"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
• Kolegji Zgjedhor ka vendosur që logot e Partive dhe/ose të Koalicioneve do të qëndrojnë në fletën e votimit. Vendimi u mor sot, gjatë mbledhjes së zhvilluar pas ankimimit të koalicionit 'Bashkë Fitojmë'. Koalicioni mes kryedemokratit Sali Berisha dhe kreut të Partisë së Lirisë, Ilir Meta kërkuar që fleta e votimit të mos ketë logo partish. • Mbledhja vijoi një tjetër çështje. Koalicioni “Bashkë Fitojmë” ka paditur KQZ-në në Kolegjin Zgjedhor, në lidhje me emrin që duhet të vendoset përbri koalicionit në fletët e votimit për këshillat bashkiake. • Koalicioni ka kërkuar që përbri “Bashkë Fitojmë” të vendoset emri i ish-kryeministrit Sali Berisha, por KQZ e rrëzoi duke kërkuar të vendoset ai i Metës. Edhe kjo kërkesë u rrëzua. • Trupa gjykuese me përbërje: Marsela Dervishi (Relatore) dhe anëtarët Esmeralda Xhili, Alma Kolgjoka, Emona Muçi, Manjola Xhaxho mori vendimin që krah emrit të koalicionit të vendoset emri i Metës. Ky vendim është përfunditar dhe nuk lejohet ankimim.
4 artikuj për këtë temë.
TIRANË- Kolegji Zgjedhor ka rrëzuar dhe kërkesën e dytë të bërë nga koalicioni 'Bashkë Fitojmë'. Vendimi u mor sot. Koalicioni që u krijua me nismën e Sali Berishës dhe kreut të Partisë së Lirisë, Ilir Meta kanë kërkuar që kryedemokrati të shkruhet në fletën e votimit. Pasi dëgjoi të gjitha versionet e palët në mbledhje, Kolegji Zgjedhor vendosi që në fletën e votimit të vendoset emri i Metës.
“Kolegji vendosi rrëzimin e kërkesë padisë. Shpenzimet gjyqësore sic janë bërë. Ky vendim është i formës së prerë dhe nuk lejohet ankim”, tha trupa gjykuese.
Ankimimi kaloi në Kolegjin Zgjedhor, pasi KAS e rrëzoi një ditë më parë.
TIRANË- Komisionit të Ankesave dhe Sanksioneve në Komisionin Qendror të Zgjedhjeve ka publikuar vendimin e plotë, përmes të cilit arsyeton rrëzimin e kërkesës së koalicionit ‘Bashkë Fitojmë’ për të vendosur emrin e kryedemokratit Sali Berisha si udhëheqës të këtij koalicionit. Arsyetimi kryesor, siç shihet në dokument është se sipas KAS, Berisha dhe grupimi i tij politik nuk janë regjistruar në zgjedhje. KAS shton se Berisha ka bërë kërkesën për tu regjistruar, por nuk është pranuar.
KAS shton se është fakt i ditur botërisht se Berisha dhe grupimi i tij politik janë në fakt pjesë e koalicionit “Bashkë Fitojmë”, por të papërfaqësuar zyrtarisht në të (koalicion) me një logo politike (partie), pra në fakt ata po marrin pjesë në zgjedhje dhe janë një realitet konkret politik. Për pasojë, sipas KAS, është krejtësisht e mundur dhe e ligjshme që të pranohet kërkesa dhe vullneti i këtij koalicioni, i materializuar nëpërmjet përfaqësuesve të tij në seancë, që emri i z. Sali Berisha të shënohej në fletën e votimit përbri emrit të koalicionit, kjo në interesin më të mirë të zgjedhësve dhe të zgjedhjeve.
