Goditi mësuesen me karrige, arrestohet 16-vjeçari në Lezhë: Mu betua në eshtrat e babait

Policia

LEZHË- Gjimnazisti i cili goditi paraditen e sotme mësuesen Majlinda Palushi në ambientet e gjimnazit “Hydajet Lezha” është shoqëruar në polici në praninë e psikologut, prindit dhe mbrojtësit ligjor. Ai akuzohet për veprat Plagosja e rëndë me dashje” dhe “Goditjet për shkak të detyrës”.

Ngjarja ndodhi në orën 10:30 minuta, të kësaj të mërkure në ambientet e gjimnazit  “Hydajet Lezhë” në Lezhë. Mësuesja e matematikës, Majlinda Palushi, pësoi lëndime serioze në krahun e saj nga goditja me karrige. Ajo u dërgua menjëherë në urgjencën e Spitalit Rajonal të Lezhës, ku ndodhet nën kujdesin e mjekëve.

Raportohet se mësuesja është betuar duke përmendur të atin e saj që nuk jeton më, ashtu si edhe babai i adoleshentit, gjë që besohet se ka nxitur dhe reagimin e dhunshëm.

“Betohem për kockat e babait tim që më ka vdekur dhe babait tënd që është aty tek i imi që do të të ngel”. Pasi i ka përmendur babain që nuk jeton më, 16-vjeçari është rebeluar dhe ka marrë karrigen dhe goditur mësuesen para nxënësve të tjerë./Dosja.al

Gjimnazi ne Lezhe

LEZHA-Detaje të reja kanë dalë në lidhje me ngjarjen e rëndë në Lezhë, ku mësuesja Majlinda Pushi është goditur me karrige nga nxënësi i saj në gjimanzin “Hydajet Lezha”. Nga raportimet në media thuhet se mësuesja i ka përmendur nxënësit “të atin e ndjerë”.

“Për eshtrat e babait tat e timit nuk kam me të kalu!”- mësohet të ketë qenë fraza që ka irrituar nxënësin për të kryer aktin e dhunshëm.

Ngjarja e ndodhur në gjimnazin e Lezhës ka bërë që mësuesja të përfundoj në spital si pasojë e një dëmtimi në krah, ku ajo po trajtohet për dëmtimet e marra.

foto ilustruese

LEZHË- Një ngjarje e rëndë ka ndodhur në shkollën e mesme “Hydajet Lezha” në qytetin e Lezhës. Mësuesja Majlinda Palushi është goditur me një karrige nga një nxënës i vitit të dytë brenda ambienteve të shkollës. Mësuesja mësohet se ka thyer krahun nga goditja me karrigen.

Ndërkohë në shkollë kanë mbërritur forcat e policisë, të cilat kanë bërë të mundur shoqërimin në komisariatin e Lezhës të nxënësit të vitit të dytë, i cili goditi mësuesen.

Deri tani nuk jepen detajese si ka ndodhur incidenti dhe policia po punonpër zbardhjen e dhunës në shkollë. Nga ana tjetër mësimi është bojkotuar ditën e sotme nga mësuesit për shkak të kësaj ngjarjeje ndërsa pritet që të nesërmen të zhvillojnë një protestë lidhur me këtë situatë të vështirë nga sjellja e nxënësve.