Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
• Kryeministri Edi Rama po mban Kongresin e Arsimit me temë ‘Sfidat e arsimit cilësor dhe gjithëpërfshirës drejt integrimit europian’ në ambientet e Pallatit të Kongreseve. Kongresi po mbahet sot dhe nesër e ka mbledhur akademikë, rektorë e partnerë në nivel kombëtar dhe ndërkombëtar. • Në fjalën e tij, Rama tha se arsimi është arma më e fortë e përparimit të kombit dhe se gjuha shqipe është më në rrezik se kurrë. Kryeministri Rama kërkoi të punohet dhe që të futet në çdo nivel arsimor mbrojtja me provim e gjuhës shqipe njësoj si anglishtja. Ai kërkoi edhe futjen e artit në shkollë si program. • E pranishme në të njëjtin takim, ambasadorja e Shteteve të Bashkuara të Amerikës, Yuri Kim tha se arsimi cilësor është ajo që do ta çojë Shqipërinë drejt Bashkimit Evropian.
8 artikuj për këtë temë.
TIRANË- Ambasadori i Britanisë së Madhe në Shqipëri, Alastair King Smith u ka bërë thirrje të rinjve shqiptarë që të mos largohen me gomone nga vendi. I pranishëm në Kongresin e Arsimit, King Smith tha se të rinjtë shqiptarë mashtrohen nga kontrabandistët e qenieve njerëzore pasi nuk do të pasurohen shpejt duke shkuar në Angli në mënyrë ilegale, por do të përfshihen në kriminalitet dhe drogë. Ai shtoi se rruga e suksesit është një arsim cilësor dhe jo një udhëtim me gomone.
"Jam dakort me komentin e kryeministrit që duhet të punojmë më fort për të punuar për gjuhën shqipe. Ne duhet të shohim se çfarë mund të bëjmë me komunitetin shqiptar në Britani. Besoj se keni parë një zhvillim tragjik, largimin e shumë të rinjve, sidomos në verë, për shkak të mungesës së mundësive. Këta të rinj shfrytëzohen nga kontrabandistët e qenieve njerëzore dhe ne i nxisim të ndalojmë, jo vetëm sepse premtimet për pasurimin e shpejtë janë gënjeshtra pasi do të përfshihen në kriminalitet dhe drogë, por sepse kushtet do të bëhen të rrezikshme. Deti do të jetë më i rrëmbyer dhe moti më i ftohtë. Ndaj u bëj thirrje të rinjve të mos udhëtojnë në mënyrë të jashtëligjshme. Rruga e suksesit nuk varet nga gomonet, por nga arsimit,"- tha King Smith.
TIRANË- Orari i zhvillimit të Kongresit Kombëtar të Arsimit nuk ishte dhe aq i përshtatshëm për ambasadoren amerikane Yuri Kim. Në momentin kur kryeministri Edi Rama po mbante fjalimin përballë të pranishmëve, Kim shihet se mban dorën afër fytyrës e në një moment mbyll sytë.
Duket se orari i hershëm në mëngjes nuk ishte dhe aq i përshtatshëm për ambasadoren.
TIRANË- Ambasadorja e Shteteve të Bashkuara të Amerikës në vendin tonë, Yuri Kim deklaroi ditën e sotme se arsimimi është një faktor kyç që ndikon në përparimin e Shqipërisë. Gjatë Kongresit të Arsimit në Tiranë, Kim u shpreh se SHBA kërkon që të shikojë Shqipërinë drejt rrugës së integrimit në BE.
'Doja të thoja që ditën e parë të shkollës jo të gjithë mund të bëhemi mësues por të gjithë kemi qenë studentë e nxënës, uroj e falëndëroj mësuesit ndërsa fillon viti i ri shkollor. Ky do jetë një vit i shkëlqyer. Një muaj më parë hapët zyrtarisht negociatat, për t’u bërë anëtar i BE, për të marrë vendin tuaj të drejtë si një vend anëtar me të drejta të plota e SHBA mbështeten në këtë. Arsimimi do jetë kyc se sa shpejt do lëvizni e sa përparim do bëni. Mbështetja jonë është e rëndësishme për ne gjithashtu se politika jonë është duam t’ju shohim tërësisht të integruar në Evropë dhe mbështetje për politikën tuaj arsimore është po aq e rëndësishme për ne sa është mbështetja jonë për reformën në drejtësi e luftën kundër korrupsionit.
