Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Protesta para Parlamentit/ Policia zhvendos protestuesit, pritet të nisë seanca plenare 20 Korrik, 10:32 PD drejt ri...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
• Dy persona kanë mbetur të vdekur dhe një tjetër është plagosur mbrëmjen e kaluar pas një përplasjeje me armë zjarri në Shkup. • Ngjarja ka ndodhur rreth orës 21:00, në një shisha bar në rrugën “Samoilova”. • Gjithçka ka ardhur pas përplasjes së dy grupeve në këtë lokal që ndodhet në katin e parë të një hoteli. • Të vrarë mbrëmjen e kaluar kanë mbetur Jeton Krivanjeva dhe Enes Isenir që ndryshe njihen me nofkat “Laçi” dhe “Zhilla”. • Të dy të ata rezultojnë emra të njohur për Policinë e Shtetit për shkak të të shkuarës së tyre kriminale.
3 artikuj për këtë temë.
SHKUP- Ministria për Punë të Brendshme (MPB) ka dalë me një njoftim zyrtar lidhur me të dhënat e vrasjes së dy shqiptarëve dhe plagosjes së një të treti dje në zonën e Çarshisë. Sipas MPB-së, ngjarja ka ndodhur disa minuta pas orës 20:00, ku mbetën të vrarë dy persona dhe një tjetër i plagosur. Disa minuta më pas, rreth orës 20:30, është djegur një makinë “Audi A6”, që mendohet se i përkiste autorëve të ngjarjes.
“Më 06.03.2023 në ora 20:11 minuta në SPB-Shkup është denoncuar se në një objekt hotelierik në rrugën Samoilova” në Shkup 5 persona të veshur me të zeza dhe me maska në kokë kanë shtënë me armë zjarri drejt personave J.K. 37 vjeç dhe E.I. 28 vjeç të cilët kanë ndërruar jetë në vendngjarje, derisa personi i plagosur A.T. 34 vjeç është dërguar në Spitalin e Qytetit për kurim dhe pas sanimit të plagëve është lëshuar në kurim shtëpiak. Për rastin menjëherë është njoftuar edhe prokurori publik i cili ka dalë në vendngjarje dhe me urdhër të të cilit trupat janë dërguar në autopsi. Rreth orës 20:30 në rrugën drejtë Orizares së Epërme është djegur një makinë “Audi A6”. Me urdhër të prokurorit publik janë marr në bisedë informative më shumë persona dhe po ndërmerren masa adekuate për zbardhjen e vrasjes,”- thuhet në njoftimin e policisë.
TIRANË- Zbardhen detaje të reja nga vrasja e dy shqiptarëve në Shkup. Ngjarja e rëndë ka ndodhur mbrëmjen e djeshme në Çarshinë e Shkupit, ku shqiptarët Jeton Krivanjeva dhe Enes Isenir janë vrarë brenda një bari, ndërsa një i tretë është plagosur. Sipas dëshmive të para, vrasësit ishin të maskuar kokë e këmbë dhe kanë hyrë në lokalin ku ndodhi krimi duke u prezantuar si policë.
Pasi dhanë komandën "duart lart", nisën që të qëllonin mbi 2 shqiptarët duke i lënë të vdekur në vend, ndërkohë që i treti i plagosur është jashtë rrezikut për jetën.
MAQEDONI E VERIUT- Dy persona kanë mbetur të vdekur këtë mbrëmje dhe një tjetër është plagosur pas një përplasjeje me armë zjarri të ndodhur këtë mbrëmje në lagjen ‘Çarshi e vjetër’ në Shkup. Mediat vendase shkruajnë se ngjarja ka ndodhur rreth orës 21:00, në një shisha bar në rrugën “Samoilova”.
Gjithçka ka ardhur pas përplasjes së dy grupeve në këtë lokal që ndodhet në katin e parë të një hoteli. Të dy të vrarët nuk janë identifikuar ende, por rezultojnë emra të njohur për Policinë e Shtetit për shkak të të shkuarës së tyre kriminale. Të vetmet detaje që janë raportuar, janë nofkat e tyre, “Zhila” e “Laci”.
“Më 06.03.2023 në ora 20:11 në SPB-Shkup është denoncuar se në një objekt hotelierik në Shkup disa persona kanë shtënë me armë ndaj J.K. dhe E.I. të cilët kanë nderuar jetë në vendngjarje si dhe ndaj A.T. i cili ka marrë lëndime dhe është dërguar në spital për t’i dhënë ndihmën mjekësore. Po merren masa për zbardhjen e rastit”, thuhet në njoftimin e MPB-së.
