EMRAT/ Goditet një skemë mashtrimi me Call Center në Shkodër, arrestohen 4 persona dhe procedohen penalisht 61 punonjës

Foto ilustruese

SHKODËR- Një operacion i koduar policor është finalizuar me sukses në qytetin e Shkodrës, duke çuar në goditjen e një qendre telefonike, call center, të dyshuar për ushtrim të aktivitetit të kundërligjshëm të mashtrimit kompjuterik.

Burime zyrtare bëjnë me dije se operacioni është zhvilluar në lagjen “Vasil Shanto”, ku autoritetet kanë ndërhyrë pas informacioneve të siguruara në rrugë operative. Si rezultat i këtij aksioni, janë vënë në pranga katër persona, të cilët dyshohet se menaxhonin skemën e mashtrimit.

Të arrestuarit janë shtetasit:

Fabian Popaj
Lisenko Muçaj
Basri Nikshiqi
Nikolin Biba

Përveç arrestimeve të mësipërme, Policia ka proceduar penalisht edhe 61 punonjës të këtij subjekti, të cilët u gjetën në flagrancë gjatë ushtrimit të detyrës në momentin e ndërhyrjes së forcave të rendit.

Gjatë kontrollit të ushtruar në ambientet e këtij call center-i, shërbimet e Policisë sekuestruan në cilësinë e provës materiale 152 pajisje elektronike, të cilat dyshohet se përdoreshin për realizimin e mashtrimeve, si dhe materiale të tjera me interes për vijimin e hetimeve./Dosja.al

Foto ilustruse

SHKODËR- Policia ka dalë në një njoftim zyrtar lidhur me goditjen ndaj call center-it në qytetin e Shkodrës. Blutë bëjnë me dije se në lagjen “Vasil Shanto”, është zbuluar një call center ku dyshohet se kryhej mashtrim kompjuterik. Në kuadër të kësaj janë arrestuar 4 persona dhe janë proceduar penalisht 61 punonjës, të cilët u kapën në flagrancë gjatë ndërhyrjes së Policisë, në call center.

Gjithashtu janë sekuestruar edhe 152 pajisje elektronike, nëpërmjet të cilave dyshohet se kryhej mashtrimi, si dhe materiale të tjera me interes për hetimin. Nga veprimet hetimore dyshohet se të arrestuarit organizonin veprimtarinë kriminale të mashtrimit kompjuterik në këtë subjekt dhe drejtonin grupet e punonjësve.

Njoftimi

Shkodër / Finalizohet operacioni i koduar “Netëork”.

Zbulohet në lagjen “Vasil Shanto”, një call center ku dyshohet se kryhej mashtrim kompjuterik. Arrestohen në flagrancë 4 shtetas, organizatorë dhe drejtues të kësaj veprimtarie. Procedohen penalisht 61 punonjës, të cilët u kapën në flagrancë gjatë ndërhyrjes së Policisë, në call center.

Sekuestrohen 152 pajisje elektronike, nëpërmjet të cilave dyshohet se kryhej mashtrimi, si dhe materiale të tjera me interes për hetimin.

Specialistët e Sektorit për Hetimin e Krimeve Ekonomike dhe Financiare të DVP Shkodër, në bashkëpunim me specialistët e Sektorit për Hetimin e Krimeve Ekonomike dhe Financiare në Drejtorinë për Hetimin e Krimeve Ekonomike dhe Financiare në Drejtorinë e Përgjithshme të Policisë së Shtetit, si rezultat i hetimeve të kryera me metoda proaktive, në funksion të një procedimi penal, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Shkodër, organizuan dhe finalizuan operacionin e koduar “Netëork”.

Si rezultat i operacionit u arrestuan në flagrancë shtetasit:
-F. P., 37 vjeç, banues në fshatin Bajzë, administrator i subjektit;
-L. M., 43 vjeç, B. N., 41 vjeç dhe N. B., 42 vjeç, të tre banues në Shkodër.

Nga veprimet hetimore dyshohet se këta shtetas organizonin veprimtarinë kriminale të mashtrimit kompjuterik në këtë subjekt dhe drejtonin grupet e punonjësve. Gjatë operacionit, në ambientet e subjektit u kapën në flagrancë, gjatë ushtrimit të aktivitetit, 61 shtetas, për të cilët nisi procedimi në gjendje të lirë.

Gjatë kontrollit të ambienteve u gjetën dhe sekuestruan me cilësinë e provës materiale, 152 pajisje elektronike (kompjuterë, laptopë dhe pajisje të tjera të përdorura për ushtrimin e veprimtarisë), një shumë parash, si dhe materiale të tjera me interes për hetimin. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme./Dosja.al

Foto ilustruse

SHKODRA- Një tjetër rast i mashtrimit të qytetarëve përmes call-center është goditur nga Krimi Ekonomik dhe Kibernetik në Drejtorinë e Përgjithshme të Policisë së Shtetit në qytetin e Shkodrës. Veprimtaria e tyre është mbajtur nën vëzhgim nga hetuesit, me qëllim dokumentimin e plotë të tyre. 

Në kuadër të këtij operacioni janë arrestuar katër persona, ndërsa 61 të tjerë po hetohen në gjendje të lirë. Pritet që orët në vijim autoritetet përkatëse të japin më shumë detaje rreth kësaj strukture kriminale dhe akuzave përkatëse që rëndojnë mbi të arrestuarit.

Skema e mashtrimit dyshohet të jetë e ngjashme me rastet e tjera, telefonata në drejtim të qytetarëve europian që u premtohen fitime kolosale. Po ashtu gjatë operacionit policia ka sekuestruar dhjetëra pajisje kompjuterike që përdoreshin për mashtrimin, përfshirë edhe aparate celularë, të cilët do të shërbejnë për dokumentimin e mashtrimit dhe zgjerimin e hetimeve./Dosja.al