Pjesë nga dokumenti i KAS:
Pika 3 e nenit 98 të Kodit Zgjedhor detyron që “Përbri emrit të partisë vendoset sigla, shkronja nistore dhe emri i kryetarit të partisë.”. Fakti që ligji nuk ka bërë një urdhërim specifik për koalicionet zgjedhore, nënkupton se fjalia e dytë e pikës 3 të këtij neni është e vlefshme vetëm për partitë politike që garojnë më vete, dhe jo për koalicionet zgjedhore. Në këtë kontekst, referuar edhe faktit që në marrëveshjen e koalicionit “Bashkë Fitojmë” të depozituar në KQZ në momentin e regjistrimit, nuk është specifikuar fakti nëse do të ketë një emër të caktuar që do të shënohet në fletën e votimit përbri emrit të koalicionit, Komisioneri Shtetëror i Zgjedhjeve ka përdorur diskrecion administrativ krejtësisht të ligjshëm në pranimin e kërkesës fillestare të përfaqësuesve të këtij koalicioni që emri në fletën e votimit të mos vendoset. Është fakt botërisht i ditur se ka një konflikt të hapur prej kohësh lidhur me përfaqësimin real të Partisë Demokratike të Shqipërisë. Vendimmarrja e mëparshme e KAS, e cila u pasua nga një vendim i KSHZ solli si pasojë regjistrimin në zgjedhjet e datës 14.5.2023 të PD me kryetar të komanduar z. Enkelejd Alibeaj. Në këto kushte, “Partia Demokratike” me kryetar z. Sali Berisha ka qenë subjekt themelues i koalicionit “Bashkë Fitojmë”, sikurse rezulton nga marrëveshja për krijimin e koalicionit e datës 15.03.2023. Pavarësisht faktit se me vendimin nr. 178, datë 18.03.2023, Komisioneri nuk e ka lejuar subjektin “Partia Demokratike” me kryetar z. Sali Berisha të regjistrohet si pjesë e koalicionit zgjedhor “Bashkë Fitojmë”, kjo nuk do të thotë kurrsesi që Komisioneri ka ndaluar z. Sali Berisha të jetë pjesë e këtij koalicioni apo qoftë edhe drejtues aktiv i tij, sikurse po ndodh realisht.
Në këtë kontekst, në opinionin tim nuk qëndron konstatimi i bërë nga anëtarët në shumicë të KAS se: “..me vendimin nr. 178, datë 18.03.2023, Komisioneri e ka përjashtuar nga koalicioni “Bashkë fitojmë” subjektin “Partia Demokratike” me kryetar z. Sali Berisha, duke i ndaluar de facto pjesëmarrjen në zgjedhje. Ligjërisht deputeti Sali Berisha dhe grupimi i tij politik nuk janë pjesë e koalicionit “Bashkë Fitojmë”, për pasojë deputeti Sali Berisha nuk mund të jetë ligjërisht drejtues i tij.”. Është fakt i ditur botërisht se z. Sali Berisha dhe grupimi i tij politik janë në fakt pjesë e koalicionit “Bashkë Fitojmë”, por të papërfaqësuar zyrtarisht në të (koalicion) me një logo politike (partie), pra në fakt ata po marrin pjesë në zgjedhje dhe janë një realitet konkret politik. Për pasojë është krejtësisht e mundur dhe e ligjshme që të pranohet kërkesa dhe vullneti i këtij koalicioni, i materializuar nëpërmjet përfaqësuesve të tij në seancë, që emri i z. Sali Berisha të shënohej në fletën e votimit përbri emrit të koalicionit, kjo në interesin më të mirë të zgjedhësve dhe të zgjedhjeve. 3. Neni 46 i Kushtetutës, në pikën 1 të tij parashikon se “1. Kushdo ka të drejtë të organizohet kolektivisht për çfarëdo qëllimi të ligjshëm.”. Në nenin 1 të ligjit nr. 8580, datë 17.2.2000 “Për partitë politike” i ndryshuar parashikohet se “Partitë politike janë bashkime vullnetare të shtetasve mbi bazën e ideve, të bindjeve e të pikëpamjeve ose të interesave të përbashkëta politike, të cilët synojnë të ndikojnë në jetën e vendit nëpërmjet pjesëmarrjes në zgjedhjet dhe përfaqësimit të popullit në organet e zgjedhura të pushtetit.”.
