Raportimi i Endri Shabanit sjell përplasje në Kuvend, PD: U zgjodh në mënyrë antikushtetuese. PS shtyn projekt-rezolutat në seancën e fundit plenare
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
• Një megaoperacion i ndarë në 5 qytete është zhvilluar ditën e sotme në Shqipëri. • Operacioni 'Flakë në det' është zhvilluar në Tiranë, Kurbin, Krujë, Durrës dhe Vlorë. • Nga megaoperacioni kanë rënë në pranga 7 persona gjithsej, mes të cilëve dhe shefi i komisariatit të Laçit, Dritan Meta. • Ndërkohë që të arrestuarit e tjerë janë 4 shqiptarë dhe 2 ukrainas, të cilët u kapën në flagrancë, duke transportuar 24 kg kanabis drejt Italisë. • SPAK ka lëshuar dhe 3 urdhër arreste për Gëzim Çelaj, Roland Muza dhe Arben Dalipaj, të cilët akuzohen për drogë dhe prostitucion. • Po ashtu po punohet për për sekuestrimin e pasurisë së Gëzim Çelajt, Nderim Çelajt, Arlind Ismailukajt dhe personave të tjerë të lidhur me ta.
8 artikuj për këtë temë.
KURBIN- Policia ka zhvilluar një megaoperacion ditën e sotme për të arrestuar Gëzim Çelën, i dënuar me 20 vite burg për drogë dhe prostitucion. Policia ditën e sotme ka zhvilluar kërkime dhe ka rrethuar banesën dhe lokalin e tij në zonën e Fushë Kuqes, në Kurbin, por nuk arritën që ta gjenin.
Kush është Gëzim Çela?
Gëzim Çela është i cilësuar si ‘baroni i drogës’. Ai është shpallur në kërkim ndërkomnëtar nga Interpoli. Fillimisht Çela u bë punonjës policie dhe më pas iu fut trafikut te heroinës. Grupi i tij u shkatërrua në vitin 2014, kur Çela dhe Valentina Tufa kishin krijuar kontakte me shtetas të ndryshëm shqiptarë në Shqipëri, Kosovë e Shtetet e Bashkuara të Amerikës, për të trafikuar kokainë nga vendet e Amerikës Latine, në drejtim të Kosovës, Shqipërisë e më tej, në vendet e Bashkimit Europian.
Gjatë operacionit, u arrestua në pikën kufitare të Morinës shtetasi Realt Hysolli, i cili po sillte 7 kilogramë kokainë për llogari të Çelës. Kjo ngarkesë ishte siguruar në Kosovë nga Valentina Tufa, e cila u arrestua në një banesë në një fshat në Pejë, ku u zbulua edhe një laborator për përpunimin e kokainës dhe u arrestua Veim Berisha, pronari i ambientit. Në të njëtën kohë, policia shqiptare organizoi operacionin për arrestimin e Gëzim Çelës.
U bënë kontrolle në banesën e tij 3 katëshe në Fushë–Kuqe të Laçit, si edhe në apartamentin e tij, në zonën e “Don Boskos” në Tiranë, por nuk u bë e mundur gjetja e tij. Çela kërkohet edhe në Itali, ku rezulton i dënuar në mungesë me 19 vjet e 9 muaj burg për disa vepra penale, trafik droge, prostitucion, armëmbajtje pa leje, favorizim të emigracionit klandestin dhe pjsëmarrje në organizatë kriminale.
LAÇ- Personi që shihni në foto është shefi i komisariatit të Laçit Dritan Meta, i cili u arrestua ditën e sotme nga operacioni 'Flakë në det'. Meta është vënë në pranga për shpërdorim detyre dhe përfshirje në aktivitet kriminal.
Ai dyshohet se kishte lidhje me grupe kriminale për trafikun e drogës dhe përmes postit që kishte, lejonte kriminelët që të vazhdonin aktivitetin e tyre kriminal në këtë zonë.
TIRANË- Drejtori i Përgjithshëm i Policisë Muhamet Rrumbullaku ka deklaruar se për 3 personat shpallur në kërkim, po punohet për sekuestrimin e pasurive. Rrumbullaku theksoi se Gëzim Çelaj, Nderim Çelaj, Arlind Ismailukaj janë shpallur në kërkim ndërkombëtar dhe po punohet për sekuestrimin e pasurive që ata kanë.
"Policia e Shtetit, në bashkëpunim me homologët dhe me agjencitë ligjzbatuese ndërkombëtare, po punon intensivisht për lokalizimin dhe kapjen e tyre, pasi nga informacionet dhe verifikimet e deritanishme rezulton se këta 3 shtetas janë jashtë territorit të Republikës së Shqipërisë. Në zbatim të vendimit të Gjykatës së Posaçme Kundër Korrupsionit dhe Krimit të Organizuar, po vazhdon operacioni në terren për sekuestrimin e pasurive të luajtshme dhe të paluajtshme të shtetasve Gëzim Çelaj, Nderim Çelaj, Arlind Ismailukaj dhe personat e tjerë të lidhur me ta, duke përfshirë shoqërinë tregëtare, automjete, mjete lundruese dhe asete të tjera," tha Rrumbullaku.
TIRANË- Drejtori i Përgjithshëm i Policisë Muhamet Rrumbullaku ka dhënë detaje nga operacioni 'Flakë në det'. Mësohet se në bashkëpunim me policinë italiane, është bërë i mundur ndalimi i një trafiku të drogës nga brigjet shqiptare drejt italianeve. Nga operacioni kanë rënë në pranga 4 shqiptarë dhe dy ukrainas, ndërkohë që janë sekuestruar 23 kg drogë.
