Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Kryeministri Edi Rama ka mbledhur ditën e sotme qeverinë në Shëngjin të Lezhës në një takim informal. • Takimi ka nisur në orën 10:00 me fjalën hapëse të Ramës. • Ndërkohë që ka vazhduar më pas me diskutimet për punën e qeverisë dhe Ministrive në këtë vit që lamë pas. • Kjo mbledhje do të bëhet dhe për riorganizimin për zgjedhjet e përgjithshme që janë në vitin 2025. • Mësohet se diskutimet gjatë mbledhjes informale të qeverisë ishin shumica rreth zhvillimit të seancave plenare. • Gjithashtu është diskutuar edhe për komisionet hetimore dhe vijmësinë e jetës parlamentare pas bllokimeve nga deputetët e opozitës. • Gjatë pasdites mbledhja do të fokusohet pikërisht te inovacioni, shërbimet dhe ndarja e përgjegjësive për të pasuar të mërkurën, kur takimi informal do të mbyllet me prezantimin e konkluzioneve për secilën ministri. • Në takim janë përveç ministrave, edhe krerët e komisioneve parlamentare, zv.ministrat, drejtuesit politikë të qarqeve dhe kryeparlamentarja Lindita Nikolla. •Mbledhja do të zgjasë dy ditë dhe do të jetë e mbyllur për mediat.
5 artikuj për këtë temë.
LEZHË- Kryeministri Edi Rama ka ndarë pamje nga takimi informal i qeverisë që u zhvillua ditën e sotme në Shëngjin dhe që pritet të mbahet edhe nesër.
"Mbledhja e fillimvitit për prioritetet e 2024 në parlament, qeveri dhe parti", shkruan Rama krahas fotove të shpërndara në Facebook. Takimi është zhvilluar pa praninë e gazetarëve.
Siç shihet nga fotot të pranishëm janë ministrat ku mes tyre janë edhe ministri i sapoemëruar Blendi Gonxhja dhe Elva Margariti, e cila deri dje ishte në drejtimin e ministrisë së Kulturës.
Në takim përveç ministrave, janë edhe krerët e komisioneve parlamentare, zv.ministrat, drejtuesit politikë të qarqeve dhe kryeparlamentarja Lindita Nikolla. Po ashtu e pranishme është edhe drejtoresha e AKSHIT, Mirlinda Karçanaj, drejtoresha e Kadastrës Dallëndyshe Bici, si edhe drejtoresha e Agjencisë për Dialog dhe Bashkëqeverisje, Eridana Cano.
LEZHË- Kryeministri Edi Rama ka mbledhur ditën e sotme qeverinë në Shëngjin, në një takim informal që do të zgjasë edhe ditën e nesërme. Gazetarët nuk janë lejuar të jenë të pranishëm në resortin privat ku po zhvillohet takimi.
News24 mëson se një ndër çështjet e diskutuara dhe objektivat që kryeministri Rama vendosi për të pranishmët është gjetja e rrugës së bashkëpunimit me individët apo grupet parlamentare në parlament, për ligjet që duan shumicë të cilësuar.
Bashkë me PSD-në, socialistët nuk mund t’i arrijnë 84 vota për të bërë dhe ndryshime kushtetuese, si në rastin e miratimit të amnistisë për të dënuarit që dështoi fundvitin e shkuar. Në kushtet kur opozita është në betejë për të bllokuar seancat, PS ka orientuar drejtuesit e grupit që të përpiqen të gjejnë fraksione të opozitës ku mund të ketë vend për bashkëpunim.
Ndërkaq, edhe pse duhet më shumë se një vit nga zgjedhjet e radhës, kryeministri Rama ka vënë para përgjegjësisë të tijët, duke kërkuar llogari për aktivitetin që kanë pasur, duke nisur nga parlamenti, te strukturat e partisë dhe elektorati. Ndër të tjera, socialistët kanë marrë orientime për aktivitetin e tyre në Parlament, në kushtet e bllokimit nga ana e opozitës.
Katër blloqe të ndara sipas temave, inovacioni, shërbimet, administrata publike dhe projekti pilot i regjistrimit të tokës, kanë qenë 4 temat në qendër të prezantimit deri në mbrëmjen e sotme, ndërkohë që kryeministri ka paralajmëruar se do të caktojë objektiva të reja për socialistët.
LEZHË- Janë zbardhur detaje të reja nga mbledhja e qeverisë që po zhvillohet në Shëngjin. Sipas News24, diskutimet gjatë mbledhjes informale të qeverisë ishin shumica rreth zhvillimit të seancave plenare.
Gjithashtu është diskutuar edhe për komisionet hetimore dhe vijmësinë e jetës parlamentare pas bllokimeve nga deputetët e opozitës.
Diskutimi në pjesën për angazhimin e grupit parlamentar të PS në Kuvend është fokusuar ne këto pika:
-Seancat plenare të zhvilluara,
-Sa interpelanca,
-Sa mocione me debat,
-Sa projektligje janë depozituar në Kuvend, nga të cilat sa prej qeverisë dhe sa prej deputëteve,
-Prezenca e deputëteve në seanca plenare, mbledhje grupi e komisione,
-Takimet e ministrave me deputetët,
-Sa diskutime ka pasur nëpër komisione për Buxhetin dhe Paketën Fiskale,
-Kërkesat për masa disiplinore ndaj deputeteve, sa janë kërkuar e sa janë miratuar,
-Performanca e deputetëve në debate publike, diskutime, seanca dhe komisione dhe prezenca në zonat elektorale,
-Vijimësia e jetës parlamentare pas incidenteve dhe bllokimit të opozitës,
-Ligjet në Kuvend që duan shumicë të cilësuar, si amnistia e te dënuarve.
