SËRISH tensione/ Arrestohet serbi në Kosovë, protestë para stacionit policor në Graçanicë, bllokohet rruga

Dragisha Milenkoviç

KOSOVË- Zyra për Kosovën dhe Metohi ka njoftuar se një serb tjetër është arrestuar në zonën e Kosovës dhe Metohisë, kësaj radhe në Graçanicë.

Kurir.rs shkruan se arrestimi i tij është një demonstrim brutal i forcës dhe padrejtësisë nga regjimi antiserb i Albin Kurtit në Prishtinë, i cili tani dëshiron të përhapë terrorin dhe tensionet e saj nga veriu në jug.

“Dragisha Milenkoviç nga Kishnica, jo larg Graçanicës, është arrestuar në kuadër të planit të hakmarrjes së Kurtit ndaj serbëve," -thuhet në njoftim nga Zyra për Kosovën dhe Metohi.

pamje nga vendngjarja

KOSOVË- Serbët janë mbledhur për të protestuar, kundër Dragisha Milenkoviçit, i cili u arrestua në Graçanicë të Kosovës, raporton Kurir.rs. Serbët u mblodhën para stacionit policor dhe për një kohë të shkurtër bllokuan rrugën kryesore Prishtinë-Gjilan që kalon nëpër këtë komunë.

Gjithashtu serbët pretendojnë se gjatë protestës, një automjet kaloi me forcë nëpër turmën e njerëzve dhe u plagos Millosh Bozhidareviç me origjinë nga Gornja Brnjica, i cili jeton në Graçanicë.

Graçanicë është komunë e banuar me shumicës serbe që gjendet afër Prishtinës.

foto ilustruese

KOSOVË- Policia e Kosovës ka arrestuar një serb në Graçanicë që dyshohet për krime lufte në Kosovë. Sipas njoftimit, i arrestuari, i identifikuar me iniciale D.M, dyshohet për veprën penale “krime lufte kundër popullsisë civile.

Ai dyshohet se gjatë luftës ë Kosovë, si gardian në burgun e Lipjanit “në mënyrë sistematike, dyshohet se kanë ushtruar torturë, dhunë fizike, psikike, keqtrajtime dhe maltretime çnjerëzore dhe të skajshme për jetën ndaj të burgosurve shqiptarë”.

Policia tha se gjatë kontrollit të shtëpisë së dyshuarit ka sekuestruar si prova materiale, një armë, fishekë, një thikë ushtarake, një shufër metalike, por edhe dokumente, vendime, shënime dhe telefonin e tij personal.

Marrë nga REL