Lajçak sot në Kosovë, zbulohen detaje nga vizita, takim me Kurtin dhe opozitën

Lajcak dhe Kurti

KOSOVË- I dërguari i BE-së për dialogun Kosovë-Serbi, Miroslav Lajcak, sapo ka mbërritur në Prishtinë është pritur në një takim nga kryeministri Albin Kurti.

Sipas njoftimit të Zyrës për Media të kryeministrisë, Lajcak dhe Kurti kanë folur në përgjithësi për procesin e dialogut dhe kanë diskutuar në veçanti edhe punën e marrëveshjes me Serbinë për energjinë në komunat veriore të vendit.

Kreu i Qeverisë ka thënë se Kosova është e angazhuar për dialog parimor nga i cili përfitojnë qytetarët e Kosovës dhe Serbisë, përmes një marrëveshjeje të qëndrueshme dhe zbatueshme që në qendër ka njohjen reciproke.

“Kryeministri Kurti dhe Përfaqësuesi Special i BE-së, z. Lajčák folën edhe për marrëveshjen mbi zbatimin e udhërrëfyesit të energjisë sipas marrëveshjeve të vitit 2013 dhe 2015.  Ai theksoi angazhimin e Qeverisë në zbatimin e tij, me qëllim të përfundimit të një problematike të trashëguar, tё furnizimit dhe pagesës sё energjisë në katër komunat në veri tё vendit”, thuhet në komunikatë.

Në lidhje me marrëveshjen Kurti tha se ajo do t’i kursejë buxhetit të Kosovës miliona euro të cilat janë dhënë më herët për mbulimin e shpenzimeve në veri.

“Në sajë të kësaj marrëveshje, pas më shumë se 20 vitesh, katër komunat në veriun e Kosovës, Leposaviq, Zubin Potok, Zveçan dhe Mitrovicë Veriore, do të kalojnë në një rend të rregullt të faturimit të energjisë. Me këtë marrëveshje, buxhetit të Republikës së Kosovës do t’i kursehen me dhjetëra milionë euro në vit, të paguara më herët për mbulimin e kostove energjetike të veriut të vendit”, përfundon njoftimi.

Lajcak dhe Osmani

KOSOVË- Ditën e sotme pritet që të mbërrijë në Prishtinë për një vizitë 3 ditore i dërguari special për dialogun Kosovë-Serbi Miroslav Lajçak, i cili pritet të zhvillojë takime të shumta.

Ndërkohë presidentja e vendit Vjosa Osmani ndodhet në Singapor ku që nga dita e premte ka nisur një udhëtim në Azinë Juglindore ku fillimisht ka vizituar Tajlandën.

Në lidhje me faktin se nëse do të ketë një takim me Lajçak nga presidenca u tha vetëm se “Presidentja sapo ka nisur vizitën në Singapor”, pa treguar nëse ajo do të kthehet në Kosovë.

Zyra e Bashkimit Europian në Kosovë njoftoi dje për agjendën e Lajçak gjatë vizitës treditore ku u konfirmua vetëm takimi me kryeministrin Albin Kurti por nuk u dha asnjë detaj në lidhje me takime të tjera zyrtare. U njoftua se Lajçak do t’i takojë liderët e partive opozitare dhe përfaqësuesit e bashkësisë ndërkombëtare.

“Përfaqësuesi Special i Bashkimit Evropian (EUSR) për Dialogun Beograd-Prishtinë dhe çështje të tjera rajonale të Ballkanit Perëndimor, MiroslavLajčák, do të vizitojë Kosovën nga 27 deri më 29 qershor. Gjatë vizitës së tij Lajçak do të takohet me kryeministrin Albin Kurti, si dhe me liderë të partive kryesore opozitare dhe përfaqësues të bashkësisë ndërkombëtare në Kosovë”, u tha në njoftim.

Përfaqësuesi Special i BE-së nis sot vizitën e tij tre ditore në Kosovë, ku do të takohet edhe me krerët e partive opozitare, ndërkohë që do të udhëtojë dhe drejt Prizrenit dhe veriut të Mitrovicës. Vizita e LajNak vjen vetëm pak ditë pasi në Bruksel u arrit marrëveshja e parë Kosovë-Serbi mbi eneergjinë.

Albin Kurti dhe Miroslav Lajcak

KOSOVË- Përfaqësuesi Special i Bashkimit Evropian për Dialogun Beograd-Prishtinë dhe çështje të tjera rajonale të Ballkanit Perëndimor, Miroslav Lajçak pritet të mbërrijë sot në Kosovë ku dhe do të mbajë një takim me kryeministrin e vendit Albin Kurti.

Sipas njoftimit të Zyrës për Media të kryemnistrisë thuhet se takimi do të zhvillohet në orën 14:30 në ndërtesën e Qeverisë së Kosovës.

“Kryeministri i Republikës së Kosovës, Albin Kurti, pret në takim Përfaqësuesin Special të Bashkimit Evropian për Dialogun Kosovë-Serbi dhe çështje të tjera rajonale të Ballkanit Perëndimor, Miroslav Lajčák”, thuhet në njoftim.

Përfaqësuesi Special i BE-së nis sot vizitën e tij tre ditore në Kosovë, ku do të takohet edhe me krerët e partive opozitare, ndërkohë që do të udhëtojë dhe drejt Prizrenit dhe veriut të Mitrovicës. Vizita e LajNak vjen vetëm pak ditë pasi në Bruksel u arrit marrëveshja e parë Kosovë-Serbi mbi eneergjinë.

Miroslav Lajçak

KOSOVË- Përfaqësuesi Special i Bashkimit Evropian për Dialogun Beograd-Prishtinë dhe çështje të tjera rajonale të Ballkanit Perëndimor, Miroslav Lajçak, do të vizitojë Kosovën nga sot deri më 29 qershor. Në njoftimin nga Zyra e BE-së në Prishtinë është bërë e ditur se Lajçak gjatë vizitës në Kosovë do të takohet me kryeministrin Albin Kurti dhe liderët e partive kryesore opozitare.

“Gjatë vizitës së tij Lajçak do të takohet me kryeministrin Albin Kurti, si dhe me liderë të partive kryesore opozitare dhe përfaqësues të bashkësisë ndërkombëtare në Kosovë. Gjatë qëndrimit në Kosovë, ai planifikon të vizitojë edhe Prizrenin dhe veriun e Kosovës”, thuhet në njoftim.

Kjo vizitë e Lajçak vie pas Samitit të BE-së me vendet e Ballkanit Perëndimor që u mbajt më 23 qershor.