Do të shihni më shumë studiues e specialistë amerikanë që do vijnë këtë vit, ata do vendosen në uninversitetet shqiptare në Tiranë, Gjirokastër e Durrës e do lidhen me shqiptarët anembanë vendit për të ndihmuar në arritjen e objektivave, ndërkombëtarizimin e unversitetit dhe trajnim për mësuesit e gjuhës angleze. Shqipëria ka mikpritur vullnetare që kanë zotëruar gjuhën shqipe dicka që unë nuk do ia dal mbanë se është vërtet e pamundur. Si mik e partnerë juaji SHBA do vazhdojnë t’ju mbështesin ndërsa përmirësoni sistemin tuaj arsimor në Shqipëri, shpresoj që mos humbisni kurrë nga syte vetë studentët që na folën këtë mëngjes, kjo është detyra jonë ndaj tyre, të përmirësojmë sistemin arsimor këtu, t’u japim mundësinë më të mirë që kanë, për t’ja dalë mbanë këtu në Shqipëri, për ti dhënë aftësitë më të mira qe kanë për të sjellë ndikim këtu në Shqipëri, EVropë dhe botë”- u shpreh Kim.
TIRANË- Kryeministri Edi Rama ndau me publikun historinë e një 11-vjeçareje e cila jeton në Shenavlash. Gjatë Kongresit të Arsimit, kreu i qeverisë tha se vajza e vogël mbante familjen me para. Ai tha se ky rast është një histori për të treguar se dhe fëmijët mund të punojnë pasi mësojnë në fushën e kodimit.
'Për ne digjitalizimi i vendit, digjitalizimi i ndërveprimeve dhe në nivelin e sipërmarrjes, jo vetëm në nivelin e marrëdhënieve të qeverisë me qytetarët, si proces themelor i procesit të edukimit për të krijuar kushte për një punësim cilësor e me të ardhura shumë të larta është prioritet themelor në arsim. Sot kemi nisur me 100 laboratorët smart e duam që brenda mandatit këta laboratorë ti shtrijmë gjerësisht në Shqipëri, që t’u japim mundësi fëmijëve që nga klasa e parë të hyjnë në botën e teknologjisë, e sipas llogarive të bëra e sipas praktikave të studiuara, futja e fëmijëve që në klasë të parë dhe në mësimet e teknologjisë e marrja e këtij mësimi me kurrikulat përkatëse të standarteve më të mira ndërkombëtare si ato që janë futur sot në 100 shkollat e para bën që në fund të klasës së 9 sado e pabesueshme të duket, bën që fëmija të ketë aftësitë e nëj koduesi të mirëfilltë e pasja e aftësive të një koduesi të mirëfilltë do të thotë aftësi për t’u punësuar parelisht me vazhdimin e mësimit.
Kam takuar nxënës shkollash të mesme që aktualisht punojnë në shtete të ndryshme duke vijuar të studiojnë në shkolllat e mesme në Shqipëri. Në Shenavlash banonte një nga vajzat që kam takuar e që prej moshës 11 vjec ajo mbante tërë shtëpinë. Si? Duke zotëruar njohuritë e kodimit e duke hyrë në tregun e madh online që ka të ardhura shumë më të larta se të ardhurat e zakonshme”, tha Rama.
TIRANË- Kryetari i Partisë së Lirisë, Ilir Meta ka ironizuar Kongresin e Arsimit të organizuar nga Ministria e Arsimit, pjesë e të cilit ishte dhe kryeministri Edi Rama. Teksa ka ndarë një foto me një vajzë të vogël, Meta thotë se nuk mbulohet dot dështimi i shtetit në fushën e arsimit. Meta shton se Shqipëria ka buxhetin më të ulët në rajon për arsimin, teksa radhit problematikat që ka kjo fushë.
Postimi i Metes:
Me “lart më lart o shokë flamujt e kongresit”, nuk mbulohet dot dështimi dhe nënvleftësimi i plotë i arsimit. Shqipëria ka buxhetin më të ulët në rajon për arsimin. Vazhdojnë turnet, vazhdon analfabetizmi funksional, vazhdon braktisja e shkollës. Arritja më e fundit është edhe shantazhi e kërcënimi ndaj fëmijëve dhe prindërve të tyre për librat e shkollës. Kryeministri i krimit s’mund të jetë i arsimit. Që të mos vidhen më lekët si te inceneratorët, por të shkojnë për arsim cilësor dhe që t’i krijojnë mundësinë fëmijëve të jetojnë dhe të ndërtojnë të ardhmen e tyre këtu, nesër të gjithë tek inceneratori i Tiranës, ora 18:00.