Në nenin 3 të po këtij ligji parashikohet se “Partitë politike shqiptare janë pjesë e një sistemi të lirë e demokratik qeverisës në vend. Krijimi dhe veprimtaria e tyre është e lirë dhe e garantuar nga Kushtetuta.”. Gjykata Kushtetuese, me vendimin nr. 32, datë 21.06.2010, ka theksuar se “... pluralizmi është një tërësi rrethanash ku pushteti politik është i shpërndarë në atë mënyrë që asnjë grup interesi ose klasë e caktuar shoqërore të mos mbizotërojë mbi të tjerët. Kushti bazë për pluralizmin janë zgjedhjet e lira, shumësia e interesave, lejimi i hapësirave për organizimin e mekanizmave të presionit ndaj organeve të pushtetit dhe një shtet që është i përgjegjshëm ndaj nevojave të qytetarëve. Në çdo sistem demokratik, përfaqësuesit e popullit në qeverisje zgjidhen përmes zgjedhjeve shumëpartiake, të lira, të barabarta dhe të ndershme” dhe “Konkurrimi i lirë ndërmjet partive është një shfaqje e drejtpërdrejtë e natyrës pluraliste të shoqërisë demokratike dhe është pikërisht mbrojtja e pluralizmit në jetën politike që ka kuptim për vetë ekzistencën e kësaj shoqërie. Gjykata thekson se çdo kufizim i drejtpërdrejtë ose i tërthortë mbi barazinë e partive në konkurrimin zgjedhor nuk duhet të ketë një pasojë diferencuese ose të përbëjë një trajtim preferencial për disa parti, ose të ndalojë pjesëmarrjen e partive politike në konkurrimin zgjedhor”.
TIRANË- Kolegji Zgjedhor ka rrëzuar dhe kërkesën e dytë të bërë nga koalicioni 'Bashkë Fitojmë'. Vendimi u mor sot. Koalicioni që u krijuar me nismën e Sali Berishës dhe kreut të Partisë së Lirisë, Ilir Meta kanë kërkuar që kryedemokrati të shkruhet në fletën e votimit.
"Duke qenë se deputeti Sali Berisha dhe grupimi i tij politik nuk janë në zgjedhje dhe pjesë e koalicionit dhe për pasojë deputeti Sali Berisha nuk mund të jetë ligjërisht drejtues i tij. Në pajtim me nenin 65, KQZ duhet të njohë Partinë e Lirisë si udhëheqëse të koalicionit dhe kreun e kësaj partie, Ilir Meta, emri i të cilit duhet të pqasqyrohet në fletën e votimit,"- tha përfaqësuesja.
TIRANË- Kolegji Zgjedhor ka vendosur që logot e Partive dhe/ose të Koalicioneve do të qëndrojnë në fletën e votimit. Vendimi u mor sot, gjatë mbledhjes së zhvilluar pas ankimimit të koalicionit 'Bashkë Fitojmë'. Koalicioni mes kryedemokratit Sali Berisha dhe kreut të Partisë së Lirisë, Ilir Meta kërkuar që fleta e votimit të mos ketë logo partish.
Në ankimin e bërë më 18 prill, përfaqësuesit e koalicionit 'Bashkë Fitojmë' renditën 3 arsye për këtë kërkesë.
“Së pari jemi përpara zgjedhjeve të pushtetit vendor, ku qytetarët shqiptar do të zgjedhin kryetarin e tyre të bashkisë respective dhe jo kryetarin e ndonjë partie politike. Së dyti, nuk jemi përpara zgjedhjeve të përgjithshme ku kandidatët identifikohen kryesisht me partinë apo koalicionin që i ka propozuar me listë shumë emërore. Së treti, praktika e KQZ për zgjedhjet e kaluara për fletën e votimit për kandidatët për kryetar Bashkie ka qenë e tillë që nuk ka pasur logo partie apo koalicioni,"- thuhej në dokument.
