Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
•Gjendet pas 9 ditësh, Ersida Dyrmishi, nëna e dy fëmijëve e cila ishte denoncuar e zhdukur nga familja. •Ajo ka deklaruar se është mbajtur peng për 9 ditë dhe nën kërcënimin e thikës është detyruar të kryejë marrëdhënie seksuale me pengmarrësin. •Mbrëmë (1 gusht 2022) çifti bëri denoncimin në polici të pengmarrësit Marius Musaku. •Arrestimi i 32 vjeçarit nga Lushnja u bë pas kallëzimit të bashkëshortëve, banues në Durrës, të cilët treguan se Musaku i ka hequr lirinë në mënyrë të paligjshme Ersidës duke e mbajtur me forcë për disa ditë në një banesë e ka detyruar për të bashkëjetuar dhe ka kryer marrëdhenie seksuale me dhunë me të, nën kërcënimin e një thike dhe duke e kanosur për jetën e familjarëve të saj. •32 vjeçari ishte dënuar më parë për veprën penale “Heqja e paligjshme e lirisë”. • Ai ka mohuar akuzat duke u shprehur se nuk ka mbajtur peng njeri e se Ersida erdhi me dëshirë pasi kanë njohje me njëri-tjetrin. •30 vjeçarja rezultonte e zhdukur prej 25 korrikut 2022 kur bashkëshorti i saj kishte bërë denoncimin në polici dhe fotoja e gruas u shpërnda nëpër rrjete sociale për të kërkuar ndihmë për gjetjen e saj.
5 artikuj për këtë temë.
TIRANË- Ky është vendi në të cilën është mbajtur peng një javë nëna e dy fëmijëve Ersida Dyrmyshi. Në pranga është vënë 32-vjeçari nga Karbunara e Lushnjes Marius Musaku, pasi akuzohet nga gruaja për rrëmbim e përdhunim. Ata kishin qëndruar këtë kohë në një banesë ku jepen dhoma me qira.
Në polici Musaku ka deklaruar se ka pasur njohje dhe pëlqim reciprok me të renë, por është kundërshtuar prej saj bashkëjetesa që ai i ka kërkuar.
Familjarët kanë treguar se Ersida është në gjendje të mirë. Bashkëshorti i 30-veçares deklaroi se nuk kanë asgjë për të deklaruar pas kësaj ngjarjeje, që i ka tronditur rëndë, ndërsa e shoqja ndodhet në gjendje të mirë dhe është kthyer në banesë.
TIRANË- Marjus Musaj, i akuzuar për pengmarrjen e Ersida Dyrmishit ka treguar se nuk e ka marrë peng 30-vjeçaren. Në dëshminë e tij, i riu ka mohuar akuzat duke thënë se ata kanë pasur njohje me njëri-tjetrin e se ka qënë vetë Ersida e cila ka ardhur me të me dëshirë. Po ashtu, autori i dyshuar tregon se e ka dërguar vetë në komisariat gjë që tregon se nuk e ka marrë me forcë.
“Erdhi me dëshirën e saj. Nuk e kam marrë forcërisht, po erdhi me dëshirën e saj, ne kemi një histori dashurie, kemi qënë bashkë. Po ta kisha marrë me forcë nuk do ta sillja vetë në komisariat. Kemi njohje me njeri tjetrin”, tha Marjus Musaj.
TIRANË- Ersida Dyrmishi denoncoi së bashku me bashkëshortin në polici se është mbajtur peng për 9 ditë në një hotel, aty ku është përdhunuar dhe kërcënuar me një thikë. Policia ka vënë në pranga Marjus Markun, si personin që 30-vjeçarja e akuzon për pengmarrje.
32-vjeçari nga Lushnja, ishte dënuar edhe më parë për pengmarrje. Në vitin 2018 mori peng ish-gruan për 24 orë, ndërsa pas denoncimit të babait të 27-vjeçares u arrestua. Gjithçka ndodhi pas konflikteve që solli edhe divorcin. Gjatë kohës që ishin të martuar, ish gruaja e ka denoncuar për dhunë dhe torturë fizike.
TIRANË- Marius Musaku, është personi të cilin Ersida Dyrmyshi e akuzon se e mbante nën kërcënim të mbyllur në hotel. Ai është arrestuar në flagrancë dhe do të akuzohet për heqje të paligjshme të lirisë. Në dëshminë e saj e reja ka thënë që është mbajtur pa dëshirën e saj nga Musaku, i cili është shoqëruar mbrëmjen e djeshme në komisariat. Sipas njoftimit zyrtar të policisë 32-vjeçari ka abuzuar seksualisht me nënën e dy fëmijëve, duke e kanosur për jetën e familjarëve të saj.
NJOFTIMI I POLICISË:
Specialistët për Hetimin e Krimeve në Komisariatin e Policisë Durrës arrestuan në flagrancë, për veprat penale “Heqja e paligjshme e lirisë”, “Shtrëngimi apo pengimi për të bashkëjetuar ose për të lidhur apo zgjidhur martesë” dhe “Marrëdhënie seksuale me dhunë me të rritura”, shtetasin M. M., 32 vjeç, banues në Lushnjë, i dënuar më parë për veprën penale “Heqja e paligjshme e lirisë”. Arrestimi i këtij shtetasi u bë pas kallëzimit të shtetasve T. D., 36 vjeç dhe E. D., 30 vjeç (bashkëshortë), banues në Durrës, të cilët mbrëmjen e djeshme kanë denoncuar se shtetasi M. M. i ka hequr lirinë në mënyrë të paligjshme shtetases E. D., duke e mbajtur me forcë për disa ditë në një hotel, e ka detyruar për të bashkëjetuar dhe ka kryer marrëdhenie seksuale me dhunë me të, nën kërcënimin e një thike dhe duke e kanosur për jetën e familjarëve të saj. Shtetasja E. D. ishte shpallur e humbur, pasi më datë 25.07.2022, në Komisariatin e Policisë Durrës, bashkëshorti i saj, shtetasi T. D. ka kallëzuar se ajo ishte larguar nga banesa dhe nuk ishte kthyer më. Materialet i kaluan Prokurorisë, për veprime të mëtejshme.
TIRANË- Është gjetur në një banesë Ersida Dyrmishi, e cila rezultonte e zhdukur prej 25 korrikut 2022. Nëna e dy fëmijëve është gjetur në një banesë në Spitallë të Durrësit dhe ka deklaruar se është mbajtur peng gjatë gjithë kësaj kohe.
E reja u shpall e zhdukur pas denoncimit të familjarëve të saj se Ersida ishte larguar prej 25 korrikut nga banesa dhe që nga ajo ditë nuk kishin pasur më kontakte. Bashkëshorti i saj njoftoi policinë si dhe fotoja e gruas së zhdukur ishte shpërndarë në rrjete sociale për të kërkuar ndihmë për gjetjen e saj.
Policia ka arrestuar për pengmarrjen e saj, Marius Musaku, të cilin e akuzon se e mbante nën kërcënim të mbyllur në banesë. Ai është arrestuar në flagrancë dhe do të akuzohet për heqje të paligjshme të lirisë. Musaku nga Lushnja ishte emër i njohur nga policia si person me precedentë të mëparshëm penalë për akuzën e "pengmarrjes". Pritet që në orët në vijim të ketë më shumë informacion për këtë ngjarje.