TIRANË- Kryeministri i vendit, Edi Rama bëri me dije se ka diskutuar edhe me vendet e tjera të Ballkanit për të futur abetaren e unifikuar për pjesën e popullsisë shqiptare. Këtë deklaratë e bëri të ditur ditën e sotme nga Kongresi i Arsimit, Rama bëri me dije se Maqedonia e Veriut është parimisht dakord e se diskutimet janë zhvilluar edhe me Malin e zi dhe Serbinë.
'Maqedonia është parimisht gati për të futur abetaren. Kemi diskutuar me Malin e Zi edhe me Serbinë për pjesën e popullatës shqiptare. Është e rëndësishme sot të kujtoni nga u nisëm dhe përsëri edhe në këtë fushë vlen e njëjta gjë. Po të kujtojmë nga u nisëm sot jemi dita me natën. Po të mendojmë ku duhet të shkojmë sot jemi nata me ditën. Kemi shumë për të bërë. Jo se kështu duhet thënë për tu dukur mirë, por sepse kjo është e vërteta. Mësuesit dhe mësueset ishin skllevër të politikës, nuk mund të vendosnin asgjë për fatin e tyre. Mund të gdhiheshin në një vend pune dhe mund të ngryseshin në një vend tjetër. i gjithë sistemi ishte i bazuar te politika, tesera e partisë dhe heqja e mësuesve nga kthetrat e politikës, pavarësimi i tyre, vendosja e figurës në qendër, e ka ndryshuar si ditën me natën situatën e mësuesve.'- deklaroi Rama.
TIRANË- Kryeministri Edi Rama nuk e la Kongresin e Arsimit pa një batutë. Teksa në sallë u dëgjua një muzikë, Rama tha se personi që mund ta ketë do jetë pozitiv pasi qëndron me radio në xhep. Më pas, ai tregoi se pak kohë më parë një burrë i tregoi se i ra jo zilja e telefonit por ajo e gruas.
'Të kujtojmë nga e nisëm.. nën tingujt e kësaj muzike kaq kuptimplotë të dikujt që duhet të jetë tejet optimist që jeton me radio në xhep (salla duartroket) nuk po spekulloj po më ka ndodhur disa herë kur ndizen këto radio nëpër xhepa, mora guximin e pyeta personin e më tha është zilja e gruas, se kështu janë burrat shqiptarë, të fortë e të pavarur, fundimtarë të pakontestueshëm jashtë mureve të shtëpisë. Meqë po flisnim me komunikimin dixhital, janë të lidhur, e kanë si atë zinxhirin e qenit.'- tha Rama.
TIRANË-Kryeministri Edi Rama deklaroi ditën e sotme se po diskutohet nga Qeveria për të futur gjuhën shqipe në çdo nivel arsimi. Gjatë Kongresit të Arsimit, Rama u shpreh se mbrojtja e gjuhës shqipe dhe arsimimi me standartet më të mira bashkëkohore është mjeti më i fuqishëm për të siguruar vazhdimësi dhe prosporitet. Po ashtu, Rama kërkoi që gjuha shqipe të futet në sistem si provim, njëjtë siç bëhet dhe me gjuhën angleze.
'Ka kaluar një shekull nga Kongresi i Manastirirt. Ne jemi këtu në një kongres që është shumë modest për nga pesha, sesa kongresi i Manastitir, por që në thelbin e vet, ka të njëjtin shqetësim. Pra përparimin e Kombit Shqiptar. Mësimi i Shqipes dhe arsimi ishte mjeti më i fuqishëm për të fituar pavarësinë. Ndërsa sot mbrojtja e gjuhës shqipe dhe arsimimi i me standardet më të mira bashkëkohore është mjeti më i fuqishëm për të siguruar vazhdimësi dhe prosperitet. Po nga se do e mbrojmë gjuhën shqipe. Përgjigja është shumë e thjeshtë. Është konsum marramendës për të komunikuar. Dhe distanca është zeruar. Besoj që na takon të gjejmë mënyra dhe kërkojmë përmes një dialogu të gjerë mes nesh, rrugë për të forcuar pozicionin e gjuhës shqipe në këtë kaos gjuhësor dhe komunikativ që është përfshirë gjithë bota dhe padyshim që edhe ne jemi thellësisht të përfshirë.
Gjuhën Shqipe duhet ta fusim në çdo nivel të arsimimit. Duhet ta diskutojmë futjen e gjuhës shqipe në çdo nivel arsimor. Është mirë që kemi sistem të provimit të anglishtes, por është mangësi që s’kemi po të njëjtin sistem për gjuhën tonë amëtare. Futja e abetares së unifikuar është një gur themeli.'- tha Rama.
