoteka e ka pajisur me certifikatë me urdhër korigjimi, sa herë që vijnë për të parkuar, ky zihet me banorët. Personi që ka mbetur viktimë, kishte një muaj që kishte ardhur me qera, debaton me zonjën e parukerisë. Viktima del në dritare dhe i thotë mos debato me të. Jo vetëm që e ka dëmtuar me grushta, por e ka goditur edhe pasi e ka hedhur në tokë. Të nesërmen vjen kujdestarja dhe e gjen derën e mbyllur. Pasi hyri nga dritarja burri im, e kanë gjetur pa ndjenja të ftohtë. Në momentin që e kanë gjetur kanë lajmëruar policisë, ka qenë totalisht i nxirë. Personi ka marrë një autoritet, ka pasur konflikte të vazhdueshme. Iu ka dhënë lekë punonjësve të Hipotekës, ka pasur mbështetjen e policisë, të institucioneve, ka sjellë dy maune me zhavor dhe nuk janë hequr, pavarësisht ankimeve në polici”, u shpreh Krasniqi.

Alban Meneri

TIRANË- Ky është Alban Meneri, autori i cili dhunoi për vdekje fqinjin e tij, Nikolin Stakaën. Konflikti mes tyre nisi për shkak të debatit që autori po kryente me një grua poshtë pallatit për shkak të parkimit. 

Staka, 56-vjeç, me profesion mësues, i lindur në Laç dhe banues prej një muaji në Tiranë, i cili ka jetuar më parë në Belgjikë, kritikoi autorin për konfliktin që po bënte me një grua. Meneri është ndjerë i bezdisur dhe i ofenduar nga kjo kritikë dhe i ka kërkuar Stakës që të zbresë poshtë në mënyrë që të sqarohen. Pasi Staka ka zbritur poshtë, Meneri e ka qëlluar me grushte në kokë, gjymtyrë e qafë dhe është larguar nga vendi i ngjarjes, ndërsa 56-vjeçari dyshohet se ka gjetur vdekjen brenda në banesën e tij nga hemorragjia.

Konflikti ka ndodhur më datë 30, por trupi i  pajetë u gjet në banesë më datë 31. Policia ka deklaruar që Meneri është problematik dhe ka pasur edhe raste të tjera kur është përfshirë në konflikte të dhunshme.

Policia

TIRANË- Detaje të reja nga vrasja në Tiranë. Viktima Nikolin Staka, 56 vjeç, me profesion mësues, lindur në Laç dhe banues prej një muaji me qira në Tiranë ka jetuar në Belgjikë më parë.

Ditën e ngjarjes ai ka parë nga ballkoni i katit të dytë të banesës që fqinji i tij Alban Meneri po debatonte me një grua për punë parkimi, dhe i ka folur nga lart.

“Çfarë bën, si nuk të vjen zor që zihesh me gra”, mësohet t’i ketë thënë viktima 51-vjeçarit. 

Autori i ka kërkuar që të ulet poshtë dhe të flasin. 

“Zbrit poshtë se ta tregoj unë”, ka thënë autori.

Pasi janë takuar në sheshin poshtë pallatit, Mëneri e ka qëlluar me grushte në kokë, fytyrë dhe qafë Nikolinin dhe ka ikur nga vendi. Ditën tjetër, pra ditën e djeshme 56-vjeçari Staka është gjetur i pajetë në banesën e tij.

Dyshohet se ngjarja ka ndodhur më 30 korrik e se Staka të ketë ndërruar jetë nga hemorragjia. 

Policia

TIRANË- Janë zbardhur identitetet e personave të përfshirë në konflikt në Tiranë, i cili u përshkallëzua deri në vrasjen e njërit prej tyre. Dosja.al mëson se viktima është Nikolin Staka ndërsa autori Alban Meneri. 

Konflikti mes tyre nisi mbrëmjen e së shtunës në banesën e Menerit. Ishte ky i fundit i cili dhunoi Stakën e më pas e goditi me grusht në fyt. Kjo goditje ka qënë fatale për viktimën i cili ka shkuar në banesë me hemorragji, aty ku humbi jetën. Policia ka vënë në pranga autorin ndërkohë që ka nisur punën për të hetuar ngjarjen e plotë. 

Policia

TIRANË- Vrasje në kryeqytet. 56-vjeçari me inicialet N.S ka humbur jetën në banesë pasi është dhunuar për vdekje nga fqinji i tij. Forcat blu sqarojnë se autori i cili është vënë në pranga, ka dhunuar viktimën duke e qëlluar me grusht në pjesën e qafës. Kjo goditje ka qënë fatale për viktimën i cili dha sot frymën e fundit. Autori i ngjarjes është vënë në pranga ndërkohë që pritet që të zbardhen më shumë detaje për ngjarjen e rëndë pas dëshmisë së tij. 

NJOFTIMI I POLICISË:

Plagosi rëndë një shtetas, i cili si pasojë humbi jetën, vihet në pranga 51-vjeçari. Shërbimet e Komisariatit të Policisë Nr. 2 ndaluan me iniciativë shtetasin A. M., 51 vjeç, banues në Tiranë, për veprën penale "Plagosja e rëndë me dashje”, me pasojë vdekjen. Ky shtetas, gjatë një konflikti për motive të dobëta, ka goditur me grushte në pjesën e qafës, duke i shkaktuar dëmtime në laring, fqinjin e tij, shtetasin N. S., 56 vjeç, banues në Tiranë, i cili si pasojë e plagëve të marra, ka ndërruar jetë në banesë. Materialet i kaluan Prokurorisë, për veprime të mëtejshme procedurale.