“Fillimisht, dua t’ju sjell në vëmëndje dinamikën e megaoperacionit “Flakë në det”, i cili u organizua në bazë të inteligjencës policore dhe u realizua nga Policia e Shtetit në bashkëpunim me Prokurorinë e Posaçme, GDF-në, zyrën e Interforcës italiane në Shqipëri dhe FRONTEX-in. Në vijim të punës për goditjen e grupeve kriminale që ushtrojnë veprimtarinë e tyre në fushën e prodhimit dhe trafikimit të lëndëve narkotike, Policia e Shtetit që në fillim të këtij viti, ka shtuar masat për monitorimin në terren, duke përdorur të gjitha kapacitetet teknike dhe njerëzore që ka në dispozicion. Në përmbushje të këtij prioriteti dhe në zbatim të motos “Kufij të pakalueshëm për krimin e organizuar”, u zhvillua dhe u finalizua dhe megaoperacioni policor “Flakë në det”. Megaoperacioni filloi menjëherë pas njoftimit të strukturave monitoruese në terren, për lëvizjen e një mjeti lundrues të shpejtë, nga laguna e Patokut, në drejtimin jug-perëndim. Ky mjet lundrues ka kontaktuar në det në një distancë 12 milje një tjetër mjet lundrues tip Velierë, dhe dyshohet se shtetasit në këto 2 mjete lundruese, kanë shkëmbyer lëndë narkotike.
Në megaoperacion u përfshinë avionët e FRONTEX-it, ndërsa nga deti u përfshinë mjetet e Policisë Kufitare dhe mjete të GDF-së, të cilat kanë bërë rrethimin e velierës. Shtetasit që ndodheshin në velierë, sapo kanë konstatuar se ishin të rrethuar nga Policia, i kanë vënë zjarrin mjetit lundrues dhe me një barkë të vogël shpëtimi, kanë tentuar të largohen, por janë kapur në flagrancë. Në të njëjtën kohë kur u nderhy nga deti, Forcat Speciale “RENEA” ndërhynë nga toka, në ambientet e një lokali në lagunën e Patokut, ku qëndronin disa shtetas që dyshohet se kishin lidhje me tentativën për të trafikuar lëndë narkotike. Në vijim, u shoqëruan në Polici dhe u arrestuan 4 shtetas shqiptar dhe 2 shtetasit ukrainas të cilët u kapen në mjetin e vogël lundrues, në afërsi të velierës, të cilës i kishin vënë zjarrin. Në cilësinë e provës materiale, gjatë megaoperacionit “Flakë në det” u sekuestruan 2 armë zjarri pistoleta, municion luftarak, një shumë e madhe parash, në valuta të ndryshme, 25 celularë dhe sende të tjera. Gjithashtu, u sekuestruan një sasi prej 23 kg lënde narkotike e dyshuar cannabis sativa, e gjetur në det, në afërsi të vendit ku u fundos veliera e djegur dhe një mjet lundrues gomone, bashkë me GPS”, tha Rrumbullaku.
TIRANË- Drejtori i Përgjithshëm i Policisë Muhamet Rrumbullaku ka nxjerr emrat që janë shpallur në kërkim dhe që janë arrestuar nga megaoperacioni 'Flakë në det', Rrumbullaku ka theksuar se në pranga ka rënë shoefi i komisariatit të policisë së Laçit Dritan Meta. Ndërkohë që të shpallur në kërkim janë Gëzim Çela, Arben Dalipaj dhe Roland Muza, të cilët janë të përfshirë në trafikun e drogës.
Urdhër-arrestet:
Gëzim Çela- i shpallur në kërkim
Arben Dalipaj- i shpallur në kërkim
Roland Muza- i shpallur në kërkim
Dritan Meta- i arrestuar
TIRANË- SPAK ka lëshuar 15 urdhër-arreste ditën e sotme. Mësohet se disa prej urdhër-arresteve po ekzekutohen nga policia, e cila po kryen një megaoperacion në disa qytete në vend.
Ekzaktësisht aksioni po zhvillohet në Tiranë, Vlorë, Kurbin, Krujë dhe Durrës. Për këtë, megaoperacion do të dalë në konferencë për mediat dhe drejtpori i Policisë Muhamet Rrumbullaku.
KURBIN- Nga megaoperacioni i sotëm i zhvilluar në Kurbin, një prej të arrestuarve është edhe një shef komsariati. Ende nuk dihet se kush është, kryepolici që është vënë në pranga, ndërkohë që SPAK ka lëshuar disa urdhër-arreste.
Për këtë, megaoperacion do të dalë në konferencë për mediat dhe drejtpori i Policisë Muhamet Rrumbullaku.
KURBIN- Prokuroria e Posaçme kundër Krimit dhe Korrupsionit ka zhvilluar një aksion në Fushë Kuqe pasditen e sotme. Mësohet se policia me mbështetjen nga SPAK, po kryen kontrolle në banesën dhe lokalin e Gëzim Çelës, ish-oficerit të Forcave Speciale. Çela, njihet si baronii Fushë Kuqes dhe është dënuar me 20 vite burg, për drogë dhe prostitucion.
SPAK ka lëshuar ditën e sotme disa urdhër-arreste, të cilët policia po i zbaton. Deri më tani bëhet me dije se ka disa persona të arrestuar, mes tyre dhe punonjës policie. Për këtë, megaoperacion do të dalë në konferencë për mediat dhe drejtpori i Policisë Muhamet Rrumbullaku.
