Lejoi Elidon Çelën të largohej nga Shqipëria/ Ndalohet polici i Portit të Durrësit! Pronari i “Buon Aventura” u kap me 522 mijë € në autobus

Elidon Çela dhe Gledis Lushi

DURRËS-Elidon Çela i arrestuari i ditës së sotme në Portin e Durrësit me akuzën për mos deklarimin e parave rezulton të jetë ndihmuar nga një oficier policie të arratiset.

Një vit më parë Çelës i janë gjetur 522 mijë euro në autobusin në emër të kompanisë së tij “Buon Aventura” që vinte nga Bari i Italisë në Portin e Durrësit. Sipas hetimeve Çela u lejua nga polici Gledis Lushi të kalojë në mënyrë të jashtligjshme kufirin. Policia ka vendosur në pranga dhe ish efektivin e policisë për ngjarjen.

Porti Durresit

DURRËS- Elidon Çela, 33-vjeçari i shpallur në kërkim për sasinë prej 522 mijë euro të sekuestruara në portin e Durrësit në tetor të 2022 u arrestua sapo zbriti nga trageti në port. Sipas njoftimit të policisë, gjatë kontrollit, në momentin e ndalimit, Çelës iu gjetën 9 000 euro, të cilat u sekuestruan në cilësinë e provës materiale. 

NJOFTIMI I POLICISË

Kapet dhe vihet në pranga, sapo zbriti nga trageti, në portin e Durrësit, 33-vjeçari nga Lushnja, i shpallur në kërkim për një sërë veprash penale.Në momentin e arrestimit, gjatë kontrollit fizik, Policia i gjeti 9000 euro.

33-vjeçari, i shpallur në kërkim për sasinë e madhe të eurove të kapura në portin e Durrësit, në kuadër të operacionit policor të koduar “Eurot”, i zhvilluar në tetor të vitit 2022, nga Sektori për Hetimin e Krimeve Ekonomike dhe Financiare, në DVP Durrës, në bashkëpunim me Policinë Kufitare dhe autoritetet doganore në portin e Durrësit.

Strukturat hetimore të Drejtorisë Vendore të Policisë Durrës, bazuar në inteligjencën policore për një shtetas të shpallur në kërkim që do të kthehej nga Italia në Durrës, me traget, kanë organizuar punën dhe në momentin që shtetasi E. Ç. ka zbritur nga trageti, shërbimet e Policisë e kanë vënë në pranga.

Elidon Cela

DURRËS- Detaje të reja janë zbardhur nga arrestimi i oficerit të policisë në Portin e Durrësit.  Gledis Lushi i cili ishteNdihmës kontrollor në Stacionin e Policisë në Portin e Durrësit akuzohet se lejoi daljen jashtë shtetit të një personi të shpallur në kërkim. Ndalimi i tij është bërë dje më 22 shtator 2023 nga  Agjencia e Mbikëqyrjes Policore (Rajoni Durrës-Kavajë) në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Durrës.

Bëhet fjalë për pronarin e kompanisë 'Buon Aventura', Elidon Çela, i cili 1 vite më parë u kap me 522 mijë auro të padeklaruara në një furgon në emër të kësaj kompanie që vinte në Portin e Durrësit nga Bari i Italisë. 

Paratë janë gjetur në tavanin e autobusit në impiantin e kondicionerit në mjet. Pas arrestimit, për të gjykatat e kishin lënë me masë më të butë, por në 14 shtator Gjykata e Lartë riktheu atë në arrest në burg dhe u shpall në kërkim. 

Mësohet se ai ka kaluar në Portin e Durrësit më 17 shtator dhe është lejuar nga polici Gledis Lushi të kaloj në mënyrë të paligjshme. Çela ra në prangat e policisë pasi u rikthye në Shqipëri, po përmes Durrësit.

Kjo nuk është hera e parë që kompania e transportit që ka në pronësi Elidon Çela, “Buon Aventura” është kapur në shkelje të ligjit. Edhe më herët kompania është futur nën hetim nga policia dhe janë zbuluar shumë parash, në sasi më të vogla, por të padeklaruara gjithashtu. 

Foto ilustruese

DURRËS- Agjencia e Mbikëqyrjes Policore ka ndaluar një oficer policie, me detyrë inspektor në Stacionin e Policisë në Portin e Durrësit.

Bëhet fjalë për policin e identifikuar me emrin Gledis Lushi, i cili nga të dhënat e para, dyshohet se më 17 shtator, ka lejuar daljen jashtë shtetit të një shtetasi të shpallur në kërkim për disa vepra penale.

Ndërkaq, po vijojnë hetimet për disa disa kolegë të tij. Materialet proceduriale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Durrës.