Mbledhja e qeverisë, gjatë pasdites do të fokusohet pikërisht te inovacioni, shërbimet dhe ndarja e përgjegjësive për të pasuar të mërkurën, kur takimi informal do të mbyllet me prezantimin e konkluzioneve për secilën ministri.
Në takim janë përveç ministrave, edhe krerët e komisioneve parlamentare, zv.ministrat, drejtuesit politikë të qarqeve dhe kryeparlamentarja Lindita Nikolla. Po ashtu e pranishme është edhe drejtoresha e AKSHIT, Mirlinda Karçanaj, drejtoresha e Kadastrës Dallëndyshe Bici, si edhe drejtoresha e Agjencisë për Dialog dhe Bashkëqeverisje, Eridana Cano.
SHËNGJIN- Kanë dalë detajet e para nga mbledhja me dyer të mbyllura e qeverisë që po mbahet sot në Shëngjin. Gazetari Ergys Gjençaj në një lidhje live për News24 tha se i pari ka qenë Rama që i foli në mbledhje, ndërsa pas tij ishte Blendi Klosi, që foli për riorganizimin e PS apo dhe Çuçi që foli për sfidat që maxhoranca ka në Kuvend.
“Po kalohet në skaner puna e ministrive, ministrave dhe kabinetit qeveritar. Mbledhja nisi me një fjalë nga zoti Rama, më pas nga Klosi sa i përket riorganizimit të PS. Më pas Çuçi foli për sfidat që ka PS në Kuvendin e Shqipërisë. “Viti 2024 është në vit me rëndësi për maxhorancën socialiste pasi është një vit para zgjedhjeve parlamentar. Vetëm në rastin nëse do të kemi zgjedhje të parakohshme, por Rama e ka përjashtuar si mundësi. Në 30 dhjetor Rama është shprehur i kënaqur sa i përket zhvillimeve ekonomikë apo dhe sektorëve të sigurisë.”, tha gazetari Gjençaj në lidhjen live.
SHËNGJIN- Kryeministri Edi Rama do të mbledh sot qeverinë në Shëngjin të Lezhës në një takim informal dyditor. Mësohet se takimi do të nisë në orën 10:00 me fjalën hapëse të Ramës. Ndërkohë që do të vazhdojnë më pas me diskutimet për punën e qeverisë dhe Ministrive në këtë vit që lamë pas.
Më pas do të vazhdojnë dhe do të diskutojnë për objektivat e vitit 2024 si dhe të vitit 2025. Kjo mbledhje do të bëhet dhe për riorganizimin për zgjedhjet e përgjithshme që janë në vitin 2025. Mbledhja do të zgjasë dy ditë dhe do të jetë e mbyllur për mediat.
Axhenda e plotë:
RETREAT QEVERITAR
09 – 10 janar 2024
Shëngjin, Prince Adriatic Resort
DRAFT AXHENDA
Objektivi: Prioritetete punës për vitin 2024
Dita 1
09:30 – 10:00 Mbërritja e pjesëmarrësve
(Ministrat, drejtuesit politikë, Kryetarja e Kuvendit dhe kryetarët e komisioneve të Kuvendit)
· Fjala e Kryeministrit mbi sfidat e vitit 2024
· Debat
· Sekretari i Përgjithshëm i PS mbi procesin e ripërtëritjes në parti dhe problematikat
· Debat
· Kryetari i Grupit mbi problematikat e punës së Parlamentit
· Debat
13:00 – 14:30 Drekë – Konkluzionet e pjesës së parë
15:00 Prezantime
· Administrata Publike (Analiza dhe rezultatet e sondazheve për burimet njerëzore/propozimet për ndryshim) – Prezanton Adea Pirdeni
· Inovacioni (Objektivat e Agjencisësë Inovacionit për vitin 2024 dhe funksionimi i netëorkut) – Prezanton Enkeleda Imeraj
· Shërbimet (Mbi procesin e deregulimit të shërbimeve) – Prezanton Delina Ibrahimaj
· Projekti pilot i regjistrimit të tokës– Prezanton Enertil Canaj
15:30 Pyetje dhe përgjigje/Diskutim mbi katër temat e mësipërme
16:00 – 16:30 Pushim kafeje
16:30 – 19:00 Debat në katër blloqet e qeverisjes mbi problematikat e trashëguara të 2023,objektivat e 2024 dhe ndarja ekompetencave të zëvendësministrave për tu deleguar nga ministrat menjëherë pasretreat-it
20:00 – 21:00 Darkë (Ministrat, zëvendësministrat dhe drejtorët)
Dita 2
08:00 – 09:00 Mëngjesi
09:00 – 11:00 Prezantimi i konkluzioneve të debatit në blloqe dhe detyrave me të gjithë të pranishmit
12:00 Mbledhje e mbyllur e kabinetit qeveritar
*Dreka fastfood në tavolinën e punës
